Khaw tin tuk  10g30 saong 14g30 harei 21/9/2015

/ Harei ni, 21/9, Harei pataom gru pato bruk ngak pakat negar mbang ka 6 thun 2015 hu peih tabiak di ban Đà Nẵng. Harei pataom mbang ni hu labaih 230 gru pato, dok ngak bruk song pato pakai di 160 labik pato bruk ngak di 56 tỉnh ban dalam negar mai pataom mbaok. Dom kapul ban raya HCM, Hà Nội song Đà Nẵng hu kadha tame pakacah rilo di abih, meng 10 -16 kadha, dalam tuk nan kapul Hà Nam, Cà Mau, Lâm Đồng tok hu sa kadha tame pakacah. 

# Barau ini, di Quảng Trị, Pasak papar binguk VN di ban raya HCM brei 2 ty dong ka “ paok jien kayua urang kathaot” 2 huyen Gio Linh saong Vĩnh Linh, tỉnh Quảng Trị. Paok jien ini panar piah daong padang barau, ramik pasiam sang daok ka 64 sang katahot, sang sarak, dalam nan 39 sang taduan mek jien ngak sang barau, yaok sang 50 trieu dong, 25 sang taduan mek pandap tak tabung, ramik pasiam sang.

/ Di Bình Định, Công ty Yamaha Motor Việt Nam pambuak bruk song UB An toàn giao thông pakat negar song Ban An toàn giao thông tỉnh Bình Định hu peih danak dak “ Alin brei muat bảo hiểm Yamaha 2015- kayua adei dok cong khin” Công ty Yamaha Motor Việt Nam hu brei jiak 10 ribau muat BH hu tanut chuẩn ka anek saih 17 sang bac dalam tỉnh BĐ. Ông Khuất Việt Hùng, Phó Chủ tịch Ủy ban An toàn giao thông pakat negar, brei thau: Yamaha thun ni peih danak dak brei muat BH prong di abih. Song Yamaha brei angan ka danak dak lac “ Kayua adei cong khin” ngan song bruk brei muat BH nan lac sa bruk siam mekre meng akaok sahaneng ka uranaih dalam tuk vak daok praong tagok piah dong pabak dom cong di dom adei, cong khin di boh sang song XH 

# Piah paglaong akaok sahaneg ngak tui adat ka an toan toan jalan mbak; dak padang raidiuk ilimo di dam dara saong bhapbini tuk nao angaok jalan, bahrau ini, Tỉnh đoàn Bình Thuận pambuak bruk saong mban An toàn giao thông saong Công an tỉnh Bình Thuận peih harei pataom dam dara Bình Thuận saong ilimo jalan mbak thun 2015. Danakdak pataom mbaok labaih 300 urang doan, dam dara, anek saih pataom tame dom bruk pathau khan ka bruk nao mai siam mekre angaok jalan.

/ 9 bilan tapa, tỉnh Phú Yên hu labaih 1000 ha taneh ngak nong njauk klak saoh kayua kurang ia pruh. Tui panuac khan dalam thun ni, hijan takik meng 30 tal 50%, bruk taneh thu lagu meda  rah tabiak khang dalam thun hadei. Piah khik ka bruk ngak mbang pala drak song ria duik, dom huyện bhum ceik hu panuac caong dom gah chức năng pachreih ba phun jien ka bhap bini padang ngak dom danai ia. 

# Rayo sap ndom VN daok di bhum taneran kraong Cuu Long pambuak bruk saong Hệ thời sự chính trị tổng hợp (VOV1) peih var biai nao mai ngan saong kadha “ Kien Giang ngak hagait piah patagok siam pren khang gah du lich”. Di var biai nao mai, dom urang jakar ndom lac : pren khang du lich di Kien Giang urak ini biak praong, biak rilo janih. Min, patagok du lich tasik lac jalan nao praong di Kien Giang. Tukvak 2016-2020, Kiên Giang khan merat raok labaih 7 triệu mbang tuai, jien mek tame labaih 300 triệu đô la, pachreih jaik 20 rabau mbang urang ngak . 

/ Dhar Viettel Lai Châu pambuak bruk song Bộ Chỉ huy Bộ đội Biên phòng tỉnh Lai Châu brei 129 tấn xi măng ka dom boh sang kan kathaot di tapen jalan negar Bản Lang, huyện Phong Thổ. Meng ni tal puac thun, dhar Viettel Lai Châu  hu peih bruk brei 2000 tấn xi măng ka 2.392 boh sang di 23 xã dalam, 4 huyện tapen jalan negar. Hadei di tuk brei xi măng, gah bol lin biên phòng di palei pala pambuak bruk song pakat ủy, karja puk palei tui iek tacei ba urang pandar piah ba mai siam lagaih di abih. 

Patui di ini lac khaw tin dunya

# Phó Thủ tướng Thái Lan Ta-na-sắcPa-ti-ma-pra-gon (Tanasak Patimapragorn) brei thau, dự án padang sa jalan radaih apui dui pagam Trung Quốc saong Thái Lan meda peih ngak di puac thun ini. Ini lac  jalan radaih apui hu chuẩn chất lượng akaok mereip di Thái Lan,  jalan radaih apui ini meda lac jalan pajeng pandap panda praong di Trung Quốc saong Thái Lan, nao tapa Lào.

/ Thủ tướng bahrau di Ô-xtrây-li-a Man-côm Tơn-bun (Malcolm Turnbull) hu khan brei thau angan di dom urang dalam rajaei bahrau. Rajaei bahrai di Australia hu 5 urang kamei ngak bộ trưởn, rilo jang 2 mbang dut song rajaei dahlau nan. Tui nan, amuk Ma-ri Pây (Marise Payne) hu salih ka ong Ke-vin An-đriu (Kevin Andrews), jeng sa urang kamei camereip di abih  pan akoak mintri quốc phòng di Ô-xtrây-li-a.

# Bhapbini puk palei saong tuai du lich di Mu-ních (Đức) daok uan tabuan pataom tame harei roya mbia praong abih di dunya hu thau tal meng angan ieu Óc-tô-bơ-phét (Oktoberfest). Dom urang pataom tame cuh khan ao angui cuk mengkan di negar Bavaria hu tuh mai labik rija roya bia Óc-tô-bơ-phét mbang yaka 182. mBan peih ngak kuhria caga hu 6 triệu tuai damuai mai rija roya dui atah meng ini tal harei 4/10. Thun ini tuai hu meyum sa janih mbia hảo hạng hu yaom jaik 11 đôla sa lít.