Thun ini lac thun akaok mereip baoh vải thiều Bắc Giang hu peih pablei angaok 06 sàn pablei salih điện tử prong di Việt Nam, lac: Sendo, Voso, Tiki, Shopee, Lazada, Postmart, tapa Gian hàng Việt trực tuyến hu bruk tacei ba di Cục Pablei salih điện tử saong kinh tế số, Mentri Công thương. Mbang akaok meti dom baoh panuac “Vải thiều Bắc Giang” njaom bhong dom sàn pablei salih điện tử - brei mboh bruk ba tangin tame di dom doanh nghiệp ngak mbang gah bruk ini saong bol bhap rahra dalam bruk gam haong dom puk palei, dom HTX pala vải di Bắc Giang pablei baoh vải thiều angaok online. Bruk njauk biai nan lac, meng dahlau di tuk rah tabiak “Harei pataom vải thiều” – di harei 8/6/2021, dom Sàn pablei salih điện tử ini ba gauk peih pablei vải thiều, haong rilo sarak daong ka urang nong jhul patagok bruk pablei janih baoh ini. Ong Nguyễn Đắc Việt Dũng – Akaok Hội đồng quản trị sàn pablei salih điện tử Sendo brei thau: “Mikva dang tabiak livetream pablei pandap. Tukvak akaok mereip mikva daok huac kanda. Tapa dom mbang ngak jeng gam haong bruk pathau khan angaok dom báo, đài ye urak ini mikva jia tame jalan ngak mbang bahrau bahrang ini”.

Tok kuhria tal abih harei 7/6, dalam tỉnh Bắc Giang pablei hu 53 ribau tấn vải thiều gam darak pasar dalam negar saong gam pablei tabiak negar langiu. Ong Nguyễn Hồng Diên - UV Ban chấp hành TW Đảng, Akaok mentri Công thương ndom lac, “bruk pablei salih điện tử rik daong biak prong”:  “Bruk Bắc Giang jeng yau dom puk palei karei hu dom janih kaya nong dang tabiak pambuak gauk pandar jalan ngak mbang pablei salih tui ilamu công nghệ bahrau nan lac jalan nao njauk, jalan taom gaok saong langyah biak siam, biak lagaih saong hu siam mekre dalam tuk jit Covid 19 daok tamuh khang di dom labik. Dahlak caong khin lac oh ta-eng hagait baoh vải thiều bo dom đặc sản karei jeng ngak yau nan piah kein laba  meng bruk pablei salih hu tagok jang rilo mbang di anak tal”.  

Bruk dom sàn pablei salih điện tử daong jhul patagok bruk pablei kaya nong ka mikva urang nong tok lac sa bruk brei mboh kadha prong di bruk pablei salih online saong panduan salih số dalam jaman kinh tế bahrau. Kein laba di bruk ngak ini daok hu brei mboh khang kadang jang dalam tukvak anak tal tuk lambaok dom doanh nghiệp pablei salih điện tử khan lac urang oh lac tok pambak tame dom salih bahrau dalam bhian randap blei pandar di bhap bani saong darak pasar piah tagok jien mek tame – tagok kein laba, samar drah meblah mek binah pablei salih điện tử bo daok pambuak bruk haong gauk – daong meyaih khan pablei pandap Việt angaok dunya. Ong Trần Trung Hưng, Akaok Hội đồng quản trị, Tong Yam ndok Cty Cổ phần Bưu chính Viettel (Viettel Post) – jabat daong mikva urang nong abih 2 gah logistic saong meyaih khan pandap angaok sàn pablei salih điện tử Vỏ sò, lambaok dom sàn Lazada, Shopee, Tiki, Postmart, Sendo brei thau: “Panduan salih số hu mong yau jalan peih tabiak prong pamong tal bruk cak rok patagok khang kajap saong suai lavik, taphia di nan paglaong yaom kaya nong Việt dalam darak pasar di taneh aia. Dom doanh nghiệp Pablei salih điện tử khaol dahlak daok kham merat taong abih gah, meng bruk padang darak pasar khang kajap hu asal meriak gauk, tal bruk pambuak haong dom gah gam tal ngak jeng chuỗi pabak pandap khang kajap”.  

Tui dom urang ilamu, pablei salih điện tử lac sa gah kinh tế bahrau, nyu meda jeng bhian randap saong cak rok patagok dalam tukvak anak tal, njauk haong hatai caong khin lac sa gah nao dahlau di nền kinh tế số di anak tal. Bruk nan hu makna lac, yaok doanh nghiệp, yaok urang hu dom bruk brei ngak dahlau – saneng duah jalan ngak bahrau saong buh jien tame ka bruk ngak ini, urang meda blah mek hu thị phần saong cak rok patagok biak glaong. Ini lac makna bo rilo doanh nghiệp, kapul nyaom kinh tế prong daok buh pren  pakacah dalam bruk ngak ini. Dalam tuk yau nan, bruk dom doanh nghiệp daok pambuak gauk – daong gauk meyaih khan pablei pandap Việt dalam negar saong angaok dunya nan lac sa bruk ngak biak hu makna – brei mboh trách nhiệm haong bol bhap rah ra. Dom doanh nhân-doanh nghiệp daok ngak tabiak pablei salih pandap Việt njauk blah mek thời cơ, piah peih bruk pablei pandap saong meyaih khan pandap – angan je di drei, angaok labik pablei salih điện tử dalam taneh aia./.

Urang lang: Jasi - 22/6/2021