Khawn tin ilimo harei adit        

# Meng harei 27/7 tal harei 10/8, urang takre hội họa Hà Nội hu maong dom blah rup cih mekre ka bruk ngak nong, ngak cong thun 2015 dalam mbang parang iek mỹ thuật di sang parang iek 16 Ngô Quyền, Hà Nội. Dom blah rup cih rilo sambo màu, bak pren diuk rai di rilo bhum palei VN nao tapa dom mblang hamu, apuh, ar hamu bậc thang… angaok phông hadah nan lac rup binguk dom urang ngak, urang nong daok chreih chrai pala drak, ngak bruk…  Parang iek hu parang tabiak jaik 80 blah rup cih chat lieu phong phu, meng dom blah cih haong bút sắt, bút chì, jru ia tal dom blah cih khang kajap yau sơn mài, sơn dầu… 

# Miunyim Sarak Chăm, ban sit Đà Nẵng barau peih ngak dom bruk pahadar 100 thun padang tabiak (1915-2015) hu ndom biai ka “Khảo cổ học Chămpa hadei di thun 1975 saong bruk khik ramik, miunyim”; peih dom parang iek ngan saong kadha “ inem mek Cam di Da Nang” “ Pandap klak ilimo Sa Huỳnh saong Chăm pa”, “Văn khắc saong akhar vak Cam”, pachreih hu bruk sangka di dom urang roh duah ilimo, khảo cổ saong rilo urang takre ilamu sarak Chămpa. 

# Meng pataom tame khai thác pren khang patagok du lich pambuak saong hành hương tâm linh, meng akaok thun tal ini, tỉnh An Giang pachreih hu jaik 6 triệu mbang tuai damuai dalam taneh ia saong dunya, rilo jang 15% duk saong dom bilan ini thun dahlau, glaong abih mengkan mai ini. Tuai mai An Giang rilo meng lac tuai hành hương gam ravang iek Miếu Bà Chúa xứ Núi Sam, tabung ceik Núi Cấm (huyện Tịnh Biên); ravang iek cúng viếng di sang kabo Ba Chúc, Đồi Tức Dụp (Tri Tôn).... 

 5 urang di Dàn nhạc Harmonica Việt Nam (Vietnam Harmonica Orchestra – VNHO) hu tagok jalan nao hu mbaok dalam Festival Harmonica pakat dunya di Seoul. Di Festival mbang ini, kapul Việt Nam hu mbaok biểu diễn dom tác phẩm harmonica ndung bak ilamu meng kan. Hu mbaok tame bảng pakacah hòa tấu lac kadha Par tal hòa bình kayua nhạc sĩ Nguyễn Hương Thành paneh, ndung bak ragu ragam Tây Nguyên. Di bảng tam tấu, kapul hu parang me-in kadha  Trống cơm; bảng pakacah solo lac kadha Chim K’Tia jeng kayua nhạc sĩ Nguyễn Hương Thành phối khí./.

 # Parang iek “Đình làng Việt – dom bruk daok, lahik” hu rah tabiak meng harei 7 tal harei 23/8, di Heritage Space (28 Trần Bình, Hà Nội). Bruk ngak ini kayua kapul Đình làng Việt peih ngak piah pachreih ba menuac sia dalam bruk khik ramik saong patagok yaom glaong inem krung đình palei. Parang iek hu jaik 100 blah rup binguk kayua dom urang dalam kapul Đình làng Việt chụp di dom puk palei, rilo meng lac labik gah Brak. Dom blah rup binguk brei thau dom gheih mekre di Đình làng Việt saong bruk salih barau di đình làng Việt.

# Ủy ban bhapbini tỉnh Phú Yên barau padang bruk khik ramik saong patagok yaom inem krung ilimo phi vật thể janih ilamu nghệ thuật ini tukvak (2015-2020). Bruk peih ngak hu dom asal kadha yau : pasang iek, taong yaom abih thực trạng ka dom yaom ilimo mengkan di inem krung ilimo phi vật thể nghệ thuật bài chòi dalam tỉnh; sangka bruk khik ramik, patagok siam bruk ngak di dom kalup kapul, nghe nhan bhap bini. Padang veik saong pasaim veik dom kapul nyaom, đội, kalup kapul bài chòi urak ini daok hu di dom xã, phường, ban sit dalam tỉnh. Daong bruk padang ngak hồ sơ pilih ruah pok brei angan “Nghệ nhân ưu tú”, “Nghệ nhân nhân dân” ka dom nghe nhan hu rik daong praong dalam bruk khik ramik saong patagok yaom nghe thuat bài chòi mengkan di tỉnh Phú Yên.

# Miunyim ban sit Cần Thơ pambuak bruk saong mban khik ramik inem mek ban sit Cần Thơ peih nyaom biai pataom iek veik bruk pato pakai ilamu meng kan saong inem krung ilimo dalam sang bac thun bac 2014-2015. Tui nan, dalam thun bac tapa, miunyim ban sit Can Tho hu pambuak bruk saong 42 sang bac dalam tinh peih dom bruk pato pakai ilamu meng kan saong inem krung ilimo, pachreih hu jaik 142.000 mbang gru pato, giáo sinh saong anek saih hu mbaok tame, rilo jang 4 sang bac saong labaih 15.000 mbang menuac urang duk saong thun bac dahlau).