Gah chức năng tỉnh Kiên Giang pakhang bruk pasang iek jalan taphia negar, pacang caga dom urang tame negar suan hukum piah pacang caga jit Covid-19

Di mbang ginum biai samar ka bruk pacang caga ruak pambuak tal dom urang ruak Covid-19 di Phú Quốc, Đại tá Đào Hải Đăng, Phaok yam ndoc Công an tỉnh Kiên Giang brei thau: adit kreh bilan 3 thun 2021, urang tame negar suan hukum  meng Capuchia, Malaysia tame Kiên Giang tagok samar. Dahlau di nan, hu 27 mbang urang meng Malaysia tame negar suan hukum tui gaiy gilai saong dom urang tame mai meng negar Capuchia: “ Caong khin dom rajakar dalam bhum, abih di nyu nan lac Phú Quốc labik jaik Capuchia pakhang bruk pathau khan, jak ba bhap bini mboh urang tame negar suan hukum brei langyah meng akaok. 

Tui ong Huỳnh Quang Hưng, Akok UB bhap bini Ban Phú Quốc, bruk haduh hatai abih di urak ini nan lac bruk pasang khik tuai damuai meng jalan tasik saong bruk tame negar suan hukum tui jalan tasik tame Phú Quốc. Tui ong Hưng, kayua bhum taneh Phú Quốc  praong, hu ar tasik atah labaih 150 km, hu 5 balai biên phòng, ralo di Gành Dầu, Bãi Thơm, Cửa Cạn, dom urang nan bhian tame melam sup, nao tal rilo labik, dalam tuk nan urang jakar biên phòng ye takik yau nan ye kan khik hu: “Dahlak sahaneng lac hu dom jalan ngak piah pakhang bruk pasang iek catang di tasik. Kayua yau nan, ngan saong labik khik iek njauk brei parilo urang jakar saong radaih, pandap pandar, brei sumu gauk di dom labik dalam Phú Quốc saong dom labik karei. Langiu di nan, khol dahlak tacei pato ka xã, phường, abih di nyu lac công an saong dom đơn vị bol lin ngak bruk di labik ini pambuak pakhang bruk pasang iek, pasang saong jak ba bhap bini brei thau sumu tik mboh dom urang karei, gilai karei pataok tame, hu urang tagok ar.”

Tukvak tapa, Bol lin biên phòng tỉnh Kiên Giang brei 4 gilai, bhian salih pajeng ba yaok rituh urang jakar, urang lin, gam saong gah lực lượng pambuak bruk pasang khik di tasik, pacang cakak di tasik min kayua tasik praong, gam jlan sahaneng di bhap bini drei, abih di nyu nan lac po gaiy gilai oh glaong, pambuak saong urang tame negar suan hukum. Đại tá Doãn Đình Tránh, Phó chính uỷ Bộ chỉ huy Bol lin biên phòng tỉnh Kiên Giang brei thau: “ Dalam tukvak anak tal, bol lin biên phòng Kiên Giang kham merat jang, parabha urang jakar, pakhang bruk khik iek dom gaiy gilai tame tabiak tapen tasik, piah takik urang tame negar suan hukum. Tui nan, pambuak bruk saong dom pakat dom gah jhul pakhang bruk pathau khan ka bhap bini; paglaong jalan sahaneng ka bruk jhak, mbuan metai di jit ruak Covid-19 dalam bhap bini”.

Ông Nguyễn Lưu Trung, Phaok akok UB bhap bini tỉnh Kiên Giang brei thau, UB bhap bini tỉnh hu sarak brei pakhang bruk pambuak saong Bhum 5 Hải quân, Vùng Cảnh sát tasik 4 piah daong ka gah biên phòng piah pacang caga bruk tame negar suan hukum tui jalan tasik. Langiu di nan, Bộ Tư lệnh Bol lin Biên phòng patui bruk brei parilo urang saong gaiy gilai, pandap panda piah pasang khik dom labik di tasik saong jalan taphia negar di tasik./.

Urang lang: Ái Nghiêm – 07/04