1 # Tukvak pahadar 68 thun Harei Thương binh - Liệt sĩ, tỉnh Phú Yên buh tabiak jaik 7,5 tỉ đồng piah rivang, alin brei pandap kajaik 17.900 urang sarak karja dalam tỉnh. Meng jien di Trung ương saong puk palei, tỉnh Phú Yên peih bruk padang ngak dom bruk thau dar phor yau: Bia liệt sỹ, padang ngak sang ranam alin brei ka baoh sang sarak karja kan kandah ka sang daok... Ong Nguyễn Phất, Akaok Sở Lao động Thương binh saong Xã hội tỉnh Phú Yên brei thau:

Băng: Kapul urang dahlau diah ngak bol lin, Đoàn thanh niên tỉnh peih bruk truac dhil dhal phol angaok taong abih dom mblang kabo liệt sỹ dalam tỉnh. Khaol dahlak jeng jak ba padang ngak sang ranam piah hu labik daok ka urang urang sarak Karja. 6 bilan akaok thun ini jaik ba hu 3 tỷ 3 rituh 85 triệu đồng, padang ngak hu 121 baoh sang saong ngak salah blaoh dahlau di harei 27/7.

2/ Harei kabroi 21/7 di sang bac Đại học Quảng Bình hu rah tabiak harei patom brei darah thun  2015 -"njoh darah hadar dar phor Đại tướng”.. Hu mbaok dalam harei brei darah mbang ni hu jiak 1.500 urang halan hatian dalam tỉnh Quảng Bình. Danak dak hu dong pasiam veik bruk kurang darah  cấp cứu song iek ruak ka urang ruak dok dalam tỉnh jang yau dalam negar  

3 # Ủy ban Bhap bani tỉnh Quảng Nam hu pandar Gilang pariak Karja dhal Quảng Nam patui veik giao ban định kỳ haong dom gilang pariak thương mại, dom puk palei saong dom jabat pambuak pagam tal piah samar langyah dom tavak tave dalam tuk peih ngak sarak brei mesre; parabha bruk ka yaok gilang pariak thương mại dang tabiak brei mesre di yaok puk palei piah ka bruk pilih ruah hồ sơ brei mesre padang ngak bahrau gilai taong ikan hu công suất prong tui Nghị định 67/2014 /NĐ-CP di Raja-ei hu mbuan lagiah.

4/ Ủy ban jum pataom Công giáo Việt Nam tỉnh Khánh Hòa bahrau peih bruk pok meyaom urang siam bruk gheih dalam mik va urang Công giáo di tỉnh tuk vak 2010 – 2015, hu mbaok labaih 230 urang naih gheih mai meng dom giáo xứ, họ đạo dalam tỉnh. Tui tong yaom di Ủy ban jum pataom Công giáo Việt Nam tỉnh Khánh Hòa, urak ni dom bruk di agama Công giáo dak harei dak hu siam lagaih jang, rilo nhà thờ, tu viện hu padang ngak bahrau, pasiam veik, dong ka tu sĩ bac megru, yaok thun pato pakai hu rilo linh mục ranaih umo, daong ngak ka rai duik mbang ngui, daok dang di mik va urang công giáo dak harei dak siam merke haniem phol.

5 # Piah pandar siam halau aia, taneh riya dalam tukvak tua riya pandiak bhang  daok rah tabiak khang, dalam vụ mùa 2015 ini, tỉnh Ninh Thuận kuhria panduan salih 840 ha taneh ngak padai aia oh hu hiệu quả tapa pala tangeiy lai, pala hareik, pambuak haong bruk pala pandap mbang ka anek athur raong dalam bilan tua riya. Bruk panduac salih phun pala meda hu tỉnh peih ngak dom labik tambok tanu, dahlau diah ngak padai, urak ini salih tapa pala dom janih phun pala karei pandar takik aia jang, ba mai hiệu quả kinh tế glaong.

6/ Melam doh take "Pahadah ilamu" di xã Đắk Ha, huyện Đắk Glong tỉnh Đắk Nông hu peih mbaok ka mbang parang main dui atah 7 harei meng harei 21 tal harei 28/7 di dom xã bhum atah bayah di huyện Đắk Glong, di dom nghệ sỹ không chuyên nan lac urang bangsa takik. Di mbang parang main hu labaih 60 nghệ sỹ không chuyên lac dom urang nong bangsa  M'Nông, Mạ, H'Mông di huyện Đắk Glong hu parang main rilo kadha doh meng kan pok meyaom taneh ia palei negar, pok meyaom bruk meyut meyau meng sap M'Nông, sap Mạ.

7 # Ban An toàn Giao thông tỉnh Đắc Lắc peih tal pato pathram ilamo ka an toàn giao thông. Tal pato pathram rah tabiak meng harei 21/7 tal harei 24/7 ka dom urang jakar chữ thập đỏ, công an saong urang halar hatian pambuak bruk chữ thập đỏ di 18 xã dalam 3 huyện angaok jalan royaộ 26 di tỉnh Đắc Lắc. Asal kadha pataom tame meyaih khan ka dom học viên thau ilamo gah an toàn giao thông, bruk sơ cấp cứu akaok mereip ngan haong dom urang njauk bala angaok jalan mbak nao mai.

Patui di ni dom khau tin dunya

8/ Thun bloh, jiak 20 triệu urang klak sang danaok kayua ia sua, ribuk song megei boh taneh. Panuac khan di Hội đồng urang tị nạn Na Uy brei thau, bruk urang di cư kayua bala meng lingik tasik dak harei dak rilo kayua biến đổi khí hậu. Meng di thun 2008, tui kuhria yaok thun hu 26 triệu 500 urang paduan nao labik karei kayua bala meng langik tasik. Jeng tui panuac khan nan, châu Á lac labik njauk trak di abih song hu jiak 90% dalam 19 triệu 300 urang paduan nao labik karei, kayua njauk ribuk khang di Trung Quốc, Phlippin song ia sua di Ấn độ.

          9 # Mentri Y tế Hàn Quốc brei thau, negar ini oh daok hu urang halei njaom mbak Hội chứng suak yava bhum Trung Đông Mớt (MERS) bahrau dalam 16 harei gam. Tapa nan brei mboh lac, Hàn Quốc daok yam tal jaik bruk abih jit Mớt. Bruk pambak prong di virus daok suai damuai veik. Raja-ei Hàn Quốc meda tabiak panuac lac abih jit Mớt samar abih nan lac dalam harei 2 bilan 8 tal, hadei di 4  adit oh daok urang halei njaom mbak bahrau.

 10/ Gah y tế dunya harei kabroi 21/7 hu panuac khan lac jit tả dok mbuan si pambak samar di Nam Xu đăng song takik di abih 39 urang metai meng di tuk jit ruak hu khan brei thau di bilan dahlau. Tuk kuhria mboh di Gah y tế dunya, tong abih hu 1 ribau 121 urang njauk ruak tả. Mintri Y tế Nam Xu đăng hu tabiak panuac lac jit tả rah tabiak di harei 26/3 song sruh jit ruak camereip hu duah mboh di sa trại tị nạn di Liên hợp quốc daok di Du-bai./.