Binh Thuan lac sa pasak pala thanh long hu angan je di VN

Ong Đinh Hữu Phí- Akaok Cục Sở hữu trí tuệ (Mintri Khoa học song công nghệ) brei thau, pandap hu tacei pato địa lý hu khik caga di Japon meda hu rilo urang pandar di pak nan caik hatai jia song hu yaom pablei glong jang  dut haong  pandap oh hu khik caga di Japon. Kayua yau nan ye, ni lac bruk prong dalam tuk ba thanh long tame Japon, saong peih jalan jhul patagok bruk khik caga tacei pato địa lý ka dom kaya nong karei  di  Việt Nam di drak pasa kan tame ni .

  Tut angan khik caga tacei pato địa lý bloh, min ngak yau habar piah khik kajap chất lượng song asal di pandap, patagok khang kajap….kayua oh lac pandap halei hadei di tuk tut angan khik caga bloh jeng  patagok hu  yaom glaong . Bruk ni nyu pagam pambak tame bruk khik ramik, peih ngak di palei nan …

Yau nan, bruk thanh long Bình Thuận hu tut angan khik caga tacei pato  địa lý jak jeng di Japon, bahrau lac bruk camereip peih jalan meriak gauk ka thanh long Bình Thuận di drak pasa Japon. Brei hu biak rilo kham merat meng rilo gah, rilo pakat, mintri piah ka thanh long Bình Thuận khik kajap hu drak pasa kan tame ni, saong peih prong jang labik dang di drei  .

Anak meta, piah jhul khang bruk pala, ngak, pablei tabiak negar langui thanh long, anak tal, tỉnh Bình Thuận jhul khang bruk pathau khan, yaih khan tacei pato địa lý piah paglong angan je, yaom glaong ka thanh long Bình Thuận. Gam haong nan, peih dom mbang ginum biai,pato pasram, paglaong ilamu ka urang nong, doanh nghiệp thanh long ka bruk pala, ngak, sơ chế, tame kadung thanh long tui tanut chuẩn VietGAP, GlobalGAP; patagok bruk khik ramik quy hoạch bhum pala thanh long

Bruk hu Japon brei harak tut angan tacei pato  địa lý, tui kuhria mboh di dom chuyên gia lac hu makna biak prong, brei mboh angan je di  Thanh long Bình Thuận, gam haong nan, peih tabiak rilo jalan bahrau ka bruk pablei tabiak negar langui, pablei boh Thanh long Bình Thuận di rilo drak pasa karei di gauk , abih di nyu nan lac dom drak pasa kan tame … Meng nan jeng brei mboh labik dang di sở hữu trí tuệ, hu mong lac jalan dong ka dom pandap panda Việt Nam hu pren khang meriak gauk song pablei tabiak negar langui. Ong Tạ Quang Minh- Viện trưởng Viện Khoa học sở hữu trí tuệ (Mintri khoa học song  công nghệ) lac:

Bruk tut angan di negar langui biak hu yaom glaong piah khik caga  drak pasa di kol drei  di negar langui . Bruk anak tal lac njauk dong,, tacei pato song dong ka dom  palei hu pandap đặc sản ngak harak gar tut angan sở hữu trí tuệ oh lac dalam negar bo hu gam dom taneh ia lac drak pasa praong.

Jeng dok rilo bruk njauk ngak , rilo kan kandah brei yam tapa, min meng bruk boh vải, thanh long Bình Thuận hu khik caga tacei pato địa lý di Japon, jia lac dalam tuk vak anak tal, kaya nong Việt Nam meda hu rilo ilamu, piah  hu rilo jang pandap panda mek hu jak jeng yau boh thanh long ngak hu di Japon, Hàn Quốc, châu Âu, Mỹ, Australia song rilo taneh ia karei angaok dunya./.

Urang lang: Hanipha- 12/10