Tabiak truh bruk mesruh metak hào hùng di bangsa, dalam sa tukvak suai livik, Hóc Môn - Bà Điểm -  bhum taneh cách mạng njauk dang anak ralo kan kandah yau:: taneh riya thu lagu, kurang mbang, kurang cuk, kurang pandap ngak… Min hadei di 40 thun kuhria meng harei taneh ia yasa, harei ini Hóc Môn hu nbeik drei salih barau. Daa mikva saong taong abih gauk pang kadha vak angaok harak mbao Đầu tư online ngan saong kadha “mai rivang 18 palei bein hala” ala ini piah thau ka bruk salih barau di bhum taneh anh hùng ini:

Dalam akaok sahneng di ralo urang, Hóc Môn - Bà Điểm lac bhum taneh hu ralo dấu ấn sajarah dak rai. Ini lac labik dahlau deih pataom ralo hào kiệt, nhân sĩ, trí thức cách mạng ranam taneh ia. Dom angan je yau Nguyễn An Ninh, Võ Văn Tần, Võ Văn Ngân, Lê Hồng Phong, Hà Huy Tập, Phan Đăng Lưu, Nguyễn Thị Minh Khai, Lê Duẩn...saong yaok pluh urang jakar pakat glaong karei di karja cách mạng bhian hu mbaok dalam rambah rambup glaih glar di bhum taneh “18 palei bein hala” ini. Bruk khởi nghĩa Nam Kỳ di quận Hóc Môn (thun 1940) hu brei mboh bruk anit ranam taneh ia, hatai chiến đấu quật khởi di bhap bini “18 palei bein hala” Hóc Môn – Bà Điểm. 

Dalam hồi ký di drei, ong Hoàng Quốc Việt, Ủy viên Trung ương Đảng meng thun 1936 tal thun 1939 hu vak lac: “taneh bein hala sang ini tapa hu sang deih, oh hu paga pacang, bhap bini  biak siam hatai, oh jak ba hagait bo mikva ba mai ka hội nghị rilo brah, rilo pandap mbang that, hu sang cap hu ikan praong jeng ba mai ka hội nghị, mikva oh thau lac họp hagait, tok di thau lac hội nghị praong di Đảng”.

Mai veik Hóc Môn harei ini, kol drei hu mboh bruk salih barau khang di sa bhum taneh bhian njauk mesruh metak palai pajoa biak trak. Tapen dom jalan katak atau jalan patau randaih, ralo baoh sang ralo tal, daning xây, tauk kiak meriah bhong hu tamuh tagok tapen gauk. Ong Mai Công Tài, Bí thư chi bộ palei Hậu Lân, dahlau daih ngak Phaok akaok Ủy ban bhap bini xã Bà Điểm – urang hu ndih tapui tabiak saong praong tagok di Hóc Môn tapa ralo saman brei thau, Hóc Môn hu salih barau taong abih, taneh pala hala dahlau deih urak ini jeng dom puk palei sầm uất, dom mblang hamu padai harei dahlau urak ini jeng labik patagok di dom dự án bất động sản. Baoh sang saai Nguyễn Văn Tám daok di (23/4 palei Đông Lân, xã Bà Điểm), lac sa dalam takik baoh sang daok khik bruk pala hala di Bà Điểm – Hóc Môn. “Urak ini baoh sang saai hu abih tih 2.500 m2 taneh, hu urang khin blei yaom 10 triệu đồng sa m2, min saai oh pablei, kayua ini lac taneh di ong muk caik veik. 

Oh ta-eng hagait xã Bà Điểm, bo dalam huyện Hóc Môn jeng daok mbeik drei salih barau biak khang. Bruk ngak nông meng 27% di thun 2001 tal urak ini trun daok 14%, salih bahrau tui jalan công nghiệp hóa, hiện đại hóa palei pala, pataom tame salih janih phun pala athur raong, ba ilamu tame rai diuk. Hu oh takik urang nông salih barau rai diuk meng bruk salih janih phun pala, athur raong ini, yau baoh sang ong Phạm Văn Huệ daok di (palei 1, xã Xuân Thới Thượng) salih 6.000 m2 taneh ngak padai piah raong limo ia tasau, limo ralo saong pala njam, mek jien tame hu labaih 100 triệu đồng yaok thun.

Bruk salih barau mbuan mboh abih di Hóc Môn nan lac jalan mbak nao mai. Meyah dahlau daih Hóc Môn tok di hu dom jalan mbak brei ka bruk quân sự, ye urak ini jalan mbak palei pala hu ginup meng palei tal khu phố, ngan saong labaih 758 km jalan; padang labik ngak bruk ka 11 xã saong sa ban sit.

Amuk Văn Thị Bạch Tuyết, akaok Ủy ban bhap bini huyện Hóc Môn brei thau, dom salih barau di Hóc Môn bahrau lac bruk peih akaok di bruk patagok, kayua puk palei ini daok hu biak ralo tiềm năng. Daok gah jalan mbak, hu jalan xuyên Á pambuak meng Campuchia mai ban raya Hồ Chí Minh saong ralo jalan praong nao tapa. Bruk njauk biai nan lac, Hóc Môn lac pabah mbang tame tabiak di khu đô thị Tây Bắc, hu biak rilo taneh riya (jaik 11.000 ha taneh tự nhiên), lagaih ka bruk patagok dom gah kinh tế saong dom khu vực đô thị barau.