Piah mek hu jalan patagok kinh te 2 lek taka so, Ban uy Ban raya Ho Chi Minh hu harak pandar dom pakat uy, kapul ndang, karja, Mat tran Negar Viet Nam lac dom kapul chinh tri – xa hoi di ban raya njauk hatai hasa jalan sahaneng yau, kuhria jalan cakrok patagok kinh te 2 lek taka so lac bruk chinh tri hu makna, luac tukvak 2026 – 2030. Urang dang akaok dom pakat uy, jabat, labik ciuk bruk tapak, taong abih ka bruk ngak hu; mek bruk ngak hu ngak asal kadha rilo abih piah taong yaom, dak ramik; bruk oh ngak salah bruk di drei ye brei maong iek, langyah bruk ngak tui adat.

Mentri Padang ngak birau mbaoh harak ngak Mblang kapal haok Thổ Chu, tinh An Giang ba tame quy hoach dom mblang haok dalam negar, kuhria taong abih tih jien buh tame ngak 28.800 tỉ đồng. Mblang ahaok Thổ Chu ngak tui pakat 4C tui tanut chuan di Gah Mblang kapal haok pajeng tuai damuai dunya. Langiu di danak dak mblang ahaok Thổ Chu, tỉnh An Giang urak ini hu dua mblang ahaok dunya urak ini lac Phú Quốc saong Rạch Gía.

Bruk pablei tabiak langiu negar di tih An Giang patui veik taduan bruk cakrok rilo abih dalam tuk darak pasar dunya tagok trun rilo. Tui So Kong Thuong, bilan 4 meng blaoh, yaom kaom pablei tabiak kuhria hu labaih 215 trieu USD, tagok jaik 9% dut saong thun dahlau. Yaom lac darak pasar dalam dunya daok ciuk bruk pambuak meng bruk mesuh metak chinh tri, kateik geik bruk palai pajua saong hatai caong pandar patrun rilo, An Giang jeng taduan dom bruk lagaih siam, abih di nyu nan lac dom kaya ndap nda dalam ia, ngak jeng bruk naih gheih ka bruk kinh te ngoai thuong.

Mbiah tal ini, taong abih Ban raya Đồng Nai padang hu 205 labik pala phun pataom tame hu labaih 305 ribau hecta. Dom bhum taneh pala  pataom sa labik nan lac dom janih phun kong nghiep, phun mbang baoh, njam patam saong padai. Dalam nan, rilo phun kayau hu pala rilo abih dalam negar yau: jaik 288 ribau hecta phun cao su, labaih 175 ribau hecta pa-ok blait…Ini lac lagaih piah Dong Nai pachreih urang buh jien tame ngak nong pagam haong bruk patagok ngak nong kong nghe glong.

Raya adat Raok Ikan Ong thun 2026 bahrau hu peih ngak di Ban raya Can Tho. Yaok thun, meng harei 21 tal 23 bilan 3 saka ia bulan, mikva nao tasik Trần Đề gilac peih Raya Adat Raok Ikan Ong. Raya hu adat raok Ikan Ong di angaok tasik hu rilo gilai hu ngak gheih mekre saong adat paling tui adat cambat tanarakun di Kalan Ông Nam Hải ngan haong dom adat da-a Po Amuk, paling yang Chánh tế, paling Tiền vãng, adat Toon vương… Ini oh lac bimngun piah pahadar, thau phol dhar ka yang sraong daong di tasik praong blaoh daok lac sa bingun piah bhap bini gam haong gauk lang kar likau ka bhap bini negar sron mbon salamat, ginup meda, siam langik tasik lagaih.

Nyaom roya pakat glong ASEAN mbang ka 48 daok peih ngak di Sebu, Philippines. Tong thong Ferdinand Marcos iew brei jum pataom gauk di dom urang ngak praong dalam ASEAN langyah 3 bruk praong samar. Dalam nan brei daong bruk kham merat  khik tani tanat an ninh padai brah hu tuk klaik klaoh dalam pablei salih saong pajeng ba gaok kan kandah kayua pacang jalan eo tathik Hormuz ba tal yaom xang menyek  saong bruk pabak  padai brah, njauk ndem tal khak drak saong hadei di nan lac bruk daong bhap bini.

Jabat ngak nong Thai Lan hu patagok bruk pasang iek dom sang mac jamraik papaok durian di Chanthaburi hadei tuk mboh 1,4 tan durian oh ka tasak atau druh baoh. Bruk ini rah tabiak dalam tuk Thai Lan daok kham merat pacang khik asar siam saong angan je baoh durian di negar ini. Dom urang jakar kakei caga dom po bein meya mboh durian oh ka tasak mbang ka dua, harak mbaoh tangin brei ngak di dom urang nan njauk brei padeih dang tal 90 harei, pakauk dom urang nan pala durian piah pablei tabiak.

Toa an Thuong mai Mỹ ba tabiak panuac pacang jien je di dunya 10% dalam 150 harei di Tong thong Donald Trump. Panuac nan hu iek yau sa hukum praong ngan haong bruk pablei salih praong atah dhua bo Tong thong My Donald Trump tui ngak di vaktu ngak bruk ka 2 di ong. Toa an Thuong mai Mỹ sahaneng lac bruk kuhria jien je abih dom kaya pablei tame meng negar langiu di rilo taneh ia oh kuhria tui adat bo Nha Trang ba tabiak.