Dom cei gru anai gru pakacah tame pato thun bac 2021-2022

Thun bac 2021-2022 tapa hu 1 bilan min bruk pilih ruah gru pato di taong abih pakat bac di ban raya HCM jeng gaok kan kandah kayua jit Covid-19. Dom labik hu ba tabiak rilo jalan ngak yau ye tagok rilo tuk pato, bayar jien pato langiu tuk ka gru pato, mbaoh tangin pambuak bruk katut panak tukvak atau panduan salih piah pabak bruk pato pakai di dom sang bac.

Thun bac 2021-2022, abih tih menuac caong hu di dom labik dalam Sở Pato Megru ban raya HCM lac 437 urang, dalam nan hu 388 gru pato saong 49 menuac ngak, langiu di nan ban Thủ Đức haong 21 quận, huyện jeng caong pabak jaik 5.000 gru pato, menuac ngak ka dom pakat bac meng  mầm non tal THCS. Bruk pilih ruah gru pato urak ini daok rilo kan kandah. Nan ye, piah hu menuac pabak ka dom sang bac, suai lavik brei hu rilo sarak dui pachreih urang bac, yau ye brei jien bac ka sinh viên, patagok parilo sarak daong brei hadei di tuk bac tamat, pambuak haong bruk pathau khan piah dui pachreih rilo jang menuac tame gah pato pakai.

Sở Pato Megru TPHCM hu harak payua UBND TP Thủ Đức haong 21 quận, huyện ieu pasang iek hadom gru pato saong bruk rami ramik gru pato di taong abih pakat bac, môn bac. Dalam nan, dom quận, huyện haong ban Thủ Đức brei thau cambaih hadom gru, umo di dom gru daok labaih di yaok sang bac, gam haong nan lac ba tabiak jalan langyah lagaih haong yaok urang, hu jien daong gru pato dalam tuk panduan salih, rami ramik veik bruk ngak.

Tui tacei pato di jabat khik ramik, bruk panduan salih gru pato hu ngak tui danak dak njauk ngak dahlau haong sa pakat bac, môn học. Sang bac meda pasang iek dom jalan kakei dahlau labik pato pakai văn bằng 2 atau pato pasram ilamu ngan saong dom môn kurang gru pato pakai ka dom gru daok umo thun pato, hu ilamu, hu prein yava, hu hatai caong lagaih haong bruk pato. Dom gru pato hu prein yava oh siam saong umo thun oh lagaih haong bruk pato, meda pasang iek brei salih labik ngak, meng gru pato tapa ngak dom bruk karei di sang bac, yau ye khik iek jamriak, bilik ngak iek, gilang tapuk...

Ong Phạm Đăng Khoa, akaok jabat Pato Megru quận 3 brei thau, urak ini hu dom sang bac hu bruk labaih, kurang gru pato. Hu thau, kayua labaih gru pato di sa  môn halei nan, sang bac brei salih tapa ngak bruk karei, dalam tuk di sa sang bac karei daok kurang gru pato môn nan. Dalam tuk pilih ruah gaok kan kandah kayua jit ruak, bruk pasang iek, rami ramik veik gru pato, menuac ngak lac bruk njauk ngak. Meyah hadei di tuk pasang iek, rami ramik blaoh, dom sang bac jeng daok kurang gru pato, meda kuhria tal bruk tagok tuk pato saong bayar jien pato langiu tuk pato (min oh brei rilo jang dom tuk pato langiu tuk dalam 1 thun ngan saong gru pato) atau mbaoh tangin pambuak bruk da-a gru mai pato piah pabak menuac pato. Daok suai lavik, dom sang bac njauk yaok pataom bruk caong pilih ruah piah kakei dom sang bac pato pakai ka dom thun anak tal.

Di quận Gò Vấp, dalam adit tal, urang dang akaok jabat Pato Megru meda ngak bruk haong hiệu trưởng dom sang bac ka dom bruk jao biên chế. Dreih yau nan, di quận Bình Tân – sa dalam dom labik hu bruk pilih ruah yaok thun glaong abih ban raya, gam haong bruk pasang iek, rami ramik veik menuac ngak, meng harei 20-9, quận ini peih bruk pilih ruah gru pato ka thun bac bahrau. Thun bac 2021-2022, Bình Tân caong pabak 295 gru pato, menuac ngak di dom pakat bac, dalam nan caong pilih ruah rilo di abih lac pakat THCS 145 gru pato. Di quận Tân Phú, 42 dalam 48 labik pato di karja caong pilih ruah abih tih 271 urang. Kayua kan kandah di jit ruak, bruk pilih ruah tui kuhria meda dui atah meng ini tal abih harei 20-11. Piah hu menuac pabak tame ka dom sang bac, suai lavik brei hu rilo sarak dui pachreih urang bac, yau ye brei jien bac ka sinh viên, patagok sarak daong hadei di tuk bac tamat, pambuak haong pathau khan piah dui pachreih rilo menuac nao haong gah bac. 

Langiu di nan, sa dalam dom kadha bahrau di bruk pilih ruah thun ini, lac bruk pabak menuac ngak y tế di dom sang bac. Dahlau daih, kayua tavak quy định 4 labik ngak bruk  lac thủ quỹ, văn thư, kế toán haong y tế tok pandar 2 urang nan ye rilo sang bac pandar menuac ngak y tế gam ngak atau pambuak bruk haong dom pasak y tế quận, huyện. Thun bac ini, kayua jit ruak, urang y tế lac menuac brei hu di dom sang bac piah khik prein yava saong salamat ka anek saih haong gru pato. Yaom lac yau nan, min urak ini sarak daong ka dom urang ini daok takik, suai lavik, brei hu jalan ngak siam, lagaih piah khik takai saong paglaong bruk ngak di dom urang nan./.

Urang lang: M.Phuong -09/10/2021