Tui yaok pataom di Mintri Kế hoạch saong Đầu tư, Việt Nam urak ini hu 575 labik ngak kong hu padang tagok di labaih 61 tinh, bal, rilo meng pataom di dom bhum kinh tế praong. Dom labik ngak kong di Việt Nam daok lac labik duah tal di yaok ribau doanh nghiệp, meng 122 taneh ia saong bhum taneh di mangaok dunya. Min, jaik abih dom labik ngak kong jeng rilo meng pataom tame padang ngak saong cak rok patagok kết cấu hạ tầng duh ka bruk ngak saong bruk kein laba kinh tế bo ka oh sangka njauk tal bruk cak rok patagok hạ tầng xã hội ka urang ngak.

Dalam jaik 2 thun rahtabiak jit ruak Covid-19, nyu ngak ka dom doanh nghiệp laik tame kan kandah biak rilo, abih di nyu nan lac tapa mbang tamuh jit ka 4 di dom tinh, bal gah maraong hu rahtabiak bruk manuac ngak mai viek palei kayua huac jit ruak tamuh veik. Bruk ni dak brei mboh lac, buh jien tame padang ngak sang daok xã hội, abih di nyu nan lac sang daok ka urang ngak di labik ngak kong, khik kajap bruk hacih saat alam langik tasik saong prein yava ka urang ngak lac jalan njauk ngak piah pasiam veik bruk ngak saong cak rok patagok kinh tế.

Tui ong Trần Anh Tuấn, Phó akaok Mban khik ramik dom labik ngak kong saong labik chế xuất Hà Nội, urak ini di dalam Ban hu 9 labik ngak kong, min bahrau hu 4 labik ngak kong meda pabak hu manieng bruk sang daok ka urang ngak saong abih tih dom baoh sang ka urang ngak urak ini bahrau pabak hu 1/5 dalam abih tih sang caong hu. Brei thau makna ka bruk daok kurang ni, ong Tuấn brei thau, labaih 20 thun dahlau, tuk brei rami ramik padang ngak dom labik ngak kong, bruk padang ngak bahrau sangka, iek glaong tal bruk padang labik ngak kong, duh ka bruk ngak, dalam tuk nan, sang daok xã hội ka urang ngak oh hu caik hatai tal:

   Ong Phạm Hồng Điệp, Akaok HĐQT gam ngak Tong Yam ndok CTCP SHINEC, Po buh jien tame ngak Labik ngak kong Nam Cầu Kiền, Ban Hải Phòng brei thau, njauk salih jalan saneng padang ngak sang danaok ka urang ngak, saong patrun manieng dom harak gar gah adat hukum ka bruk padang ngak labik ngak kong. Ong Phạm Hồng Điệp ndom lac: “ Khol drei caong pachreih hu rilo jien buh tame ngak ka taneh ia, ye Hukum taneh riya, saong taong abih Hukum ka bruk buh jien tame njauk pataom veik hu haong gauk saong nyu hu bruk yasa yau gauk. Tapa Covid 19 khol drei jeng mboh sa bruk, manuac ngak lac sa dalam dom kapul ngak hu makna praong, manuac ngak bo oh hu sang daok, ye tuk khol drei khik ramik kapul ni, lac biak kan”.

Ong Nguyễn Đình Thọ, Akaok Viện Jalan ngak, Sarak tài nguyên saong môi trường, Mintri Tài nguyên saong Môi trường brei thau hatai sahneng di drei lac, njauk hu sarak yau gauk piah padang ngak sang danaok ka urang ngak. Tui nan, Rajaei njauk padang sarak ginup prein piah pachreih urang buh jien tame cak rok patagok bruk padang ngak sang daok xã hội, abih di nyu nan lac sang daok ka urang ngak. Gam haong nan, Quốc hội pasang iek ba tabiak dom angan cak rok patagok sang daok xã hội ba tame Jalan buh jien di karja tame ngak dalam tukvak 2021-2025, dalam nan pasang iek, pabak sa paok piah peih ngak sarak sang daok ka urang ngak. Ong Thọ ndom lac: “Bruk padang ngak sang daok ka urang ngak dalam labik ngak kong ye brei hu jalan ngak praong abih gah, Mintri Tài nguyên saong Môi trườngkol dahlak abih hatai pachreih tui bruk brei hu sang daok ka urang ngak dalam tukvak urak ini piah lagaih haong bruk pacang caga tuk samar drah yau meng blaoh rahtabiak ngan haong dom urang pambuak tal Covid- 19. Min, lac brei hu jalan ngak yau gauk, njauk ramik pasiam veik samu gauk, khol drei meng meda peih tabiak bruk ini hu jak jeng.”

Hu labik daok tani tanat meng hu bui sambai, jak jeng dalam bruk ngak tuk rah tabiak jit ruak, bruk tani tanat labik daok pabak hu caong maong di urang ngak dalam doanh nghiệp daok jeng sa bruk njauk ngak jang. Tui Phó Thủ tướng Rajaei Lê Văn Thành, bruk ba tabiak lac bruk padang ngak labik ngak kong urak ini brei samu haong bruk cak rok patagok đô thị, dịch vụ, ramik ramik labik daok di rahra saong sang daok dalam sa jalan ngak praong, abih gah, yau gauk. Meng nan piah dui pachreih urang buh jien tame cak rok patagok bruk padang ngak sang daok tui jalan siam lagaih saong prein padang ngak./.

Urang lang: Thu Thảo -22/11/2021