Pathau mikva… Mai tal palei Chăm Mỹ Nghiệp, ban sit Phước Dân, huyện Ninh Phước, tỉnh Ninh Thuận, gam saong bruk hu maong iek urang kamei Chăm daok la tapen kik menyim, gheih tangin menyim jeng dom bingu la mekre tui ilamu chăm, tui damuai daok hu maong iek ragam tamia song ragu daoh bhap bini di urang Chăm kayua dom nghệ nhân klup kapul alat ragam chăm labik ini parang me-in. Uan raok kate thun 2015, kol drei nao taom gaok dom nghệ nhân klup kapul ini ka bruk takre  nghệ thuật bangsa, tapa kadha vak di Ái Nghiêm, urang vak di rayo sap ndom VN daok di ban raya HCM:

Dalam dom harei ini, mai palei chăm Mỹ Nghiệp, ban sit Phước Dân, huyện Ninh Phước, tỉnh Ninh Thuận, sap ghi-nang, baranưng, brong (lục lạc) lai tame saranai chreih chrai yava yava tagok. Sap ginang yau pachreih hatai menuac mai mbang kate thụn 2015 saong mikva chăm labik ini. Di sang parang iek khan bai Mỹ Nghiệp, dom nghệ nhân klup kapul alat ragam chăm dalam ao lah tà, khan mbar akaok hu brui hadah daok parang me-in biak gheih dom ragu ginang uan Kate, paling yang palei, rok tuai damuai, tamia kadik… . Ong Dương tấn Tự, phaok chủ nhiệm klup kapul alat ragam chăm Mỹ nghiệp brei thau, klup kapul hu padang meng thun 2010, tal urak ini, hu 24 urang hu mbaok tame, meng umo 40 tal 75 thun, yaok urang yaok bruk min halan hatian pambuak gauk padang klup kapul dak harei dak patagok. Dalam jaik 6 thun ngak bruk, langiu bruk hòa tấu pamơrơ tuai damuai mai rivang palei ngak, klup kapul daok hu parang me-in duh ka mikva dalam dom rija meng kan, tuk mbang kate, atau Chabun… rik daong khik ramik ilamu meng kan di bhap bini Chăm. Ong Dương Tấn Tự daok brei thau lac:

Sap Chăm:

Saai Lưu Ngọc Dĩnh lac urang ranaih umo di abih dalam kalup kapul, thun ini jeng hu umo 40 thun. Lac akaok mban khik iek khu phố 13, ban sit Phước dân, huyện Ninh Phước, tỉnh Ninh Thuận, saai Dĩnh biak jar var saong bruk duh ka bhap bini. Min, saai jeng caik tukvak piah hu mbaok tame klup kapul kayua takre alat ragam bangsa.  

Sap Chăm: 

Oh lac saai Dĩnh saoh, bo ralo urang karei dalam klup kapul jeng biak takre, kham merat yam tapa yaok kan kandah halan hatian mai saong klup kapul ini. Haniem phon di abih ngan saong dom urang nan, oh lac piah me-in dom janih alat ragam drei takre bo daok hu brei mboh bruk anit ranam ilamu nghệ thuật bangsa. Praong jang nan lac, urang caong hu rik pren yava tame khik ramik ilamu meng kan hadah krah oh lac ka harei ini bo ka abih anek kamuan rai rah harei hadei. Ong Quảng Đại Phong, thun ini umo labaih 70 thun, thư ký klup kapul khan lac:

Sap tiếng Chăm:

Urak ini, langiu di bruk pamơrơ tuai damuai di palei ngak, klup kapul alat ragam Chăm Mỹ Nghiệp daok hu ralo mikva labik karei dalam tỉnh Ninh Thuận daa nao parang me-in dalam tuk Ramưwan, Rija... tapa nan, rik daong pabak bruk ilamu di bhap bini chăm./.