Lac sa dalam 21 tỉnh hu ilamo Đờn ca tài tử Nam Bộ hu Gah pato megru, Khoa hoc saong Ilamo Liên hợp quốc (UNESCO) pok brei angan lac inem krung ilamo oh mboh di meta lambaok ka manuac sia di harei 5/12/2013. Ilamo ngak lan Cam Bàu Trúc hu UNESCO ba tame angan Inem krung ilamo oh mboh di meta caong khin pacang khik chip di harei 29/11/2022. Ini lac palei ngak lan yao klak abih di bhum taneh Đông Nam Á. Kadha ngak jeng janih biak karei di ilamo ngak lan Bàu Trúc nan lac jalan ngak lan oh pandar tal kapal pa-yeng, meng palak tangin gheih ghang di urang kamei Cam; yaok pandap lan ngak tabiak hu ndung bak hatung hatian di urang ngak tabiak nyu.
Bein negar Núi Chúa daok dalam xã Vĩnh Hải (Ninh Hải) hu UNESCO pok brei angan lac labik khik piah sinh quyển dunya di mbang nyaom rah tabiak meng harei 13 tal 17/9/2021; bimon Hòa Lai saong bimon Po Klong Garai lac sa dalam dom bimon Cam hu padang ngak meng lavik thun saong ndung bak yaom ilamo, dak rai sajarah, kiến trúc, ilamo sarak biak karei. Ini lac bruk pdang ngak biak gheih brei mboh ka yaok vaktu cak rok patagok di ilamo sarak Cam meng puac abap VIII tal XIV. Meng dom yaom glaong nan, bimon Hòa Lai saong bimon Po Klong Garai hu Mentri Ilamo, Padhih saong rivang ma-in tabiak harak brei angan lac Inem mek pakat negar di harei 22/12/2016.
Vịnh Vĩnh Hy lac sa dalam 8 vịnh gheih mekre abih di Việt Nam, daok dalam xã Vĩnh Hải (Ninh Hải). Lac sa labik meng langik tasik biak gheih, daok joa lange haong 3 mbaok lac glai ceik pacang vin taom dhar saong sa mbaok lac tasik prong. Harei 7/1/2020, Mentri Ilamo, Padhih saong Rivang ma-in tabiak harak brei angan vịnh Vĩnh Hy lac Danh lam thắng cảnh pakat negar. Harei Katê hu peih ngak dalam harei sa bingun bilan 7 (Saka Cam). Katê lac roya prong di bhap bani Cam Ahier rah tabiak dalam sa labik prong meng bimon, palei, tal yaok baoh sang . Katê di urang Cam tỉnh Ninh Thuận hu ba tame angan inem krung Ilamo oh mboh di meta pakat negar di harei 20/6/2017.
Palei Bỉnh Nghĩa, dalam xã Bắc Sơn (Thuận Bắc) lac labik daok khik hu rilo inem krung ilamo meng kan ndung bak ilamo hadah krah di urang Cam. Adat cambat akaok thun lac sa bruk brei mboh ilamu di urang Cam palei Bỉnh Nghĩa, ngak brei kaya meda jang adat cambat di urang Cam labik ini. Adat cambat akaok thun di urang Cam palei Bỉnh Nghĩa, hu ba tame angan inem krung ilamo oh mboh di meta pakat negar di harei 3/2/2021.
Lễ hội Cầu Ngư pambuak pagam haong adat kakuh ikan Ông (cá voi), hu meng lavik rai mai di urang taong ikan di bhum tasik dalam tỉnh. Ini lac vaktu piah ka urang taong ikan brei mboh bruk thau dhar phol ngan haong yang Nam Hải, yang tuk halei jeng daong veih urang taong ikan tuk gaok bala angaok tasik saong kakuh likau ka langik siam tasik laghaih piah ka ghe gilai tabiak tasik taong mek ikan hu siam laghaih. Lễ hội Cầu Ngư tỉnh Ninh Thuận lac ilamo biak siam gheih, hu pok angan saong ba tame angan Inem krung ilamo oh mboh di meta pakat negar di harei 20/12/2019. Adat klaak kabo di urang Raglai brei mboh hatung hatai di urang daok diuk ngan haong urang metai, bruk ba-yar dhar phol ong akaok ong kei, amaik ame, brei mboh talei rohim puk paga khang kajap. Adat klak kabo di urang Raglai hu ba tame angan inem krung ilamo oh mboh di meta pakat negar di harei 30/10/2018.
Kuhria tal harei ini, Ninh Thuận hu 2 inem krung ilamo oh mboh di meta hu UNESCO pok angan lac inem krung ilamo oh mboh di meta lambaok ka manuac sia dunya caong khin hu pacang khik chip, 1 labik khik piah sinh quyển dunya, 2 inem mek pakat negar biak karei, 12 inem mek pakat negar, 1 danh lam thắng cảnh pakat negar, 4 inem krung ilamo oh mboh di meta hu ba tame angan inem krung ilamo oh mboh di meta pakat negar, 47 inem mek, inem krung ilamo pakat tỉnh./.
Viết bình luận