# Dalam bui sambai uan raok thun bahrau thak pabe 2015, harei kabroi, pak  Inem mek pakat negar Đền Hai Bà Trưng, huyện Mê Linh, bal ine Hà Nội hu peih ngak dalam prong prang bruk pahadar 1975 thun khởi nghĩa Hai Bà Trưng saong peih pakak Lễ hội Đền Hai Bà Trưng thun 2015. Pok panuac pak van pahadar 1975 thun khởi nghĩa Hai Bà Trưng saong peih pakak Lễ hội Đền Hai Bà Trưng thun 2015, akaok negar Trương Tấn Sang hu pahadar veik ilamu meng kan ranam taneh aia saong tinh thần quật khởi di 2 urang kamei anh hùng Trưng Trắc, Trưng Nhị, dom urang kumei Lạc tướng taneh Mê Linh. Bruk khởi nghĩa di Hai Bà (thun 40 – 43 hadei di công nguyên) hu tame dalam dak rai sajarah bangsa Việt Nam, sarak dalam akaok sahneng, dalam hatung hatian yaok urang Việt Nam yau sa huyền thoại.

# Harei kabroi, dua mintri Công Thương saong jien padai hu harak ka 1860 payua dom thương nhân đầu mối, pandar khik kajap yaom pablei dom janih xang menyek. Anak bruk yaom xang menyek di dunya jaik ini hu jalan tagok gilac, piah rik daong khik tanat yaom pandap, plaih ngak kanyaih jhak tal xa hoi saong tam ly urang blei, mintri cong thuong saong mintri jien padai kham merat khik kajap yaom pablei dom janih xang menhek, cambaih laih : Xăng RON 92: oh glaong jang 15.686 đồng/salít; Xăng E5: oh glaong jang  15.356 đồng/sa lít; menyek điêzen 0,05S: oh glaong jang 15.183 đồng/ sa lít; Dầu hỏa: oh glaong jang 15.623 đồng/ sa lít; menyek madút 180CST 3,5S: oh glaong jang 11.861 đồng/sa kg.

# Hadei di dom harei padeih Tết, page mesup harei kabroi, dom bến padeih pataok ghe gilai pak Phan Thiết, tỉnh Bình Thuận hu chreih chrai gilac. Angaok bến gilai tapen dua gah kraong Cà Ty, urang taong ikan pataom mbaok biak ralo. Urang caga cúng gilai, urang kuhria panduan ba halăm njul, kuhria caga ka dom mbang nao tasik akaok thun bahrau. Urang taong ikan angan Nguyễn Văn Hiệp – po gilai BTh 99224 brei thau: “Tui adat meng kan ong akaok ong akei caik veik, harei akaok thun adei sa-ai taong ikan njauk palih ruah harei halei nao ka siam. Dahlau di abih likau patuah jamo ka adei sa-ai. Hadei nan lac tabiak tasik, drei jia lac harei nan drei meda ngak mbang hu”.

# Harei kabroi, mBan Thường vụ Tỉnh Đoàn Sóc Trăng pambuak bruk saong kapul pachreih bac saong Công ty Xổ số Kiến thiết Sóc Trăng peih mbang pataom gaok sinh viên di harei akaok thun  sak pabe - 2015. Di var pataom gaok, akaok tỉnh taong yaom glaong labik dang di sinh vien, taphia nan, caong dom sinh vien patagok bruk bac da  a dalam thun bahrau. 

# Hadei di mbang padeih Tết dui atah, harei kabroi, dom jabat, đơn vị hành chính pak tỉnh Đồng Nai gilac veik ngak bruk. Yaom lac harei ngak bruk akaok mereip hadei di mbang padeih Tết Nguyên đán, min manuac urang mai ngak harak chứng minh nhân dân, hộ khẩu pak Đội cảnh sát Quản lý hành chính gah trật tự xã hội – Công an bal Biên Hòa oh takik jang harei thường. Kayua yau nan ye, urang dang akaok hu tacei pato tal yaok urang jakar, yaok urang ngak bruk, brei ngak abih hatai, piah duh ka bhap bani.

# Melam kabroi, Hội bingu Xuân Ất Mùi thun 2015 di ban raya Hồ Chí Minh  hu tamat bloh. Hadei di 12 harei peih ngak ( meng harei 12 bilan 12 tal 6 bingun tet, Hoi bingu xuan ban raya HCM mbang yaka 35 hu raok jaik 500 rabau mbang urang ravang mein dalam dom harei tet cổ truyền.

# Dom gah chức năng tỉnh Tiền Giang bahrau pambuak bruk xử lý sa sruh jit cúm A(H5N1) pak sa baoh sang raong glang, oh caik ka nyu njaom mbak tapa manuac urang. Dahlau di nan, harei 17/2 njauk tame harei 30 bingun tết, tapol menuk mebaoh di ong Nguyễn Ngọc Tú daok pak ấp Lương Phú C, xã Phú Kiết, huyện Chợ Gạo duah mboh dom drei menuk dương tính haong vi rút cúm A(H5N1). Ban tacei pato pacang caga jit ruak angaok menuk ada di puk palei hu samar ba nao am cuh klaak, padam jit. Dalam nan, 35 urang trực tiếp raong glang, hu mbaok tame bruk pacang caga jit ruak saong dom baoh sang jaik taphia hu gah Y tế ba tame angan piah tui iek pren yava, tacei pato pacang caga jit cúm A(H5N1).

# Piah jhul pakhang talei pambuak taong abih gah ka urang ngak di VN saong Thai Lan, yam tal langyah salah bruk urang VN tapa ngak oh njuak hukun di Thái Lan dalam tukvak tapa, dom mintri nganh dua taneh ia hu peih dom mbang taom gaok piah ginum biai, duah thau bruk, yam tal bruk mboh tangin tame harak sanya ba urang ngak VN tapa ngak bruk di Thai Lan.

# Ala bruk tacei ba di Thủ tướng Lào Thoong-sỉng Thăm-mạ-vông, nyaom biai Raja-ei Lào bilan 2 hu tamat blaoh dalam biar harei 24/2, brei tapa ralo kadha prong di taneh aia. Dalam nan, Raja-ei Lào hu brei tapa Harak pathau khan pataom iek veik bruk peih ngak danak dak patagok kinh tế - xã hội, kế hoạch kadung jien karja saong jien padai tukvak 2013- 2014; brei panuac ka dự thảo Nghị quyết di Bộ Chính trị ka bruk khik iek bruk ngak đối ngoại; brei panuac, ginum biai brei tapa hukum Jalan kabak (pasiam veik); ginum biai brei panuac ka dự thảo hukum Doanh nghiệp.

# Nhật Bản meda daong 6 triệu đôla Mỹ ka urang tị nạn Xyri ye sa binah dalam danakdak daong nhan dao di taneh ia ini brei ka bhum Trung Đông. Paok jien daong ini piah pabak pandap mbang menyum, chăn, pandap sưởi pandao gam saong rilo pandap ngak mbang ngak huak karei ka urang tị nạn di Xyri saong dom taneh ia jaik taphia ye Gioóc-đa-ni, Thổ Nhĩ Kỳ saong Li-băng./.