Tỉnh Bình Dương daok taduan mek harak gar pilih ruah urang tame ngak

Urak ini, rilo DN dalam tỉnh Bình Dương caong pilih ruah urang ngak meng dom ratuh tal dom rabau urang, min bruk pilih ruah lac oh mbuan. Rilo DN  njauk brei menuac tabiak daok di pabah mbang Cty piah ieu da-a urang ngak, piah pabak samu dom đơn hàng ka gah blei.

Dom harei ini, di rilo KCN dalam tỉnh Bình Dương, nao pak halei jeng mboh sa kapul urang ngak bruk pilih ruah menuac ngak, caik sa baoh bàn sit, dom kik daok la di pabah mbang Cty piah taduan mek harak gar pilih ruah urang tame ngak.

Sa-ai L.T.T (umo 35 thun, urang ngak di phòng nhân sự sa Cty dalam KCN Đồng An) brei thau: “Cty kurang labaih 2.000 urang ngak, kol adei hu brei tabiak daok la pak di pabah mbang piah pilih ruah saong tacei jalan ka dom urang ngak nao likau bruk ngak. Meyah dahlau daih, bruk pilih ruah biak catang, brei hu bac da-a glaong saong hu prein yava ye urak ini mbuan jang, Cty daok kham merat ieu da-a, tok hu prein yava, oh hu duas hagait lac hu taduan tame ngak. Bruk pilih ruah menuac ngak dak harei dak gaok kan kandah jang nan ye dom urang pan akaok Cty jeng hu ba tabiak sarak pachreih urang ngak ba gauk gar tame ngak saong yaom jien thưởng lac 1 triệu đồng sa urang (tagok 2 mbang duk saong thun 2020), lingiu di nan, hu daong jien nao mai, jien pah labik daok, jien bilan 13, jien thưởng ngak bruk samar drah…

Atah di nan oh hadom, lac KCN Sóng Thần (ban sit Dĩ An) jeng mboh dreih yau nan. Anak pabah mbang dom Cty, rilo menuac likau bruk pataom gauk ndom biai ka jien bilan, jien thưởng, ka bruk ngak. Sa-ai N.T.T (umo 37 thun, palei daok di Nghệ An) brei thau, hu ngak harak hồ sơ payua tame 5 Cty min ka oh khin ngak labik halei kayua jien bilan cơ bản biar (4 triệu đồng sa bilan) saong meyah tăng ca luac bilan jeng tok hu labaih 8 triệu đồng, oh ginup jien mbang cai saong jien bac ka anek.

Dalam tuk sa-ai T.V.N (umo 48 thun, daok di phường Tân Bình, ban sit Dĩ An)  caong duah sa bruk ngak hu jien mek tame labaih 10 triệu đồng sa bilan saong daok jaik sang piah lagaih ba anek nao bac. Sa-a N. khan lac: “Dahlau daih nao jhik hu labaih 10 triệu đồng sa bilan, min meng tuk hu jit ye padeih ngak. Dahlak salih tapa ngak patau hoa cương, jien bilan hu jaik 15 triệu đồng min glaih lo saong jhak lo kayua thur patau, urak ini caong salih bruk ngak tani tanat jang saong jien bilan ginup raong sang”. 

Tui LĐLĐ tỉnh Bình Dương, urak ini dom DN daok caong pilih ruah labaih 100.000 urang ngak, rilo jang 4.000 urang duk saong mbang pilih ruah hadei tết. Makna lac piah pabak dom đơn hàng bahrau meng Myanmar, dalam nan rilo meng lac DN ngak gah kayau, nội thất, jhik menyim, takhaok klik... pagap yau Cty Yazaky (ban sit Dĩ An) caong hu 2.000 urang ngak, Cty TNHH Nội thất Phú Định (huyện Dầu Tiếng) caong hu labaih 500 urang ngak, Cty Chí Hùng pilih ruah 1.000 urang...

Dom DN kurang menuac ngak hadei di tuk padeih tết saong kayua jit Covid-19 lac gah ngak kayau, jhik, takhaok klik. Yau ye gah ngak kayau pablei tabiak negar lingiu di Bình Dương, urang ngak daok kurang biak rilo. Dom đơn hàng tagok khang (thun 2020 tagok 15% duk saong bruk ba tabiak, dom bilan akaok thun 2021 mboh daok tagok) kayua jhul khang bruk pablei salih điện tử, dalam tuk dom urang ngak mai ngak bruk veik oh ginup.

Tui ong Điền Quang Hiệp, akaok kapul kayau tỉnh Bình Dương (BIFA), urang ngak daok kurang biak rilo mai meng rilo makna yau ye padeih piah pacang caga jit, rilo urang ngak nao palei, duah hu bruk ngak bahrau nan ye oh mai ngak bruk veik di Cty klak. Abih di nyu nan lac, labaih 1 thun tapa, yaom lac jit ruak kan kandah min đơn hàng gah kayau tagok biak rilo, bruk kurang urang ngak lac kan plaih hu. Tui nan, kol dahlak mboh lac, ini jeng lac tuk piah ka dom DN pasiam veik labik ngak piah khik takai urang ngak, gam haong nan, pandar dom ilamu công nghệ bahrau, patrun bruk brei hu rilo urang ngak. 

Dalam tuk kurang urang ngak saong bruk pilih ruah hu rilo kan kandah, dom doanh nghiệp hu salih jalan ngak mbang suai lavik meng bruk blei meng negar lingiu tame robot ngak pandap tự động, yau ye Cty Shyang Hung Chen, ngak takhaok adidas.

Amuk Nguyễn Kim Loan, akaok LĐLĐ tỉnh Bình Dương brei thau: “Bruk kurang urang ngak daok lac sa bruk kan kandah di dom tỉnh, ban saong dom doanh nghiệp. Urak ini rilo urang ngak nao palei hu bruk ngak tani tanat, hu mbuan lagaih jang (kayua oh abih jien pah labik daok, nao mai...) nan ye daok veik palei ngak bruk, ngak brei bruk pilih ruah urang ngak di Bình Dương nyu kan kandah jang. Kol dahlak hu brei urang jakar pambuak bruk haong Sở LĐTB-XH nao duah thau bruk saong pathau khan urang dang akaok UBND tỉnh ka bruk ini piah hu jalan langyah'.

  Urang lang: M. Phương – 01/05