Khaw tin tuk 19h harei 22-9 saong 6g30 harei 23/9

          / Jiak 3 thun tapa, Khu kinh tế Dung Quất, tỉnh Quảng Ngãi hu peih ngak 12 danak dak buh jien tabiak padang ngak  hạ tầng kỹ thuật, dom danak dak duh ka bhap bini song tong abih phun jien buh tabiak labaih 2.300 tỷ đồng. Ong Trần Văn Mẫn, Phó Akaok mban khik ramik Khu kinh tế Dung Quất brei thau: Khol hulin dok ngak kế hoạch đầu tư công 5 thun ye dalam nan patagok dom jalan mbak. Pagap yau danak dak jalan pambah lamnge, ye patagok siam lagaih jalan pambah lamnge Dung Quất; danak dak jalan pagam pambuak song mblang kapan haoh Chu Lai song pataogk bruk bo khol hulin bahrau peih dom mbang par song patagok labik ban sit  Dốc Sỏi.

# Harei 22/9, Nyaom roya urang lambaok vakil Đảng bộ tỉnh Khánh Hòa mbang yaka 17 barau peih pakak di ban Nha Trang. Ini lac Đảng bộ pakat tỉnh, ban akaok mereip di bhum gah kreh negar peih nyaom roya. Ông Nguyễn Tấn Tuân, Phó Bí thư Thường trực Tỉnh ủy Khánh Hòa brei thau : Kol dahlak hu kuhria caga ginup, njauk adat, njauk bruk, peih ngak tapak Chỉ thị 36 di mintri Chính trị. Di rilo bilan tapa, Tỉnh ủy hu tacei pato ka dom pakat uy saong ieu bhapbini pataom tame rik daong di văn kiện nyaom roya; patabiak rilo bruk pakacah, tauk bảng dom công trình piah pamaong tal nyaom roya Tỉnh Đảng bộ mbang yaka 17.

/ "Bruk ngak daong alam môi trường palei pala khang kajap" lac kadha pachreih ba bruk ngak ka dunya hacih saat jang thun 2015 pakat negar bahrau peih ngak di mblang bein Nguyễn Văn Linh, ban Hưng Yên. Harei peih ngak nan, kayua mintri Tài nguyên song  Môi trường, UB bhap bini tỉnh Hưng Yên song Đại sứ quán Ô-xtrây-lia di Việt Nam pambuak bruk peih tabiak.

# Thủy tùng daok hu angan khoa học Glyptostrobus pensilis nan lac janih phun đặc hữu hu dak tame  diện khik caga khang. Urak ini di dunya hu 3 labik daok hu mboh janih ini, nan lac Trung Quốc, Lào saong Việt Nam. Dalam nan, Việt Nam lac taneh ia hu số lượng thủy tùng daok hu rilo abih, pak di tỉnh Đắk Lắk. Piah ba tabiak ngak bruk khik caga thủy tùng, Ủy ban bhapbini tỉnh Ðắk Lắk hu buh tame 600 triệu đồng meng phun jien alamu kỹ thuật piah patagok phun thủy tùng dalam tỉnh .

/ Uan raok Tết Trung thu 2015, Hội đồng Đội Trung ương, Pasak dong ba song patagok uranaih Việt Nam peih bruk “ Trung thu di angaok jalan angan Wa” piah patagok bruk iek glang, pato pakai uranaih song abih di nyu nan lac uranaih hu rai duik kan kandah, uranaih dok di bhum atah bayah, bhum tapen tasik palao kaoh. Jalan ngak ni dok lac mblang main ilamu siam lagaih ka dom adei, jeng yau piah ka adei uan raok  Tết Trung thu hu rilo bui sambai.

# Cục Y tế dự phòng saong Cục Công nghệ thông tin (mintri Y tế) pambuak bruk saong Tập đoàn Viễn thông Quân đội (Viettel) daok ngak iek dahlau phần mềm khik iek bruk klauk jru caga ruak hu angan “Hệ thống khik ramik thông tin klauk jru caga ruak pakat negar ”. Phần mềm ini meda tabiak mbaok di puac thun ini, daong khik piah thông tin ka bruk klauk jru caga ruak luac raidiuk di bhapbini. Jeng ye, Phần mềm ini daok khik iek bruk  klauk jru caga ruak, pasang iek urang klauk jru caga ruak, khik iek bruk klauk caga ruak brei ginup saong njauk tukvak ka uranaih.

/ Dok 5 harei tra lac tal Tết Trung thu, tuk vak ni, jaik abih dom labik pablei har trung thu di ban raya HCM jak gauk tual harak baar pablei khuyến mãi, trun yaom piah pachreih urang mai blei. Dom po DN ndom lac, darak pasa pablei oh laih kayua dom Doanh nghiệp, công ty  blei tapak labik ngak ahar piah blei alin ka nhân viên, rilo urang ngak eng di sang piah mbang song pablei ka urang krein. Urang sahaneng khin palih ruah blei har trung thu hu angan je jang har yaom pablei lap, huac  har ja, oh khik siam chất lượng.

Patui di ini lac khaw tin dunya 

# Akaok mintri alam moi truong saong Lâm nghiệp In-đô-nê-xi-a Nu-ba-ya Ba-ca (Nurbaya Bakar) brei thau, rajaei taneh ia ini meda ngak tui dom bruk taong phat trak jang nagn saong công ty halei ngak suan bruk cuh, jah tak glai. Ông brei thau, athak Riau rilo mai meng dom mblang khuah di labik Giăm-bi (Jambi) saong gah meraong Xu-ma-tơ-ra. Rajaei oh pahdeih kham merat pasang  iek kan kandah tal alam moi truong kayua bruk cuh tak glai peih praong taneh riya di dom công ty đồn điền di Riau. 

/ Mintri Y tế A rập xê út brei thau, jit ruak MERS di negar ni urak ni dok hu tui iek. Panuac khan hu ba tabiak dahlau di harei ngak ruhum haji di yaok triệu urang Islam di grauk labik di dunya mai tal Mecca. Tui Mintri Y tế A rập xê út,  yaok pluh ribau nhân viên y tế dalam taneh ia hu chreih mai ngak bruk, dom bruk brei dok karei hu kuhria bloh, piah kuhria caga cakak jit ruak halei rah tabiak dalam bilan haji./.

 # Kapul dut iek nhân quyền di Xyri brei thau, dom phe phái di Xyri hu njauk gauk padheih cuh di dua palei bangsa Si-ai di labik gah Tây bắc Xyri saong dom ban sit jaik biên giới Li-băng. Ini lac mbang padheih cuh puk palei mbang yaka 3, hu dom gah njauk gauk di dom labik ini. Tui kapul dut iek nhan quyền, oh hu mbang srau kadau halei rah tabiak hadei tuk lệnh padheih cuh hu ba tabiak.