Khaw tin tuk 10g30- 14g30 harei 4/1

#/ Mintri ngak nong song patagok palei pala, akaok mban tacei jalan pakat negar pacang caga jit kum menuk ada Cao Đức Phát bahrau hu harak công điện ka bruk patagok  pacang caga vi rút kum A H7N9 song dom chủng vi rút menuk ada tapa menuac. Dom puk palei ngak catang bruk pajeng ba pablei salih menuk ada  di puk palei,  tui iek di labik. Patagok bruk pasang iek samar, peih bruk dut iek vi rút cúm A H7N9 song dom chủng vi rút karei di angaok menuk ada nhập lậu, menuk ada pablei di pasa piah samar duah vi rút njom mbak piah hu jalan langyah chip.

# Ủy ban An toàn giao thông negar brei thau, dalam klau harei padheih Tết saka ia harei saong puac adit akaok mereip di thun 2016, dalam taneh ia hu 124 mbang bala di jalan nao mai, ngak ka 65 urang metai, bị thương 94 urang; dalam nan, jalan ridaih patuh rah tabiak 121 vụ, metai 62 urang, bị thương 94 urang; jalan radaih pui  2 vụ,  metai 2 urang; jalan ia 1 vụ, metai sa urang. Ta-eng harei 3/1, bala jalan nao mai hu rilo jang saong ngak ka urang mertai rilo jang, tui nan , hu 49 vu bala jalan nao mai, ngak brei 23 urang metai, bị thương 41 urang.

#/ Sở Giao thông Vận tải ban Đà Nẵng dok peih ngak danak dak peih bahrau 5 tuyến radeih buýt dong yaom, duh ka tuai damuia di palei pala. Tui kuhria, hu 60 sruh radeih buýt janih 40 labik dok hu ba tame pandar meng 5 tuk tal 9 tuk melam yaok harei. Tui danak dak ni, tuai damuai lac urang jakar  lão thành cách mạng, tiền khởi nghĩa, urang amaik VNAH, thương bệnh binh jaoh jo labaih 81%, urang jaoh jo trak, urang njauk jru klik kroc hu nao mai saoh, dom urang dalam sarak karei karei song urang  umo prong, boh sang kan kathaot, urang ngak dalam khu  công nghiệp, anek saih, SV hu patrun meteh yaom jien harak .

# Tỉnh Phú Yên urak ini hu 17 xã hu brei angan chuẩn palei pala barau, 25 xã hu meng 14 tal 18 tiêu chí. Thun ini, tỉnh Phú Yên kham merat hu veik 30 xã hu chuan ini saong tal thun 2020, 60% dom xã dalam tinh ngak hu chuan palei pala barau. Ông Trần Hưng Lợi, Phó akaok patagok palei pala tỉnh Phú Yên brei thau : Dom xã hu dom điều kiện ye gauk, meyah libik halei karja pathau khan jak ba siam saong pandar dom menuac urang siam gam saong bhapbini dak padang siam lac libik nan hu bruk padang ngak palei pala barau siam siam saong hu salih jang.

#/ Sang ilamu uranaih Đắc Lắc pambuak bruk song rayo papar binguk tỉnh (DRT) peih bruk pakacah roh duah urang naih gheih ranaih umo Đắc Lắc thun 2016. Ni lac mbang akaok meti bruk pakacah ini hu peih ngak di tỉnh Đác Lắc brei ka dom thí sinh meng umo 6 tal 30, jeng sa mblang me-in siam lagaih ka dom ayuh ranaih umo, abih di nyu nan lac thanh thiếu niên song duah dom thí sinh naih ghieh piah pasram megru. Hu  mbaok dalam mbang pakacah hu 123 tiết mục di labaih 200 thí sinh song nyaom thí sinh tut angan tame pakacah, di rilo janih yau doh, tamia, parang main alat ragam, ảo thuật. Mban giám khảo hu palih ruah 30 tiết mục  gheih di abih piah tame pakacah dhi dalam.

#  Kadyua hadang nguyên liệu dalam tasik ribong kraong takik saong dak jaik tết caong khin biak praong yua nan ye dom labik ngak đặc sản hadang thu Vinh Kim (Trà Vinh) oh khang hatai taduan mek đơn blei pandap meng số lượng praong. Hadang thu Vinh Kim hu  Cục Sở hữu trí tuệ - mintri alamu saong Công nghệ brei angan lac thương hiệu độc quyền di darak pasal; nguyên liệu rilo di janih  đặc sản ini hu ngak meng tép bạc taneh dalam tasik, krong ribong, oh pandar saong biak thu. Pnadap hu sambo mau bhong hồng tự nhiên, rilo khang saong hu pahe bingi đặc trưng. Urak ini hadang thu Vinh Kim tok daok takik sang ngak saong so luong takik meng 30-40kg hadang thu sa harei yau nan ye yaom daok tagok saong oh ginup pandap pablei ka urang blei.

#/ Pajaih lasun thun ni pablei yaom biak glong min akaok lasun  yaom  pablei oh tami tanat dalam dom thun jiak di ni, rilo urang nong di ban sit Vĩnh Châu, tỉnh Sóc Trăng hu salih  tapa pala củ cải patih, urak ni phun pala ni hu năng xuất song kein liba biak glong. Saai Mến khan lac, meyah pablei yaom 3000 đồng sa kg ye meda liba labaih 10 triệu đồng sa công, min meng tuk muối tal tuk cambu củ cải ngak xá pấu abih 10 harei jeng hu yaom glong jang labaih 9000 đồng sa kg.  

Khaw tin dunya

          # Karja ban Bắc Kinh, Trung Quốc meda paglaong dom tiêu chuẩn an toàn lao động saong pasang iek pakauk saong trun takim dom bruk công nghiệp ngak khut ka tính mạng anek menuac atau ngak nerak không khí. Karja ban Bắc Kinh sanya meda caik 125 triệu nhân dân tệ (19,25 triệu đô la Mỹ) dom yahy klak dom bruk khut kayua kurang an toàn lao động ngak tabiak, ramik pasiam dom trạm xăng menyek, dom jalan ống ba khí đốt saong ba chất hóa học.

          #/ Harei 3/1 UB bhap bini tỉnh Thanh Hóa (VN) song tỉnh Hủa Phăn ( bắc Lào), hu peih bruk padang ngak sang iek ruak hữu nghị Việt Nam-Lào di  tỉnh Hủa phăn. Ni lac danak dak peih ngak tui Hiệp định pambuak bruk kinh tế, ilamu, pato megru, ilamu kỹ thuật di karja negar Cộng hòa Xã hội Chủ nghĩa Việt Nam song negar Cộng hòa Dân chủ bhap bini  Lào. Danak dak sang iek ruak hữu nghị tỉnh Hủa Phăn kayua UB bhap bini tỉnh Thanh Hóa ngak po song tong abih tih phun jien labaih 20 triệu đôla Mỹ, hu 200 papan ndik song dom trang thiết bị jamriak bahrau./.

# Rajaei Nhật Bản daok tabiak bruk paglaong số lượng saong peih praong quy mô dom mbang pasram caga tấn công mạng, di bruk kham merat piah kuhria caga ka sự kiện Thế vận hội Ô-lim-píc (Olympics) meda peih ngak di ban Tô-ki-ô di thun 2020. Rajaei khan brei thau, dom mbang pasram hu peih ngak takik abih 10 mbang dalam sa thun, meng ini tal tal thun 2020. Dalam sa mbang pasram, dom urang pataom tame hu rabha jeng dom kapul nyaom sit, hu bac bruk duah thau dom mbang tấn công angaok mạng máy tính, caga bruk pambak dom mbang tấn công, dut iek makna saong brei thau ka jabat chức năng./.