Khaw tin tuk 19g, harei 5/1/2015 

/ Thủ tướng rajaei bahrau mbaoh tangin brei adat peih ngak danak dak padang ngak tatua dân sinh khik ka siam bruk nao mai di bhum urang bangsa takik tuk vak 2014- 2020 piah palagaih ka bruk nao mai, ngak mbang, khik siam bruk nao mai ka bhap bini di bhum atah bayah bhum urang bangsa takik dalam bilan ia sua. Danak dak hu peih ngak di 5.237 xã dalam 450 huyện di 50 tỉnh.Dalam nan brei ngak dahlau di 63 huyện kan kathaot tui Sarak 30a/2008/NQ-CP harei  27/12/2008 di rajaei.

# Kapul urang Quốc hội tỉnh Đắc Lắc barau peih bruk taom gaok dom rahra urang  Quốc hội tỉnh dalam tuk pahadar 70 thun harei Tổng tuyển cử pilih ruah Quốc hội Việt Nam (6/1/1946 – 6/1/2016). Tapa nan, dom urang QH hu hadar veik sajarah 70 thun dak padang saong patagok Quốc hội Việt Nam. Harei 6/1/1946 jeng sa kadha praong hadah dalam sajarah cách mạng Việt Nam tuk meng di ini bhapbini Việt Nam hu quyền taduan mek quyen dan chu di urang sa taneh ia độc lập. Hu mbaok di harei pataom, ông Nguyễn An Vinh, urang Quốc hội tỉnh Đắc Lắc mbang 10, ndom lac : Dom urang quốc hội tỉnh Đắc Lắc dalam dom tukvak tapa hu ngak bruk biak siam, hu rilo panuac piah rik tame brei thau dom caong khin di cử tri Đắc Lắc tagok ka Quốc hội, rajaei langyah. Yau nan min hu dom bruk di tỉnh urak ini daok gaok kan kandah, tavak tavaiy caong khin tukvak tal dom urang QH daok hu sap ndom, hu panuac piah gah angaok sangka jang tal bruk patagok di tỉnh.

#/ Sở Công thương ban sit  Đà Nẵng hu jalan caga pandap pablei Tết Nguyên đán anek sak kara 2016. Tui nan, Cục khik piah kajar bhum  Đà Nẵng song Công ty padai brah Đà Nẵng hu tut angan khik piah 1.400 tấn brah dom DN, urang pablei salih di dom darak pasa jeng hu caga pandap pablei Tết yaom abih tih jiak 700 tỷ đồng. Urak ni Sở Công Thương ban Đà Nẵng hu tacei pato gah khik ramik darak pasa patagok bruk pasang iek darak pasa, oh caik ka bruk padauk pandap tagok yaom piah duah liba.

# Sở  Công thương tỉnh Sóc Trăng hu pambuak bruk saong dom labik pambuak tal, dom doanh nghiep peih bruk pasang iek jaik 100 mbang, ngak bruk yaih khan, pablei pandap Viet tal mikva dalam tinh piah pachreih tui bruk jak ba “urang  Viet dahlau di abih njauk pandar pandap VN, pachreih hu yaok ratuh rabau mbang mikva mai iak blei. Abih di nyu nan lac peih 3 mbang darak ba pandap Viet mai palei pala. Dom bruk ngak ini pachreih hu labaih 700 mbang doanh nghiep pataom tame parang iek yaih khan pandap, pachreih hu yaok ratuh rabau mbang tuai mai iek blei saong jien pablei hu abih tih labaih 17 tỷ đồng.

#/ Thun 2016, tỉnh Bình Định jak ba phun jien buh tame patagok KTXH hu jiak 2.400 tỷ đồng. Tui nan, phun jien hu patom tame dom bruk ngak prong yau danak dak tpaagok KTXH dom bhum palei, danak dak patagok kaya ikan, kaya glai khang kajap, danak dak rami ramik veik bruk ngak nong song pacang caga, patrun bala meng langik tasik, tani tanat rai duik, rik dong bhum KT tasik, danak dak patagok bruk du lịc, danak dak patagok ilamu song quốc phòng an ninh prong di dalam tỉnh.

# Meng puac thun 2013, tỉnh Phú Yên hu peih ngak đề ántuh  bê tông jalan nao mai di palei pala tukvak 2013-2015.Tui cơ chế, tỉnh daong taong abih xi măng, daong jien khik ramik 2 triệu đồng/sa km jalan ; pakat huyện daong 15% dalam abih tih jien ngak. Daok veik ye : pandap ngak, urang ngak , brei taneh…kayua bhapbini dalam bhum rik daong. Urak ini, labaih 70% jalan palei pala mai yaok plaei, labik bhapbini daok hu tuh bê tông atau tuh menyek, pachreih san xuat patagok, paglaong raidiuk bhapbini.

#/ Urang nong tỉnh Trà Vinh dok tame bilan chap mek hadang girong hajao hu rong di bhum ia taba. Bruk njauk bui sambai di bilan rong hadang girong hajao nan lac tong abih boh sang raong hadang jeng raong njauk saong pablei hu yaom,  duah hu meng 80 tal 90 triệu đồng sa ha. Ni lac mbang ka 4 gam gam, urang nong tỉnh Trà Vinh ngak hu kein liba bruk rong hadang girong hajao pambuak haong ngak padai. Kuhria rah tapa, dom jalan rong hadang girong hajao hu urang nong parabha 1 ha mbaok ia palao rong labaih 2000 anek pajaih hadang girong hijao, hadei di 7 tal 8 bilan rong mek hu 500 -600 kg dalam sa ha.

Khaw tin dunya

 # Barau ini, di Phnom Penh, kapul ngak bruk di mintri Y tế Việt Nam kayua Chánh Thanh tra mintri Y tế Đặng Văn Chính ba akaok hu pok brei mintri Y tế Campuchia lô jru daong kakak cai nghiện ma túy Bông Sen yaom 3 tỷ đồng Việt Nam, di rajaei Việt Nam alin rajaei Campuchia. Ini lac sa dalam dom bruk ngak piah paglaong talei pambuak bruk caga ma túy di Việt Nam saong Campuchia, rik daong siam bruk khik ramik an ninh trật tự di yaok taneh ia saong dak padang jalan biên giới hòa bình, hữu nghị gam patagok di dua taneh ia . 

#/ Piah pacang bruk urang di cư, Thụy Điển harei 4/1 brei peih bruk pasang iek harak gar di tuai damuai di tapen jalan negar ni song Đan Mạch. Ni lac mbang camereip hadei di jiak 50 thun tapa, Thụy Điển brei ngak veik bruk ni. Tui hãng tin Roi-tơ, bruk pasang iek harak gar di tuai damuai nan nyu ngak ka rilo mbang radeih song radeih buýt tapa labik tatua Ô-rê-xun (Oresund) njauk suai jang 50 minite meng tapa hu.

# Chủ tịch đảng Liên đoàn negar kayua dân chủ di Mianma, amuk Ang San Su Ki (Aung San Suu Kyi) brei thau jalan hòa bình di taneh ia lac bruk dang akaok njauk ngak dahlau di rajaei barau di amuk, tui kuhria hu tagok pan bruk di puac thun ini hadei di tuk đảng Liên đoàn negar kayua dân chủ mek hu jayak dalam mbang pilih ruah di puac bilan 11 thun dahlau. Amuk Ang San Su Ki brei thau, rajaei barau meda kham merat piah mek hu sa thỏa thuận padheih cuh toàn diện./.