Khaw tin tuk 19g harei 2/2 saong 6h30 harei 3/2

#/ Mesup harei 2/2 di sang Quốc hội di ban ine Hà Nội, mintri Chính trị peih nyom biai pakat negar ka bruk palih ruah urang ka QH mbang 14 song urang ka hội đồng bhap bini dom pakat tuk vak 2016-2021. Tổng Bí thư Nguyễn Phú Trọng pan akaok nyaom biai. Brei panuac di mbang nyaom,  Tổng Bí thư Nguyễn Phú Trọng ndom lac mbang palih ruah urang ka QH mbang 14 song urang ka hội đồng bhap bini dom pakat tuk vak 2026-2021 lac bruk prong di taneh ia song di bhap bini.  Ni lac tuk piah bhap bini peih ngak quyền ngak po di drei tapa bruk palih ruah tabiak dom urang naih gheih, hu đức, hu tài lambaok ka bhap bini di Quốc hội song hội đồng bhap bini dom pakat.

 # Meng paok jien daong di dom doanh nghiệp, kapul daong urang kamei saong uranaih kathaot ban sit Đà Nẵng hu alin 500 paok pandap Tết, yaom 250 triệu đồng alin ka dom urang kamei daok sa drei, uranaih jaoh jo…yaok paok pandap tet yaom 500 rabau đồng hu alin di tuk dahlau tet hu daong pachreih urang kathoat bui sambai xuan, raok tet. Lingiu di nan, kapul daong urang kamei saong uranaih kathoat jeng hu jak ba dom labik, dom doanh nghiep, urang hảo tâm dalam saong langiu ban sit daong, alin panda, daong ka dom gauk gar saong urang ruak ung thư trak daok veik raok Tết di sang iek ruak.

#/ Sở Giao thông- Vận tải tỉnh Khánh Hòa hu panuac ieu dom DN pajeng ba dalam tỉnh peih jalan radeih cố định pajeng tuai tabiak dom tỉnh gah barak dalam tuk tết nguyên đán piah pabak bruk nao mai di bhap bini. Tỉnh Khánh Hòa urak ni hu 15 DN pajeng ba tuai damuai song labaih 200 radeih pajeng tuai min oh ka hu jalan radeih cố định meng Nha Trang naol dom tỉnh meng Thừa Thiên Huế tabiak.

# Di pasak ilimo tỉnh Long An, Hội Nhà báo tỉnh Long An pambuak bruk saong Sở ilimo, padhih saong Du lịch, Sở Thông tin Truyền thông tỉnh peih Hội báo Xuân Bính Thân thun 2016. Hội báo Xuân thun ini langiu 15 labik hu bản tin dalam tỉnh daok hu mbaok parang iek ấn phẩm Xuân di tỉnh Long An saong jaik  215 báo, tạp chí số tuk Xuân Bính Thân di Trung ương saong dom tỉnh, ban dalam taneh ia yau ye: Thông tấn xã Việt Nam, Tạp chí Cộng sản, Báo Nhân dân, Báo Sài Gòn Giải phóng, Thanh Niên, Tuổi trẻ saong Pháp luật.

#/ Urak  ni, Sở ngak nong song patagok palei pala, Sở công thương song hiệp hội rong glang Đồng Nai dok peih bruk padang ngak chuỗi pablei salih rilaow hacih oh pandar chất cấm di dom darak pasa prong, pablei rai dalam tỉnh. Dom labik pablei rilaow saat ni hu peih tabiak ngak chip dalam tuk tết piah pabak bruk blei tết di bhap bini. 

# Dalam bilan Đông Xuân 2015 – 2016, urang nong Tiền Giang pala hu jaik 18.000 ha njam patam dom janih piah pablei Tết.Tui ông Đinh Ngọc Tùng, akaok phòng Kinh tế ban sit Mỹ Tho, Tết thun ini, dom xã vành đai xanh ban sit Mỹ Tho pala 150 ha njam pablei Tết saong sản lượng hu 2.250 tấn; pabak 875.000 giỏ bingu dom janih saong 3.000 tấn baok kayau Tết…Ini jeng lac labik hu bruk pala saong pabak njam patam, bingu Tết praong abih di tỉnh Tiền Giang.

#/ Tui panuac khan di Tổng công ty Hàng không Việt Nam- CTCP (Vietnam Airlines), kuhria tal tuk vak ni, hãng pablei hu 80- 85% dom harak vé di tong abih tuyến, pataom tame dom harei meng 24 tal 29 bilan mat song meng harei 3 bingun tal harei 8 bingun bilan sa tui saka ia bilan. Piah pabak bruk nao mai di tuai damuai meng grauk labik dalam taneh ia tuk tết anek sak kara 2016. Vietnam Airlines brei pabak  labaih 800 mbang par sa chiều ka jalan nao dalam taneh ia song dunya.

          Khaw tin dunya  

# Tổng Thư ký Liên hợp quốc Ban Ki -moon (Ban Ki Mun) hu panuac brei thau lac Ethiopia daok  dang anak bruk pandiak bhang trak abih dalam 30 thun tapa saong yaok pluh trieu menuac di taneh ia ni daok mbuan si kurang pandap mbang menyum biak trak. Urak ini, taneh ia caong hu takik abih 1,4 tỷ USD viện trợ nhân đạo chip piah daong ka labaih 10 triệu bhapbini daok kurang padai brah, pandap mbang menyum trak kayua tua riya dui atah. 

# Liên minh châu Âu (EU) brei thau, kapul ni meda buh tabiak labaih 2 tỷ ơ rô ( 2,2 tỷ đôla) piah dong ka urang tỵ nạn Xyri di sa mbang nyaom dom urang tài trợ quốc tế rah tabiak di Luân đôn (Anh ) dalam harei 4/2 anak tal. Rajaei dom negar Châu âu song dom thể chế di EU dok pasang iek panuac ba tabiak di Anh Đức, Nauy ka bruk tagok jang 2 mbang bruk dong ngak pahla ka urang tị nạn Xyri dalam EU di thun ni 

          # Harei (1/2), sa mbang khuah praong rah tabiak di sa sang mac hóa chất di  Đài Trung (Taichung) – dalam bhum taneh  Đài Loan (Trung Quốc), ngak ka dua urang bị thương trak. Labik khuah patuh tabiak jaik 5 tuk 51 minit pagaiy 1/2, ngak jeng rilo sap patuh praong gam saong dom mbaik geng sak juk glaong. Gah chức năng hu nao tal labik nan piah padam khuah saong daong bhapbini ./.