CM Bilan 10 ba mai siam mekre ka bhap bini Nga 

Cách mạng Bilan 10 ba mai sron mbon ka bhap bini Nga saong caong khin padang sron mbon, rahra ngak po, samu gauk angaok dunya, palahik abih bruk mesruh metak meblah mek taneh ia. Bruk siam mekre abih di Cách mạng Bilan 10 hu prein diukrai biak ginreih, dui pachreih bhap bini Việt Nam pamaong nao taneh ia Nga saong Cách mạng Bilan 10, oh hu sa prein khang halei pacang truh. Njauk yau Chủ tịch Hồ Chí Minh hu ndom tuk taong yaom ka makna di bruk Cách mạng Bilan 10: “Dreih yau ia harei hadah tanyak, Cách mạng Bilan 10 caroi hadah grauk dunya, pamedeih tagok yaok triệu, triệu menuac njauk kateik greik, njauk meblah mek drap ar angaok baoh taneh. Dalam sajarah anek menuac, oh ka hu bruk cách mạng halei hu makna praong, dalam yau nan”.

Hukum Hamu taneh saong Hukum Sron mbon hu ba tabiak hadei di Cách mạng Bilan 10 hu sap yava dane, khang kadang ngan saong bhap bini di dunya, abih di nyu lac ngan saong dom bangsa njauk kateik greik. Hukum Hamu taneh tabiak adat mek saoh oh bayar jien hagait taong abih hamu taneh di kol địa chủ - quý tộc, mek hamu taneh di tư nhân ngak jeng drap ar di karja saong parabha ka urang nong Nga. Hukum Sron mbon lên án bruk mesruh metak đế quốc daok rah tabiak lac “sa duh sa praong ngan saong anek menuac” saong hu panuac ieu dom taneh ia hu mbaok tame mesruh di abih 2 gah njauk padeih mesruh metak saong ginum biai, mbaoh tangin tame sa “hòa ước dân chủ saong samu gauk, oh blah mek taneh riya saong bayar dom khat lahik meng mesruh metak. Taneh ia Nga tabiak truh bruk mesruh metak đế quốc saong hu panuac caong taneh ia Đức ginum biai, mbaoh tangin tame harak pambuak bruk sron mbon.

Cách mạng Bilan 10 Nga thun 1917 jeng peih tabiak jalan, ba bruk dang tagok di bhap bini Việt Nam tui pui hadah di Cách mạng Nga. Bruk Cách mạng Bilan 10 Nga lac mbang akaok meti dalam sajarah bhap bini meng prein khang di drei pajaleih bruk blah mek drap ar rahra di kol địa chủ haong tư sản, padang tagok karja di dom urang ngak kong kathaot rambah. Hadei di bruk Cách mạng nan, karja Xô-viết hu brei tapa Tuyên ngôn ka quyền lợi di bhap bini njauk urang blah mek drap ar, ndom lac taneh ia Nga lac taneh ia Cộng hòa Xô-Viết, palahik bruk menuac bóc lột menuac, palahik giai cấp bóc lột, kayua kein laba di bhap bini, di urang ngak.

Cách mạng Bilan 10 Nga jak jeng hu caroi hadah ka jalan Cách mạng di dom taneh ia angaok dunya, dalam nan hu Cách mạng Việt Nam. Dalam kalin kan dunya mbang ka 2, Liên Xô jayah phát-xít Đức, Ý, Nhật, hu daong ka menuac sia dunya plaih di bala phát-xít, saong daong palagaih ka Cách mạng Bilan 8 di bhap bini Việt Nam hu jak jeng. Rajaei haong bhap bini Liên Xô tuk halei jeng pachreih tui bruk mesruh metak ka độc lập, tui hatai, sron mbon di bhap bini Việt Nam. Bhap bini Liên Xô hu ba brei ka bhap bini Việt Nam saong bhap bini dom taneh ia dom ilamu biak praong saong pachreih ba bhap bini Việt Nam khang hatai yam tagok. Meng bruk daong abih hatung hatai di Liên Xô, nyaom biai Giơ-ne-vơ hu peih tabiak saong hu jak jeng, bruk mesruh metak kan kandah di Đông Dương kayua thực dân meblah mek taneh ia hu padam abih, sron mbon hu mai veik. Hadei di nan, Rajaei Liên Xô hu brei Urang lambaok tapa Việt Nam, hu daong ka Việt Nam kapal gilai piah pajeng urang jakar haong bộ đội gah Meraong tabiak gah Barak, gam haong dom taneh ia ayut sahabat karei, daong ka bhap bini Việt Nam pasiam dom khut, tayah meng mesruh metak, pasiam veik kinh tế, pakhang sron mbon, hòa bình./.

Urang lang: Ja si -7/11