Khaw tin tuk 10h30 saong tuk14h30 harei 4/11/2015   

 # Bair harei kabroi 3/11, di Phủ Chủ tịch, akaok taneh ia Trương Tấn Sang hu taduan raok kapul Hiệp hội ngoại giao bhapbini Nhật Bản. Kaok taneh ia  Trương Tấn Sang pok meyaom kapul urang jakar Nhật Bản tapa ravang Việt Nam . Brei mboh hatai bui sambai ka talei pambuak bruk dua taneh ia dak harei dak siam mekre, dalam nan hu gah pablei salih, đầu tư, akaok taneh ia jia lac mbang ravang ini di kapul meda rik daong jhul pakhang jang talei pambuak bruk di dua taneh ia.

/ Patui danak dak mbang nyaom ka 10 QH mbang 13, mesup harei 4/11, QH ngak bruk di hội trường pang harak pathau khan pasang iek, taong yaom dự án hukum pablei to yaom drap ar; pathau khan langyah, taduan panuac, ramik veik dự thảo hukum thống kê (pasiam veik) saong ginum meyai di hội trường ka dom asal kadha daok hu panuac karei di gauk di dự thảo hukum ini.

# Tapa tui maong dom urang quốc hội ginum biai di hội trường ka bruk ngak mbang kinh tế - xã hội taneh ia, ông Tô Dùng, cử tri di ban raya Hồ Chí Minh, dahlau deih ngak Phó ban Kinh tế Thành ủy ndom lac, caong patagok nang suat bruk ngak, rik daong jhul samal tốc độ patagok kinh tế taneh ia, ye dom labik khik ramik njauk sangka tal 2 kadha lac công nghệ saong chất lượng menuac urang. Ông Tô Dùng ndom lac :“Dahlak mboh dom urang Quốc hội ndom lac patagok nang suat bruk ngak, bruk nan biak njauk. Min nang suat bruk ngak lac bruk hagait? Nan lac cong nghe, jamraik bahrau njauk ba tame ka nyu lagaih saong bruk di Việt Nam. Tuk ba tame blaoh njauk ngak samal, oh njauk ba tame blaoh me om chăn caik nan, lac nyu palai pajoa. Yau nan ye dahlak lac nang suat bruk ngak lac công nghệ, bruk nan njauk sangka”.

/ Ndom lý, daoh lý di bhap bini Cơ Tu di dom huyện Đông Giang, Nam Giang, Tây Giang, tỉnh Quảng Nam barau hu mintri ilamu, thể thao saong du lịch brei thau lac ba tame angan dalam 17 inem krung ilamu phi vật thể pakat negar. Ini jeng lac bruk bui sambai di bhap bini Cơ Tu tuk inem krung ilamu di bhap bini hu pok angan.

# Anak bruk jit ruak bạch hầu patuh tabiak di Lào ngak ka jaik 600 urang gaok saong 11 urang metai, mintri Y tế taneh ia drei ndom lac, jit ruak ini mbuan njom mbak tame Việt Nam, abih di nyu nan lac di dom palei pala, bhum tapeng negar. Ini lac ruak nguy hiểm, tỷ lệ metai glaong kayua mbuan pambak tapa jalan hô hấp atau tapa taom gaok tapak dom jit tabiak meng dhung, pabah di urang ruak. Dom urang ruak bạch hầu di Lào urak ini rilo meng lac uranaih ala 15 thun saong oh thau dahlau deih hu klauk văcxin halei oh.

 / Jeng dalam harei 3/11, tỉnh Sóc Trăng hu ginum meyai ka bruk peih harei pataom pakacah gaiy ngo Sóc Trăng mbang ka 2,  bhum taneran kraong Cửu Long. Tui kuhria, harei pataom hu rah tabiak meng harei 19 tal harei 25/11 tal di ban sit Sóc Trăng ngan saong bruk praong nan lac pakacah gaiy ngo gam saong dom bruk ngak di harei pataom yau cúng trăng; pakacah palao gum ia; lễ hội jalan mbak, drak pasar pablei salih, parang iek, du lịch; dom kadha me-in bhap bini – hội thao bangsa. 

# Meng harei 3/11, yaom xăng RON 92 trun khang 770 đồng/sa lít, hu yaom pablei lẻ oh glaong jang 17.233 đồng/sa lít, menyek diesel trun 430 đồng/sa lít, trun tanut oh glaong jang 13.515 đồng/sa lít, menyk gum trun 480 đồng/sa lít, trun tanut 12.524 đồng/sa lít. Ini lac mbang ka 9 trun yaom xăng kuhria meng akaok thun tal ini.

Patui di ini dom khau tin dunya:

/ Kapul urang lambaok Đảng Cộng sản VN kayua amuk Hà Thị Khiết, bí thư TƯ đảng, akaok mban dân vận TƯ barau hu mbang taom gaok, ngak bruk saong urang jakar, nhân viên đại sứ quán, dom jabat lambaok VN saong lambaok bhap bini urang CPC asal Việt di CPC. Brei panuac di mbang taom gaok saong ngak bruk, amuk Hà Thị Khiết brei thau hatai bui sambai anak bruk jum pataom, daong ba gauk yam tapa kan kandah dalam rai diuk, saong brei thau lac, đảng saong karja drei tuk halei jeng iek bhap bini urang Việt daok di negar langiu, dalam nan hu CPC lac sa bộ phận oh neh rabha hu di bangsa.

# Tổng thống Pháp Phrăng-xoa Ô-lăng barau hu mbang taom gaok Chủ tịch Trung Quốc Tập Cận Bình saong bruk praong lac pataom tame nyaom biai ka biến đổi khí hậu di Liên hợp quốc mbang yaka 21 (COP21) kuhria rah tabiak di Pháp harei 30/11 tal, dua urang dang akaok hu tabiak sa tuyên bố chung ka caga biến đổi khí hậu piah patagok dom kham merat kakak lượng khí phát thải ngak tabiak hiệu ứng nhà kính dahlau thun 2020.

/ Hadei di 4 harei meng tuk kapal haoh laik, bruk pandik harao jeng daok mboh di yaok labik dalam taneh ia Nga, abih di nyu nan lac di ban XanhPê-téc-pua. Min, dom bruk langyah dom harak gar pambuak tal dom urang metai jeng daok hu peih ngak samar di abih, piah pacadu bruk pandik harao di gauk gar, di yaok baoh sang hu urang metai./.