Dom harei tapa, tuk TQ ba giàn khoan Hải Dương – 981 tame bhum tasik di VN song hu dom bruk ngak brei srau kadau angaok tasik biển Đông, dom urang tong ikan di tỉnh KG tuk halei jeng caik hatai sangka, duah thau saong pamong tal biển đông. Lingiu di nan,  urang tong ikan dalam tỉnh dak thau jum pataom gauk, dak khang hatai tabiak tasik piah khik caga quyền ngak pô tasik, pulao di drei. Kadha vak di Lam Hiếu, urang vak di rayo sap ndom VN daok di bum taneran kraong CL brei thau ka bruk nan, da-a mikva saong taong abih gauk tui pang:

.          

Srap gap kuhria caga pandap mbang menyum ka mbang tabiak tasik livik harei, ong Trương Văn Em, dok di ban sit An Thới huyện Phú Quốc oh var tual veik hala dok taneh ia. Mbang ni hala dok bahrau tual nyu prong jang, glong jang di angaok tabung kapan. Hala dok sambo meriah patuk katam par dalam ngin hu  nao gam haong urang tong ikan di angaok bhum tasik di VN yau brei mboh quyền ngak pô di taneh ia drei. Ong lac: Tasik di drei oh hu hagait huac bo njauk tabiak tasik rilo jang, kham merat ba abih pren yava di drei tabiak tasik piah khik caga buhm tasik di VN drei. Drei lac bol bhap rahra ye kham merat abih drei.

          Dok urang tong ikan angan Lâm Trung Hoan, hu sa baoh ghe nao vah mực. 30 thun nao tasik oh ka tuk halei ong mboh trách nhiệm di drei prong glong yau urak ini. Thun ni, bruk ngak mbang oh mbuan lagaih, sản lượng tong chap ikan trun labaih meteh dut song dom thun dahlau min ong jeng daok tabiak tasik saong tabiak rilo jang, sa binah kayua ni lac bruk ngak mbang duah jien min bruk prong jang nan lac ong song dom urang tong ikan brei hu mbaok rilo jang di bhum tasik chủ quyền piah dong khik caga bhum lingik, bhum tasik di VN. Anak bruk ngak suan di TQ dalam dom harei tapa, ong brei mboh hatai anit ranam di drei ngan saong gah cảnh sát tasik, kiểm ngư VN song urang tong ikan khang hatai tabiak tasik, khik caga bhum tasik bo drei ngak pô.  

   Bhum tasik di drei ye drei nao ngak bruk yaok harei oh huac hagait. Gah TQ ba giàn khoan tame bhum tasik di drei ye drei jeng daok tabiak tasik oh huac hagait. Urak ni drei kham merat jang ka dunya tagok sap. Drei dok khik sron mbon siam mekre song TQ, hu panuac ieu brei ba giàn khoan tabiak truh bhum tasik di drei.

          Ong Hà Văn Hòa, urang tong ikan dok di xã Bình Sơn, huyện Hòn Đất bahrau mai veik hadei di mbang tabiak tasik tong chap kaya ikan. Thun ni umo ong labaih 70 thun min ong dok drah samara, khang kadang. Ong ndom lac bruk khik caga taneh ia nan lac bruk di tong abih bhap bini VN. Yaom lac umo glong, praong thun min ong dok khang hatai tabiak tasik song pamong tal biển Đông dalam mbang đấu tranh ndok TQ ba giàn khoan tabiak truh bhum tasik di VN. Ong lac:

Urang VN hu hatai anit ranam taneh ia meng kan mai. TQ meda lac sa taneh ia praong yau urang saai di VN, min bruk lih tame bhum lingik, bhum tasik ye drei phản đối. Yau hulin yaom lac umo taha ye min oh huac hagait piah khik caga taneh ia VN. Jeng dok tabiak tasik, tong chap ikan piah ngak kaya meda ka taneh ia bloh khik caga bhum lingik, bhum tasik di taneh ia tal abih rai di drei, yaom lac umo taha ye.

          Urang tong ikan di biển Tây dok pamong tal biển đông, sa hatung hatai haong urang tong ikan song dom lực lượng dok ngak bruk di angaok tasik piah khik caga bhum langik, bhum tasik, pulao prong glong di taneh ia./.