Khaw tin tuk 10g30- 14g30 harei 2/12 

/ Thủ tướng rajaei brei parabha labaih 300 tủ đồng meng kadung jien ka bruk môi trường hu parabha dalam kadung jien karja thun 2015 piah dong ka 27 tỉnh peih ngak dom danak dak xử lý nerak tachuak trak gah công ích. Thủ tướng rajaei pandar dom mintri jien padai, Tài nguyên song môi trường  pasang iek, taong yaom thủ tục hồ sơ song số liệu pathau khan. 

# Peih ngak danadak 135 (tukvak 2011-2015), tỉnh Sơn La hu daong labaih 850 tỷ đồng ka 102 xã saong 281 palei kan kandah, taphia di nan, buh jien tame ngak dom cơ sở hạ tầng, patagok sản xuất, tani tanat raidiuk bhum bhapbini bangsa takik, peih tabiak jalan patagok di bhum glaong Sơn La. Baoh sang kathaot dalam bhum hu mbang tui danakdak 135 trun, meng 59% thun 2011 trun daok 30% thun 2014.

/ Meng akaok thun tal ni hajan di Bình Định beir jang yaok thun. Urak ni di dom danao ia dok dalam tỉnh bahrau hu labaih 63% lượng ia dut song dung tích thiết kế. Rilo puk palei ni, meda kurang ia pruh ka bruk ngak nong, ngak cong song duik rai. Ong Phan Trọng Hổ, Giám đốc Sở ngak nong song patagok palei pala tỉnh Bình Định, brei thau Dahlau labaih sa adit, ia di krong ribong lac biak beir. Meyah lac oh hu hajan 5 harei tapa, kol hulin brei tathuak danao tabiak, khat ia biak rilo. Yau nan ye, ia di krong ribong, danao, meda hu ginup piah ngak vụ đông xuân, kol drei patrun tathuak ia di dom danao.

# Festival bingu Đà Lạt mbang yaka 6- thun 2015 hu angan ieu lac “Đà Lạt – rabau sambo màu bingu” meda rah tabiak  dalam 5 harei meng harei 29/12 tal harei  2/1/2016) di ban sit Đà Lạt, tỉnh Lâm Đồng ngan saong rilo bruk ngak. Kadha praong di Festival bingu Đà Lạt thun ini lac danakdak "Không gian bingu” kayua Hiệp hội bingu Đà Lạt peih ngak ngan saong 5 bruk ye : Không gian bingu vil tam dhan hồ Xuân Hương; jalan bingu Lê Đại Hành, tatua ông Đạo; labik ravang mein bingu di dom palei bingu ..v..v..

/ Jabat pato megru  huyện Xuân Lộc, tỉnh Đồng Nai pambuak bruk song Phòng Lao động Thương binh song Xã hội huyện peih harei taom gaok uranaih jaoh jo mbang ka 3, thun 2015. Di labik ni hu rah tabiak rilo bruk yau: pathau khan langyah ka amaik ame, anek saih thau dom janih ruak kik. Jeng dalam mbang ni, dom kapul đơn vị jao 47 pok pandap ka anek saih jaoh jo sang kan kathaot yaok pok pandap yaom 250 ribau đồng, abih tih yaom 13 triệu đồng

# Tui Sở Công thương ban sit Cần Thơ, tal tukvak ini hu 7 doanh nghiệp tut angan tame danakdak khik kajap yaom kaom darak pasal ngan saong yaom pandap caik piah gam gam labaih 464 tỉ đồng, tagok 109 tỉ đồng duk saong Tết Nguyên đán  thun dahlau. Ông Trương Quang Hoài Nam, Phó akaok uy mban bhapbini ban sit Cần Thơ brei thau : Langiu dom pasak praong, kol drei sangka tal tết ka mikva bhum palei pala, tal bhum hu rilo bhapbini daok. Abih di nyu nan lac dom labik công nghiệp dalam tỉnh. Kuhria caga dom labik pablei pandap panda tui caong khin di bhapbini. Drei pablei pandap ka mikva, adei saai cong nhan, lagaih haong kadung jien jeng yau hatai caong di urang ngak”.

/ Di pasak ilamu tỉnh Kiên Giang, rilo urang đoàn, dam dara song urang di ban sit Rạch Giá hu mbaok mít tinh pachreih tui bilan pacang caga HIV/AIDS thun 2015 kayua mban tacei jalan pacang caga HIV/AIDS tỉnh Kiên Giang peih ngak. Urak ni di tỉnh Kiên Giang hu labaih 4.700 urang njom HIV, dalam nan hu 2600 urang tapa ruak AIDS. Yaom lac Kiên Giang kham merat pathau khan iek ruak min urang njom HIV dok glong, tui kuhria yaok thun tỉnh hu labaih 300 urang ruak bahrau.

Khaw tin dunya

# Campuchia meda patgaok jien mesraiy rajaei meng tanut 822 triệu đôla dalam thun ini tagok jaik 960 triệu đôla Mỹ dalam thun 2016 piah pabak bruk patagok. Tui akaok mintri jien padai Mô-ni-rốt, bruk paglaong jien mesraiy rajaei gam saong salih barau sarak thuế meda daong pabak tame khoản patagok chi tiêu công 12,3% dalam thun tài khóa 2016, dalam nan tagok 28% ka pato megru saong 17% ka quốc phòng.

/ TQ bahrau hu brei thau veik panuac sinya oh dok bruk eik lipa di negar ni tuk bruk patruh eik patrun kathaot hu mong lac jalan ngak piah tani tanat xã hội song jhul pakhang bruk ngak di taneh ia. Langiu di nan, rajaei TQ meda pasiam jalan mbak nao mai di dom puk palei, pachreih ba dom pok jien dong ba ka urang kan kathaot mesraiy song ieu pataom dong ka XH. 

# Gilang pariak Tái thiết saong patagok châu Âu (EBRD) brei buh tame 472 triệu Ơ-rô (Euro), sumu 500 triệu đôla Mỹ (USD) piah daong dom danadak năng lượng ia harei barau di Ai Cập dalam thun 2016. Tui gilang pariak  Tái thiết saong patagok châu Âu, rajaei Ai Cập daok hu bruk patagok năng lượng điện tái tạo piah ngak hu công suất 2 rabau Mêga Oắt (MW), pabak 20 % caong khin pandar menyek di bhapbini . Piah ngak hu bruk, Ai Cập njauk apdang jaik 40 dự án điện ia harei, ngan saong công suất takik di abih 50 Mêga Oắt yaok dự án./.