1 # Pahadar 68 thun Harei Thương binh - Liệt sỹ, ralo dam dara thanh niên xung phong, urang dahlau diah ngak thanh niên xung phong, gauk gar liệt sỹ saong bhap bani bal raya Hồ Chí Minh hu mai cuh gilau, pok bingu labik pahadar Thanh niên xung phong pak xã biên giới Long Phước, huyện Bến Cầu, tỉnh Tây Ninh. Ong Trần Phú Lữ, Akaok Chỉ huy Lực lượng Thanh niên xung phong Bal raya Hồ Chí Minh brei thau: 

Băng: Gam haong Kadung jien “Nghĩa tình đồng đội” ye lực lượng jeng hu peih bruk pasiam veik sang danaok ka baoh sang hu rai diuk kan kandah. Ngan haong baoh sang thương binh liệt sỹ hu anek oh ka hu bruk ngak ye khaol dahlak brei pilih ruah tame ngak bruk dahlau, tapa nan duah jien ka baoh sang. Taphia di nan,  lực lượng jeng daok peih bruk pasiam veik dom baoh kabo liệt sỹ thanh niên xung phong pak Nghĩa trang liệt sỹ bal raya.

2/ Piah brei mboh hatai thau dar thau phol dom urang lin var klak rup drei ka taneh ia, dalam tuk pahadar 68 thun harei Ngày Thương binh liệt sỹ 27/7, rung ương Giáo hội Phật giáo Việt Nam pambuak bruk song mBan  khik iek Tổ đình Vĩnh Nghiêm hu peih Đại lễ Cầu siêu hadar tal dom anh hùng liệt sỹ, bhap bini metai tapa dom saman song abih di nyu nan lac hadar tal 64 liệt sỹ var klak rup drei di palao Gạc Ma thun 1988. 

3 # Cục  Khik caga phun pala, Mentri ngak nong saong patagok palei pala brei thau, tui kuhria dahlau, meng harei 1/8, hu 3 dalam 38 janih baoh karaoh di Australia nan lac cam, quýt saong nho hu brei adat pablei tame Việt Nam. Tui nan, Australia hu pabak dom harak ba-ar kỹ thuật, abih di nyu nan lac dom jalan xử lý saong tapa nan brei harak adat kiểm dịch phun pala nhập khẩu 3 janih angaok nan.

4/ Festival tasik thun  ni, tỉnh Khánh Hòa taduan hu labaih 100 ribau mbang tuai damuai, rilo jang 10% dut song Festival 2013, dalam nan hu 9 ribau tuai dunya. Jien mek hu meng bruk du lịch dalam mbang ni hu 130 tỷ đồng oh kuhria jien duah hu meng bruk pablei pandap panda, mbang menyum, pajeng ba di bhap bini palei pala. Dom khách sạn, labik du lịch praong di pasak ban sit Nha Trang, palao Hòn Tre, ban sit  Ninh Hòa jien mek tame biak rilo.

5 #/ Bahrau ini, tỉnh Kon Tum hu pataom iek veik bruk pakacah vak “Duah thau HUKUM NEGAR Cộng hòa xã hội chủ nghĩa Việt Nam” saong pok brei giải ka 30 kapul nyaom, menuac urang hu dom kadha vak gheih di abih. Ngan haong kapul nyaom, Ban Tổ chức hu pok 1 giải A ka Ủy ban bhap bani uyện Đăk Ha, 1 giải B ka sang bac Cao đẳng Sư phạm Kon Tum, 1 giải C ka Công ty điện lực Kon Tum; ngan haong menuac urang, Ban Tổ chức hu jao 1 giải nhất, 1 giải nhì, 4 giải ba saong 21 giải khuyến khích.

6/ UB bhap bini tỉnh ĐN jao harak adat brei padang Khu công nghiệp Công nghệ cao Long Thành song harak brei adat đầu tư ka Công ty Cổ phần đô thị Amata Long Thành. Khu công nghiệp Công nghệ cao Long Thành  kayua Tập đoàn Amata ngak po đầu tư hu taneh prong 410 ha, yaom phun jien buh tabiak ngak jiak 300 triệu đô la Mỹ. Tui kuhria, tuk vak ngak salah bloh hạ tầng saong ieu daa urang tame ngak mbang dalam quý 4 thun 2020. Ni lac khu công nghiệp công nghệ glong camereip abih di tỉnh Đồng Nai. 

7 # Meng harei 22 - 26/7, pak bal raya Hồ Chí Minh hu rah tabiak “Harei pataom bruk ngak urang kamei mbang 7” saong meyaih khan pandap panda Việt thun 2015”, kayua Kapul urang kamei bal raya Hồ Chí Minh peih ngak. Dalam harei pataom, hu jaik 30 đơn vị, doanh nghiệp hu mbaok saong pilih ruah labaih 4.000 urang ngak dom bruk  karei di gauk.

Patui di ni dom khau tin dunya

8/ Sa bala di jalan pasei khang di Séc ngak takik di abih 2 urang metai song 12 urang karei njauk rambuac. Sruh radaih pui cao tốc pajeng tuai ginuh tame sa sruh radeih tải dok peih tapa jalan pasei. Bala rah tabiak di ban sit  Xtu-đen-ka (Studenka), atah di ban ine  Pra-ha (Prague) 350 km nao gah timur. Urang metai meda hu rilo jang kayua daok hu rilo urang njauk rambuac trak.

9 # Harei 22/7, 3 negar Ai Cập, Ê-ti-ô-pi-a saong Xu-đăng tame mbang ginum biai bahrau ka bruk padang ngak thuỷ điện Đại Phục hưng bo Ê-ti-ô-pi-a daok peih ngak gah akaok halau kroang Nile. Mbang ginum biai hu mbaok di Akaok Mentri tri Thuỷ lợi 3 negar gam haong lambaok di 2 văn phòng tư vấn dunya, pak bal ine Khắc-tum di Xu-đăng piah padang sa roh duah ilamu ka binek Đại Phục hưng, dalam nan pataom tame dom tác động di bruk padang ngak baoh binek ini ngan haong lưu lượng aia bo dua negar daok gah ala halau kraong Nile thụ hưởng.

10/ Takik di abih 12 urang metai song 6 urang lihik dalam mbang kram phà di harei 22/7 di labik krong Nin (Nile) nduac tapa tỉnh Gi-da (Giza) di ban ine Cairo negar Ai Cập. Khau tin di Ai Cập brei thau, phà pajeng 20 urang kram tuk nao tapa labik Gu-oa Rát (Waraq) di Gi-da (Giza), ngak ka tong abih urang angaok phà laik trun kraong. Gah dong duah bahrau duah hu 2 urang, min njauk rambuas biak trak. Bruk dong duah urang lihik urka ni dok kham merat peih ngak./.