Khaw tin tuk 19 tuk harei 4/1 saong 6 tuk 30 minit harei 5/1

#/ Pahadar 70 thun harei Tổng tuyển cử camereip di abih (6/1/1946-6/1/2016), harei 4/1, ban raya HCM hu peih bruk taom gaok dom rai urang QHVN. Labaih 250 urang QH dom khóa mai hu mbaok. Dom thun tapa, rik dong tame bruk jak jeng di QH taneh ia,  hu pren yava di rilo rai urang QH ban raya HCM. Jang yau rilo urang QH dom khóa, Ong Nguyễn Tấn Lập, urang Quốc hội mbang ka  6 brei thau, ong biak drut droi tuk hu mbaok di var taom gaok ni.

Urak ni dalam hatai hulin biak drut droi, gam bui sambai gam duh hatai. Bui sambai kayua mboh taneh ia drei hadei di 40 thun hu salih bahrau biak rilo. Hulin dok hadar thun 1976 taneh ia drei daok kan kathaot eik lipa, rilo bruk kan kandah. Urak ni taneh ia drei hu siam jang biak rilo. Hulin jia lac harei anak tal taneh ia drei dak harei dak patagok jang.

# Đắk Lắk lac tỉnh daok peih ngak rilo bruk paglaong chat luong pato akhar ed9e6 dalam sang bac piah ba mbuan lagaih ka anek saih bangsa Êđê takre bac megru, takik klak bac saong khik ramik sap ndom khan vak di bhapbini E9đê dalam tinh. Urak ini di pakat bac 1, tỉnh Đắk Lắk hu bộ tapuk pato akhar Êđê hu 6 baoh tapuk hu mintri pato megru iek tapa saong brei tabiak . 

#/ Thun 2016, tỉnh Phú Yên kham merat hu takik di abih 500 DN hu padang bahrau. Piah  ngak hu bruk ni, Tỉnh Phú Yên hu peih bruk trun yaom pah taneh ka nyu samu atau beir jang dom tỉnh dalam bhum, jhul khang bruk salih bahrau hành chính; patagok trách nhiệm ka yaok jabat, mban ngành song ba tabiak tuk vak langyah dom harak gar. Ong Ngô Đa Thọ, Akaok kapul doanh nghiệp Phú Yên brei thau  DN biak caik hatai sangka ngak habar piah patagok DN hu 5000 công ty, rik tame kadung jien karja 10.000 tỷ đồng, yaom pandap pablei tabiak negar langiu hu 1 tỷ 500 triệu đola, ba bruk ngak tal thun 2020 ka labaih 125.000 urang. 

# Dự án paglaong akaok sahaneng di bhapbini Khmer ka khik caga alam moi truong saong patui bruk njom mbak dalam tuk biến đổi khí hậu di Hậu Giang ngan saong yaom jien ngak labaih 300 triệu đồng, kayua danakdak Học bổng Australia “Ka bruk patagok di Việt Nam” daong hu peih ngak di  tỉnh Hậu Giang. 5 sang Khmer kan kandah hu daong padang sang ruak tian, 20 sang hu padang he thong khik piah ia hajan ngak mbang ngak huak, peih bruk pakacah cih rup cih khik caga alam moi truong ka anek saih Khmer di xa. 

#/ Tui Sở Ilamu Thể thao song Du lịch tỉnh Bến Tre, dom harei tapa, lingiu dom tuai dalam tỉnh mai palei mbang tết dương lịch, dok hu rilo tuai langiu tỉnh song ban raya HCM tal Bến Tre rivang me-in. Bruk njauk nyai nan lac dom tour, tuyến pambuak Cồn Phụng song ban raya Hồ Chí Minh hu tuai rilo jang 3 mbang dut song yaok harei, dalam nan bruk nao gaiy vah song radeih saih dalam bein li u pachreih hu rilo tuai di abih.

# Thun 2015, Sở Công Thương tỉnh Sóc Trăng hu pambuak bruk saong dom gah pambuak tal, dom doanh nghiep peih bruk glang iek jaik 100 mbang, ngak bruk yaih khan, pablei pandap Viet ka mikva dalam tỉnh piah pachreih tui bruk jak ba “ Urang VN dahlau di abih njauk pandar pandap VN, pachreih hu yaok ratuh rabau mbang mikva mai iek blei. Danakadak hu daong ka urang blei thau hu yaom glaong di bruk pandar pandap dalam taneh ia, tapa nan urang blei sangka tal pandap Viet dak harei dak rilo jang. 

#/ Dalam bilan Đông Xuân 2015 – 2016, tỉnh Tiền Giang meda buh tabiak labaih 230 triệu đồng piah rami ramik veik bruk ngak nông gam song bruk padang ngak palei pala bahrau bhum tapen tasik Gò Công. Tui nan , meda peih ngak dom danak dak  salih meng padai thường tapa padai chất lượng glong, pambuak saong DN blei veik taong abih padai di mblang hamu prong. Langiu di nan, piah dong ka xã Tân Trung, ban sit  Gò Công samar mek hu tanut  ka jien mek tame di bhap bini dalam 19 tanut pakat negar ka bruk padang ngak palei pala bahrau, Tiền Giang hu dong  jhul pakhang bruk salih padai thường tapa ngak padai chất lượng glong pamong tal bruk pablei tabiak negar langiu

Khaw tin dunya

# Harei 3/1 Campuchia peih bruk ba 184 urang lin tagok jalan nao ngak bruk dunya di taneh ia Cộng hòa Libăng, dalam nan hu 10 urang kamei. Dom urang ini hu pilih ruah meng dom urang dalam biên chế di  bộ đội công binh 936 di  Campuchia hu brei bruk khik caga ban ine Phnôm-pênh. Tui kuhria, tukvak ngak bruk di dom urang lin ini di Cộng hòa Libăng lac 1 thun, tuk abih tukvak mai taneh ia Campuchia hu kapul karei piah salih. 

#/ HQ song Nhật Bản njauk peih tabiak sa jalan nao bahrau tapa bruk pambuak gauk patagok dom bruk ngak ba mai kein laba ka dua gah. Dalam panuac di drei, đại sứ Nhật Bản dok di HQ Cô-rô Bet-sô (Koro Bessho) brei thau, thun 2015 lac sa thun peih tabiak jalan pambuak bruk di 2 negar Nhật Hàn. Thun 2015 jeng lac thun ka 50 pasiam veik talei pambuak bruk  di 2 negar hadei di tuk Nhật Bản tamet bruk cai trị di angaok palao Triều Tiên meng thun 1910-1945.

# Thủ tướng Anh Đa-vít Ca-mê-rôn barau hu panuac lac caik labaih 40 triệu bảng Anh (jaik 59 triệu đô la Mỹ) piah ramik pasiam hệ thống pacang caga ia xua saong langyah dom khut khat kayua ribuk Eva. Thủ tướng Đa-vít Ca-mê-rôn brei thau, bruk ramik pasiam hệ thống pacang caga ia xua hu makna biak praong. Kadung jien ini meda daong hệ thống pacang caga ia xua hu khang kajap jang piah caga saong lingik jhak. Rajaei Anh parabha jaik 280 triệu bảng dalam 6 thun piah khik caga yaok rabau baok sang plai di ia dauk ./.