Lingik tuk hajan tuk pandiak yau urak ni ngak ka dom sang bein di gah kreih negar “pandik akaok” song bruk kuhri  kuhria ka bingu mai rak njauk tuk tết Nguyên đán. Di ban sit An Nhơn, tỉnh Bình Định, urang pala mai haong ilamu labaih 20 thun thau jalan ngak ka mai tabiak bingu yau hatai caong khin. Dom harei ni, mboh bruk ngak di dom sang bein daok jar var jang tuk harei pablei mai daok jaik tal. Kadha vak di urang vak Hoài Nam song Thành Long dok di gah krek negar brei thau ka bruk nan, da-a mikva saong taong abih gauk tui pang:

Di dom palei pala mai cảnh dok di xã Nhơn An, ban sit An Nhơn, tỉnh Bình Định, daalm tukvak ni,  dom sang bein biak jar var. Urang blei salih dok dalam song langiu tỉnh “nao duah” blei mai tết ngan song số lượng prong, dalam tuk phun mai dok hajao hala. Hadei di sa thun iek glang tani tanat yaok bein mai, oh hu po bein halei dang kua tangin mong bein mai di drei rak biak avar atau biak te. Ong Ngô Quang Đức, po bein mai di palei Thanh Liêm, xã Nhơn An brei thau, thun ni bilan liar takik hajan nan ye mai tamuh siam jang yaok thun. Dahlau di tuk ngak ka mai katam tabiak bingu njauk tuk tết, brei tui iek bruk langik tasik song pasang iek catang bruk praong tagok di mai. Tui ong Đức, phun mai urak ni dok dalam tuk siam di abih, dalam tuk nan langik tuk pandiak tuk hajan, biak kan piah kuhri kuhria bruk cakak hala.

Thun ni langik jeng lagaih, takik liar, oh hu hajan, caduk rilo. Lingik yau ini jeng siam minhuac drei cakak hala avar ye nyu rak dahlau.

Urak ni dom sang bein oh khik mai cang tết pablei yau dom thun dahlau bo hu pablei meng bilan dahlau tết. Thun ni dom sang bein di ban sít An Nhơn, tỉnh Bình Định kuhria ba tabiak darak pasa Tết labaih 50.000 chậu mai dom janih, rilo jang 10.000 chậu dut song tết thun bloh. Rilo urang blei salih di dom tỉnh gah barak, gah Tây Nam Bộ mai duah tal dom sang bein mai di ban sit An Nhơn, tỉnh Bình Định blei yaok pluh ribau phun. Ong Quang Cường dok di ban sit Quy Nhơn, tỉnh Bình Định brei thau: meng ilamu di dom thun dahlau bhian cang tal jiak tết meng nao blei mai, thun ni ong duah tal dom sang bein biak avar piah blei dom chậu mai mboh njauk hatai di abih.

Duah 1 phun mai njauk hatai di drei song 3 harei tết ye hulin mai tal labik ni. Kayua labik ni hu rilo nghệ nhân hu ilamu meng lavik saman. Hulin jeng palih hu 2 phun ye, 2 phun ni hu ginup dom kadha  bo hulin takre.

Piah palagaih ka mai katam An Nhơn patagok, thun 2014, Pasak dong patagok Công nghệ Thông tin tỉnh Bình Định pambuak bruk song karja ban sit An Nhơn peih ngak dự án “Khik ramik song patagok angan tập thể mai katam Nhơn An” meng bruk padang saong khik ramik sản xuất, pablei salih hu angan tập thể “Mai katam Nhơn An”. Ủy ban bhap bini tỉnh Bình Định jeng hu công nhận 5 dalam 6 palei di labik ni mek hu tanut palei ngak mai cảnh ngan song labaih 1.800 boh sang pala mai cảnh piah pablei. Ong Lê Minh Toán, phó akaok UB bhap bini ban sit An Nhơn, tỉnh Bình Định brei thau.

      Dalam bruk padang ngak palei pala bahrau, khol hulin hu kaoh tabiak taneh ka dom palei mai song dom boh sang pala mai, caik tabiak dom labik yaih khan mai dalam tuk tết.

Bruk pala mai dok ba jien tame rilo ka bhap bini xã Nhơn An, ban sit An Nhơn tỉnh Bình Định. Phun mai katam daok ba haniem phol mai ka mikva labik ni./.