Dahlau di tuk ngak akaok palei, sa-ai Lù Văn Nhại ngak công an. Bản Bó hu 250 sang, 1.170 urang, palei prong, hu ralo bangsa daok haong gauk, bruk an ninh biak phức tạp. Sa-ai haong dom urang dalam tổ tự quản bhian trun puk palei, langyah chip dom tavak tavaiy rah tabiak, khik sron mbon salamat ka mikva dalam palei.

Thun 2012, sa-ai Lù Văn Nhại hu mikva dalam palei pok ngak akaok palei.  Ini jeng lac tukvak mikva Bản Bó njauk nhường 46 hécta taneh pala drak ka mikva 2 palei Quỳnh An saong Quỳnh Tiến meng  Quỳnh Nhai mai daok di labik bahrau piah duh ka công trình thuỷ điện Sơn La. Bruk jak ba mikva daok pak nan nhường taneh ka mikva daok di labik bahrau brei hu bruk abih hatai jai di urang dang akaok palei, dalam nan hu akaok palei Lù Văn Nhại. Sa-ai nao tal yaok baoh sang, langyah brei mikva thau ka jalan ngak di Đảng saong karja, jak ba mikva patagok bruk anit ranam gauk, daong ba gauk. Sa-ai Lù Văn Nhại brei thau:

 Meng tuk dahlak ngak akaok palei bản Bó, hu mbuan laghaih di labik lac hu pakat uỷ, karja, dom kapul nyaom pachreih tui, daong dahlak ngak siam bruk ngak di drei. Kadua tra nan lac akaok saneng di mikva urak ini jeng karei dahlau, thei jeng thau saong ngak siam abih jalan ba di Đảng saong Karja. Yau bruk jak ba mikva alin brei taneh ka mikva bahrau panduan mai daok, palei jeng hu jao taneh ka Karja yau bruk ba tabiak, tal urak ini jeng hu jao taneh ka mikva bahrau panduan mai daok grap tanat bruk ngak mbang pala drak”.

Peih bruk padang ngak palei pala bahrau tui jalan lac karja haong bhap bani pambuak gauk ngak, akaok palei Lù Văn Nhại hu nao tal yaok baoh sang jak ba mikva alin taneh ngak jalan, hu mikva abih hatai pachreih tui oh thei ndok jien bayar. Tal urak ini labaih 5.000 mét jalan nao mai dalam palei hu tuh xi-mang abih, mbuan lagaih ka bruk pajeng ba, nao mai ngak mbang. Sa-ai daok hu jak ba mikva patagok bruk ngak mbang pala drak, patagok kinh tế baoh sang. Tal urak ini dalam palei hu 7 mac li-ua tangin, 20 hecta phun mbang baoh, 6 hecta danao raong ikan, ba ba, 10 hecta cà phê, jien mek tame kuhria rah tapa di bhap bani meng 1,8 triệu đồng tal 2 triệu đồng sa bilan, rai diuk di mikva dak harei dak kaya meda. Ong Lường Văn Đích sa urang daok di bản Bó, phường Chiềng An, bal sit Sơn La, tỉnh Sơn La ndom lac:

“ sa-ai Nhại lac sa urang ngak bruk sami samar, naih jioy, tapak tape, tuk halei jeng ba akaok nao dahlau dalam bruk ngak, hu mikva anit ranam saong iek prong. Lac akaok palei, tuk halei jeng abih hatai haong bruk ngak, jak ba bhap bani  ngak siam taong abih dom jalan ba di Đảng saong Karja, jang yau cakrok patagok kinh tế baoh sang, dak padang palei dak harei dak patagok”  

   Tui sa-ai Lù Văn Nhại: khin ka mikva pang tui, saai njauk ba akaok nao dahlau, meng bruk ba pajaih padai, tangeiy bahrau tame pala drak, ba ilamu khoa học kỹ thuật tame ngak mbang, pala drak, raong glang mboh hu kein laba ye mikva ngak tui. Taong abih bruk meng sit tal prong jeng hu langyah tui adat hukum di palei nan ye hu mikva njauk hatai, pachreih tui. Ndom tal jalan ngak di palei dalam tukvak anak tal, sa-ai Nhại brei thau:

 “Palei urak ini hu jalan xi-mang biak mbuan lagaih ka bruk nao mai, karja ngak jalan meng tỉnh lộ tapa dom palei bahrau,  tapa palei, khaol dahlak meda jak ba mikva pala phun tapen 2 gah jalan, gam khik hu taneh oh glut jaleih, gam khik ka môi trường hijao, hacih sa-at. Ini jeng lac jalan mbuan lagaih piah ka palei jhul patagok kinh tế, patruh eik patrun kathaot”

Meng dom bruk ngak hu kein laba mboh di anak meta di drei, sa-ai Lù Văn Nhại njauk lac sa urang akaok palei hu mikva anit ranam saong iek prong./.