Khaw tin tuk 19h harei 1/2 saong 6h30 harei 2/2 

          #/ Labaih 2000 boh sang di xã Nà Nghịu, huyện Sông Mã, tỉnh Sơn La hu điện pandar dalam tuk tết. Tui nan, Công ty Điện lực Sơn La hu padang bahrau labaih 54 km đường dây 35kV, 163 km đường dây 0,4kV; 19 trạm biến áp, pagam 5.345 baoh công tơ điện tử. Saai Lò Văn Xuân, akaok Ub bhap bini xã Nà Nghịu brei thau , urak ni xã hu 39 palei ye bahrau hu 17 palei hu điện, dahlau si tết nguyên đán hu 8 palei tra hu điện pandar, tagok dom palei hu điện di xã tal 25 palei.

# Kayua mbang lingik la ar trak gam tui hajan dui atah meng blaoh, rilo taneh pala njam hijao di Hưng Yên gaok ia dauk, njam metai thu saong bruk gha. Kayua yau nan ye di darak pasal njam takik. Tui ông Đào Đức Tuấn, akaok mban khik ramik darak đầu mối Đông Tảo, xã Đông Tảo (Khoái Châu): dom harei hajan la ar meng blaoh njaam patam, baok kraoh pablei tabiak di darak biak takik, trun 80% duk saong dahlau di mbang la ar. Meyah dahlau thiah, yaok harei njam dalam darak lac 200 tấn urak ini trun daok 30 tal 40 tấn. 

          #/ Yaom lac dok sa adit tra meng tal tết Nguyên đán min bingu Măng Đen, huyện Kon Plông, tỉnh Kon Tum abih bingu, yaom lac urang dok khin blei rilo. Hadei di rilo thun kham merat padang angan je, urak ni bingu that Măng Đen dak hu labik dang di darak pasa bingu tết. Dahlau deih, darak pasa di bingu Măng Đen lac tỉnh Kon Tum song dom puk palei dok jiak taphia. Thun ni bingu Măng đen hu mbaok di dom darak pasa dom ban prong yau Đà Nẵng, ban raya Hồ Chí Minh…song hu urang takre blei.

# Sở Công Thương tỉnh Cà Mau daok pambuak bruk saong dom puk palei, dom doanh nghiep tabiak bruk khik kajap darak pasal yaom kaom 11 janih pandap mbang menyum yaok harei piah pabak bruk blei pandar dalam tut tet, pambuak saong bruk jak ba “ Urang VN dahlau di abih njauk pandar pandap VN”. Kadha barau di danakdak khik kajap darak pasal thun ini lac dom doanh nghiep hu mbaok tame danakdak khik kajap yaom kaom hu daong jien jhung yaom jien mesraiy di gilang pariak piah peih praong bruk patagok san xuat, pablei salih, paglaong nang suat, chat luong pandap panda, peih praong darak pasal.

#/ Piah pabak bruk blei mbang dalam tuk tết Nguyên đán anek sak kara, urang nong ban sit Bạc Liêu, tỉnh Bạc Liêu hu trun pajaih labaih 400 ha njam patam dom janih yau lasun,  sabei, njam pahe, tamekai song dom janih njam mbang hala. Ong Lâm Vĩnh Chân, Phó trưởng phòng Kinh tế ban sit Bạc Liêu brei thau, yaom dom janih njam patam pabak ka darak pasa thun ni tani tanar jang dut song thun 2015, oh hu janih njam halei tagok yaom rilo song oh hu janih halei trun biak beir. Min kayua yaom lasun pajaih thun ni glong jang 3 mbang gam song langik oh lagaih kayua bilan hajan abih avar jang  nan ye năng xuất takik, ngak ka urang nong liba takik. 

# Anak bruk mbuan kurang tabua piah ngak saradang, dom công ty tabau saradang dom  tỉnh bhum taneran kraong Cửu Long daok meriak gauk blei tabau, ngak ka yaom tabau kreh vụ tagok glaong, urang nong biak chreih bui. Di Trà Vinh, tabau hu 10 chữ saradang urak ini hu yaom meng 1.100-1.300 đồng/sa kg di mblang pala, tagok rilo jang duk saong dom bilan ini thun dahlau. Ông Nguyễn Hiền, akaok Công ty tabau saradang Trà Vinh brei thau : Công ty hu 2 tổ blei tabau di tỉnh Trà Vinh saong 2 tổ blei tabau dom tỉnh bhum taneran kraong Cửu Long piah khik caga bruk ngak saradang ka công ty. Daok yaom tabau ye thun ini tagok glaong,  thun bloh kol dahlak blei meng 750-800 đồng/sa kg ye urak ini lac 1.100 đồng/sa kg ka tabau 10 chữ saradang . 

#/ Pasak ngak nong pandar công nghệ glaong – Sở ngak nong song patagok palei pala tỉnh Bến Tre hu pala iek tamun chất lượng glong pajaih Japon. Bruk nan hu peih ngak di angaok taneh prong 700m vuông pandar công nghệ glong, hu 2 janih pajaih Taki song Tazoti mai meng Japon. Ni lac pajaih tamun hu yaom pablei glong song darak pasa tani tanat. Hadei di 2 bilan pala, tamun tamuh siam, boh prong meng 1kg meteh song boh siam labaih 90%.

Khaw tin dunya

# Di ban ine Viêng Chăn, Đại sứ quán Việt Nam di Lào, Tổng Hội urang  Việt Nam di Lào, Thành Hội urang Việt Nam di ban ine Viêng Chăn, kapul doanh nghiệp Việt Nam pambuak bruk saong Đầu tư di Lào hu pambuak gauk peih Tết Cộng đồng Xuân Bính Thân 2016. Pataom mbaok tame, hu ginup dom jabat lambaok Việt Nam, saong jaik 1.000 mikva urang Việt Nam daok ngak mbang, diukrai saong bac megru di Lào.   

#/ Tui khau tin meng rajaei Anh, dalam mbang taom gaok di Thủ tướng Anh Đây-vít Ca-mê-rôn song Chủ tịch Hội đồng châu Âu Đô-nan Tu-xcơ (Donald Tusk) bahrau ni. Thủ tướng Anh Đây-vít Ca-mê-rôn (David Cameron) daok hu panuac caong brei tagok quyền lực di Anh dalam  Liên minh châu Âu piah pacang bruk urang di cư, sa dalam dom bruk dok ngak havin akaok  Liên minh châu Âu urak ni.

# Jabat Cảnh sát châu Âu (Europol) brei thau, takik di abih 10 rabau uranaih  tị nạn oh hu gauk gar nao tui nyu lihik nao hadei di tuk nao tal châu Âu. Tui jabat Cảnh sát châu Âu , hu jaik 270 rabau uranaih tị nạn hu yam takai mai tal dom taneh ia châu Âu di thun 2015, dalam nan hu 26 rabau uranaih oh hu gauk gar nao tui. Min, jaik 10 rabau adei oh hu gauk gar nao tui nyu lihik nao hadei di tuk tut angan saong dom gah chức trách di châu Âu. Rilo urang duh hatai lac dom adei meda laik tame tangin kol blei salih menuac ./.