MIk va dok khik bruk ngak lan meng kan 

Palei Cam Bình Đức, daok di xã Phan Hiệp, huyện Bắc Bình hu mbaok meng lavik mai. Labik ini yau sa muyim khik piah dom ilamo hadah krah di urang Cam, dalam nan njauk ndom tal di abih lac bruk ngak lan meng tangin. Yaom lac rah tapa oh thau hadom mbang trun - tagok dalam tuk cak rok, min lan am meng kan di urang Cam jeng daok miat haong thun bilan, daok khik hu asal di nyu. Dom bruk dalam tuk ngak lan di urang Cam Bình Đức tal harei ini daok hu khik tamo ilamu, jalan ngak meng kan. Dom thun jaik di ini, anak bruk kinh tế thị trường, gam haong bruk cak rok patagok di ilamu, công nghệ nan ye bruk ngak lan di Bình Đức daok dang anak rilo kan kandah ka pandap ngak lan tal bruk pablei pandap. Dom janih pandap lan ngak tabiak rilo meng lac pandap pandar dalam sang yau ye: ghaok, glah, ging pui, khuôn tuh bánh xèo, mein, jeik… Dom sang saong dom menuac daok khik bruk ngak lan dak harei dak takik dut haong dahlau saong mbuan lahik nao. Tui yaok pataom, urak ini di palei Bình Đức tok daok 40 baoh sang gam haong 44 urang daok khik bruk ngak lan.

Piah khik ramik saong cak rok patagok ilamu Cam, rik daong jhul kinh tế - xã hội puk palei cak rok dalam tukvak mbeik drei yam tame ngak mbang kinh tế haong dunya urak ini, UB bhap bani tỉnh Bình Thuận bahrau pasang iek brei ngak danak dak khik ramik saong cak rok patagok bruk ngak lan meng kan di urang Cam Bình Đức, xã Phan Hiệp, huyện Bắc Bình. Langiu di bruk khik veik ilamu, pandap ngak lan meng kan saong paglaong chất lượng, parilo janih pandap, danak dak daok pamaong tal bruk dak padang saong cak rok patagok dom tour, tuyến du lịch mai ravang iek, duah thau bruk ngak lan di palei Bình Đức; kham merat tal thun 2030, dom sang daok khik bruk ngak lan meng jaik 11% tagok labaih 15%, dom menuac ngak lan meng 12% tagok labaih 16%. Gam haong nan, pataom tame peih ngak dom jalan ngak prong yau: quy hoạch, peih prong bhum taneh tamo piah ngak lan saong mblang am cuh lan meng kan pambuak haong bruk padang ngak ghing am lan mỹ nghệ; peih ngak sarak pachreih patagok bruk ngak; peih dom tal pato pakai ilamu ngak lan ka rai rah dam dara urang Cam dalam palei …   

Jhul pakhang dom bruk pablei salih, meyaih khan du lịch, rik daong ba pandap lan am jeng pandap pablei salih saong hu yaom tagok glaong. Gam haong nan, tỉnh hu panuac ieu dom kapul nyaom, menuac urang, doanh nghiệp dalam saong langiu taneh aia buh jien tame ngak, roh duah piah khik ramik saong cakrok patagok bruk ngak lan; jak ba taong abih pren khang dalam bol bhap rah ra hu mbaok tame bruk khik ramik saong patagok bruk ngak lan. Danak dak “Khil ramik saong patagok bruk ngak lan meng kan di urang Cam palei Bình Đức, xã Phan Hiệp, huyện Bắc Bình” tabiak rai lac bruk biak laghaih. Tapa nan, peih tabiak jalan adat hukum saong pren khang piah ka dom sở, ngành, puk palei pambuak gauk peih ngak piah khik ramik saong cakrok patagok ilamo Cam, daong jhul patagok KTXH di puk palei./.     

Urang lang: Jasi 26/9