Meyah di tukvak ini thun dahlau, labaih 25.000 ha glai tràm di tỉnh Long An daok dalam bruk mbuan khuah pakat 4 – pakat nguy hiểm ye di akaok bilan 3 thun ini, yaom lac barau yam tame mbang tabung glaong bilan pandiak min pakat mbuan khuah lac pakat 5 – pakat biak nguy hiểm. Taphia di nan, labaih 9.000 km ribaong nội đồng, ia biar jang rilo duk saong yaok thun nan ye biak mbuan si khuah glai. Ông Lê Hữu Lợi – phó akaok cục kiểm lâm tỉnh Long An brei thau:

 “Dom đơn vị caga pacang khuah glai. Min jeng hu dom labik gaok kan kandah, yau labik đập ia Láng Sen hu cống đập pacang gar, meyah hu khuah ye kan pajeng ba pandap padam khuah. Ka dua nan lac dom đơn vị gah pacang cakak kurang jamriak saong pandap padam khuah”.

Taong abih dom cơ sở daok khik iek glai tràm praong meng dom rituh tal dom ribau ha yau: lâm trường Vĩnh Lợi di huyện Tân Hưng, Cty TNHH sa thanh viên Lâm nghiệp Đồng Tháp 4 daok di huyện Thạnh Hóa … jeng patagok bruk pasang iek, gam gam peih iek dom jamriak, pandap panda caga ka bruk pacang cakak khuah glai, patagok jalan ngak 4 di labik. Ong huỳnh Văn Bảy – khik iek blai pajaih Lâm nghiệp Long An di huyện Thạnh Hóa, tỉnh Long An lac:

 “Urak ini caga jamriak peih iek gam gam saong parabha bruk cambaih laiah. Hu mbaok khik iek luac harei melam di tapen glai saong vir taom dar labik mbuan si khuah”.   

Langik tasik kan kandah, pandiak dui atah ngak ka dom thảm thực vật thu mbuan khuah. Dalam tuk daok tame bilan yuak padai, bhap bini bhian randap am hamu nan ye mbuan khuah pambak tapa glai. Taphia di nan, bhap bini daok bhian lua tame glai cap mek hani, athur glai, ngak ka bruk pacang cakak khuah gaok kan kandah. Nan ye, bruk pathau khan, jak ba bhap bini daok tapen glai tame dom tổ, kapul pacang cakak khuah glai hu po glai biak caik hatai sangka, abih di nyu nan lac dom labik bhian rah tabiak khuah glai praong yau labik khik ramik taneh dauk ia Láng Sen, huyện Tân Hưng.

Ong Nguyễn Công Toại – phó Giám đốc labik khik ramik taneh dauk ia Láng Sen, huyện Tân Hưng brei thau:

“Labik khik ramik hu pathau khan dalam urang jakar, nhân viên saong bhap bini dalam khu vực brei thau pacang cakak khuah glai saong hu mbaoh tangin sanya saong dom urang daok jaik taphia labik khik ramik. Padang hu bloh 4 tổ pacang cakak khuh glai ye bhap bini samar hu mbaok daopng chip tuk khuah”.

Urak ini, di 40 tháp khik pui di dom glai dalam tỉnh Long An jeng hu menuac khik iek luac harei melam. Taphia di nan, tỉnh jeng hu đầu tư 60 mac padam pui, labaih 33.000m vòi. Dom janih ini meda daong ka dom đơn vị  pacang padam pui dalam tuk bahrau khuah. Min, anak bruk pandiak dui atah, ia trun biar biak kan pacang hu dom mbang khuah rah tabiak. Kayua yau nan ye, gam saong bruk pabak ginup dom pandap padam khuah; pataom tame bruk pathau khan paglaong akaok saneng khik caga glai di bhap bini ye bruk caga padam khuah jeng daok lac bruk praong dang akaok di dom gah pambuak tal bruk nan dalam tỉnh./.