Khaw tin tuk 19g harei 5/12 

            # Mintri ilimo padhih saong du lich brei thau Ban nhạc Blended 328 (Hoa Kỳ) meda mai parang me-in di Hà Nội, Ninh Bình, Thanh Hóa saong  Hải Dương dalam dom bruk pahadar 20 thun pambuak veik talei pambuak bruk ngoại giao di Việt Nam saong Hoa Kỳ. Ban nhạc meda parang me-in di Việt Nam meng harei 4 tal harei 10/12/ 2015.

/ Bahrau ni, Hội Ung thư ban raya Hồ Chí Minh pambuak bruk song sang iek ruak  ung bướu ban raya song Hội Ung thư Việt Nam peih ginum biai yaok thun. Tui roh duah di kapul roh duah ung thư dunya Globocan, thun 2012, VN hu labaih 125.000 mbang ung thư bahrau song 94.000 urang metai. Jeng tui kuhria di sang iek ruak Ung bướu ban raya Hồ Chí Minh, thun 2015, sang iek ruak taduan labaih 100.000 urang ruak mai iek ruak, dalam nan hu 70% mai meng dom tỉnh ban gah merong. Dom janih ung thư urang kumei bhain gaok lac ung thư cổ tử cung, ung thư tasau,  dok urang likei lac ruak ung thư phổi, ung thư đại trực tràng song  ung thư gan. 

# Tập đoàn Xăng menyek Việt Nam(Petrolimex) pambuak bruk saong Ủy ban bhapbini tỉnh Hà Giang peih pakak saong jao dua sang bac ka dom gru pato saong dom anek saih bangsa takik di cao nguyen patau Đồng Văn. Dua sang bac ini ngak abih labaih 10 tỷđồng, dalam nan Tập đoàn Xăng menyek Việt Nam daong 8 tỷ  meteh..   

/ “Mô hình xã hội hóa bruk ngak gilang tapuk di dom sang bac đại học, cao đẳng brei hu sangka song patagok jang” nan lac panuac di dom urang hu mbaok di nyom biai “ Gilang tapuk sang bac đại học-cao đẳng 2014-2015”  kayua Vụ Thư viện, mintri ilamu hóa Thể thao song Du lịch peih tabiak di HN. Di nyaom biai, urang hu panuac lac brei hu sarak dong ka urang ngak, patagok gilang tapuk điện tử, klah rabha ilamu tapa internet piah ka dom sang bac ĐH daong klah rabha khau tin, ilamu pato pakai song gauk.

 Bilan café thun 2015- 2016, tỉnh Đac Lak daok kuhria pablei tabiak negar langiu labaih 250.000 tấn café asar, rilo jang 82.900 tấn dut song tuk vak ni , thun dahlau. Café asar di tỉnh ĐL hu pablei tapa 54 darak pasa di dunya, dalam nan Japon lac sa darak pasa blei café Đac Lak tagok rilo di abih, tagok 11 triệu USD, patui di nan lac darak pasa Tây Ban Nha tagok labaih 6 triệu USD.

# Tui công văn di Sở pato megru Đồng Nai , anek saih trung học cơ sở , trung học phổ thông  meda pakacah kiểm tra học kỳ I thun bac 2015-2016 meng harei 21 tal  26-12. Daok anek saih cuối cấp lac khối 9 saong 12 hu peih pakcah dahlau nan sa adit piah ba mbuan lagaih ka bruk ôn tập. Tukvak ngak bài pakacah môn Toán, Ngữ văn lac 120 minit, khan Anh 90 minit, dom môn daok veik pakacah dalam 60 minit .

/ Chi cục hacih saat pandap mbang Tây Ninh bahrau peih tal pasram bruk pasang iek song ilamu mek mẫu pandap mbang ka urang jakar y tế iek gah hacih saat pandap mbang di cơ  sở. Jalan ngak di tal bac ni piah dong ka dom urang bac patagok ilamu mek mẫu, dut iek mẫu pandap mbang, jhul pakhang jang bruk pasang iek, patrun bruk njauk jru mek, khik caga hacih saat pandap mbang, khik caga pren yava ka urang blei mbang.  

           Khaw tin dunya

# Rajaei Thái Lan tabiak bruk brei quyền công dân ka 18 rabau urang tị nạn oh hu quốc tịch dalam 3 thun tal. Lambaok Cao ủy Liên Hiệp Quốc ka urang tị nạn di  Thái Lan, ông Ru-ven-đri-ni Mê-ních-đi-uê-la (Ruvendrini Menikdiwela) hu pok meyaom bruk ngak nan di Thái Lan, taphia nan caong lac oh daok bruk menuac urang oh hu quốc tịch di negar Đông Nam Á ini.  

/ Tuai damuai halei vaih tame dom nhà hàng di ban Niu Yoóc (New York), Mỹ, meda mboh bruk karei di gauk hasit angaok thực đơn. Nan lac thaot binguk klok sara sit tapen dom janih pandap mbang, piah brei thau lac pandap nan hu sara, cambaih di nyu lac náttri (Sodium) glong. Niu Yoóc lac ban raya dang akaok di Mỹ ba tabiak bruk ni dalam sa kham merat piah pacang cakak dom janih ruak boh hatai song đột quỵ.

# Rajaei Canađa ba tabiak quyết định “padheih’ trục xuất dom công dân Burunđi daok diukrai suan hukum di taneh ia ini gilac nao taneh ia. Tui hukria di Liên Hợp Quốc, bruk  srau kadau di Burunđi ngak takik di abih 240 urang metai, jaik 200 rabau urang njauk nao tị nạn. Rajaei Canađa jeng qbrei padheih trục xuất dom công dân daok diukrai suan hukum di taneh ia mai meng dom taneh ia srau kadau  karei ye Xô-ma-li (Somalia), Xyri, Mali, Cộng hòa Trung Phi, Nam Xuđăng, Libi, Nê-pan (Nepal) saong Yemen./.