Bruk puk palei eng drei khik caga jalan tapen negar, cột mốc saong khik ramik siam mekre puk palei labik tapen negar hu Bộ Chỉ huy Bộ đội Biên phòng tỉnh Lai Châu peih ngak meng rilo thun ini mai. Meng hu pathau khan praong, dalam, bhap bini dom bangsa thau hu cambaih bruk ngak di drei dalam patagok kinh tế pambuak pagam haong padang đường biên, mốc giới tani tanat, khik caga khang kajap chủ quyền biên giới taneh ia. Khắc Kiên – urang vak di rayo sap ndom VN daok di bhum Tây Bắc hu kadha vak “Khang kajap labik takai lingik Tây Bắc”

      Yau dom mbang dahlau, harei ini, hadei di tuk nao ngak hamu mai, sa-ai Lý Chỉn Ngan, bangsa tộc Dao daok di bản Sàn Thầu II, xã biên giới Ma Ly Pho, huyện Phong Thổ, tỉnh Lai Châu hu mbaok di Đồn Biên phòng Ma Lù Thàng. Yaom lac lingik laik sup, jalan meng đồn mai sang njauk nao tapa 2 baoh ceik, min sa-ai tuk halei jeng ý thức hu bruk pathau khan, brei thau ka bruk đường biên, cột mốc jaik labik sang drei. 

 (Meng hu karja palei pathau khan ka  đường biên mốc giới nan ye mikva thau caik hatai sangka, thau hu nan lac chủ quyền lãnh thổ di taneh ia Việt Nam drei. Tuk taduan hu bruk meng Đồn Biên phòng ye mikva caga tagok jalan, pambuak haong Đồn Biên phòng nao pasang iek, khik caga. Tuk nao tapa glai, tapa puh, tapajalan biên giới saong tapa dom cột mốc, mboh hu hagait karei ye mikva khan brei xã saong Đồn Biên phòng thau piah hu jalan langyah. Meng nan bo mikva sahanang hatai ngak mbang piah tani tanat raidiuk)

    Ma Ly Pho lac xã biên giới di huyện Phong Thổ, hu 9 bản saong 82% lac urang bangsa Dao. Dom thun tapa, pakat Đảng, karja saong bhap bini dom bangsa di labik ini thau hu bruk ngak di drei dalam patagok kinh tế, xã hội pambuak pagam haong bruk khik caga, dak padang jalan biên, mốc giới. Mikva thau nan lac trách nhiệm di drei, bloh tuk hu mbaok tame dom tổ tự quản đường biên, mốc giới, lac sa urang lin biên phòng”. Urak ini, taong abih 9 bản di xã jeng hu tổ tự quản đường biên, mốc giới saong tổ tự quản an ninh trật tự, dang akaok nan dom urang ngak công an, bí thư chi bộ, akaok palei, phó bản.  Ong Lò Văn Tỷ, Chủ tịch Ủy ban bhap bini xã Ma Ly Pho, huyện Phong Thổ, tỉnh Lai Châu lac:

 “Tukvak tapa karja saong bộ đội biên phòngpadang mban saong tổ tự quảnjalan biên, mốc giới , meng nan oh daok mboh bruk gah Trung Quốc tapa man pataeok atau klaik mek kaya glai tra.”

    Đồn Biên phòng cửa khẩu Ma Lù Thàng daok khik iek 13 km jalan biên giới. Rilo thun ini mai, bruk patahu khan ka jalan biên giới saong lãnh thổ quốc gia tuk halei jeng hu hu pakat ủy đảng, karja palei saong bộ đội biên phòng sangka jhul khang. Nan ye, hatai sahneng di bhap bini ka bruk khik caga chủ quyền biên giới saong khik ramik an ninh trật tự bhum tapen negar oh padeih patagok. Bruk pambuak pagam khang kajap di bhap bini haong bol bala dalam bruk khik caga đường biên, mốc giới hu ba mai siam lagaih mboh di anak meta. Thiếu tá Nguyễn Đức Hùng, Chính trị viên Đồn Biên phòng cửa khẩu Ma Lù Thàng lac:

     Kol dahlak mbo, bruk ngak hu praong di abih nan lac hatai jia di bhap bini brei ka Đảng, Karja. Rilo sang halan hatian tame tổ tự quản, tapa nan hu khan brei  bộ đội biên phòng thau chip dom kadha pambuak tal bruk chủ  quyền saong an ninh trật tự piah hu jalan langyah

   Ngak tui Chỉ thị số 34 di Bộ Tư lệnh Bộ đội Biên phòng ka bruk padang phong trào bhap bini eng drei khik caga đường biên, mốc giới saong an ninh trật tự puk palei bhum tapen negar,  dom Đồn Biên phòng dalam tỉnh Lai Châu hu peih ngak tui dom jalan ngak cambaih laih di đơn vị. Tui nan, 13 Đồn Biên phòng daok rah angaok jalan biên giới atah labaih 265 km di Lai Châu hu tham mưu brei pakat ủy, karja 23 xã biên giới peih ngak dom bruk di  phong trào saong hu jalan ngak cambaih laih. Tal urak ini, taong abih 227 bản di dom xã biên giới hu tổ tự quản ka jalan biên, mốc giới saong an ninh trật tự.     

     Piah khik ramik saong patagok siam lagaih di phong trào, Bộ Chỉ huy Bộ đội Biên phòng tỉnh Lai Châu daok khan brei thau cambaih dom sarak di Đảng saong Karja; dom jalan ngak, dom tacei pato di pakat angaok ka bruk khik caga biên giới tal dom puk palei. Meng nan, jak ba bhap bini dom bangsa daok di tapen negar patagok bruk jum pataom gauk, padang ngak palei pala bahrau, puk palei ilamu, ngak jeng thế trận biên giới lòng dân khang kajap./.