Dom menuac diukrai meng bruk peih radaih kua, pablei vé số... lac dom menuac gaok kan kandah, urak ni daok kan kandah jang

Hu 15 thun ngak bruk peih xe ôm, oh ka tuk halei ong Phạm Cương (daok di phường Phú Tài, ban Phan Thiết) mboh oh hu tuai yau urak ni. Dalau di tuk rahtabiak jit ruak, yaok harei ong duac labaih 15 mbang radaih, duah hu meng 250.000 – 300.000 đồng sa harei. Min urak ni, menuac sia takik nao mai, pablei salih, nan ye yaok harei ong nduac hu dom mbang min, kaoh abih jien xăng daok ka oh tal 100.000 đồng. Min ong Cương jeng tagok internet duah jalan, tame dom kapul nyaom, duah labik halei daok duah shipper. Urak ni, yaok harei ong jeng ship hu 3 - 4 đơn hàng. Hadei di tuk kaoh abih jien buh tabiak, ong jeng hu labaih 80.000 - 100.000 đồng.

Daok saai Trần Thị Hồng (daok di phường Đức Nghĩa, ban Phan Thiết) ye jaik 3 adit ni mai sang haong paok vé số ka oh pablei hu mateh. Saai brei thau, dahlau dieh, yaok harei pablei hu labaih 200 blah min urak ni, meng maong 6 mesup tal maong 3 bier harei, pablei 100 blah vé số gaok mai oh pablei hu abih. Saai meng saneng duah jalan, pablei veik dom pandap mbang yau ye ritak lo, mbaoh vak tuh, dom janih baoh laok blaoh pablei ka tuai nao main melam.

Lingiu di bruk sahneng duah bruk ngak piah lagaih haong tukvak jit ruak daok rahtabiak sarau kadhau, rilo urang ngak bruk tự do daok thau paglaong akaok saneng jang dalam bruk pacang caga jit ruak. Saai Hồng pablei vé số brei thau lac tuk halei jeng cuk pataih pacang mbaok saong khik paatah haong urang blei. Saai jeng blei ia rao tangin piah pametai anek ruak di tangin. Daok ong Phạm Cương ye tuk hu tuai ong jeng sua tangi cambaih laih lac mai meng halei, saong tuk halei jeng cuk pataih pacang mbaok. Ong saneng lac mayah oh ngak catang, jit ruak tamuh tabiak di pak ni meda ngak brei bruk ngak mbang dak harei dak kan kandah jang.

4 mbang jit praong Covid-19 tamuh tabiak lac dom mbang bruk daong, klaak rabha hu mai tal dom urang gaok kan kandah. Tui jalan ngak lac “oh caik ka urang halei njauk klaak veik gah likuk” tuk halei jeng hu dom kapul nyaom dalam tỉnh Bình Thuận jeng yau dom urang ngak pahla ba gauk tame daong. Tui Kapul urang kumei ban Phan Thiết, tal urak ni kapul jak ba hu labaih 12 tỷ đồng piah daong dom paok pandap saong jien mbaok ka dom kapul ngak bruk pacang caga jit saong bhap bini gaok kan kandah kayua jit Covid-19.

Ngan haong tỉnh, tui yaok pataom meng Sở Lao động Thương binh saong Xã hội Bình Thuận, urak ni hu buh tabiak 19 tỷ 800 triệu đồng piah daong ka 19.800 urang lac manuac naong pandap pablei, menuac pablei salih sit sot, urang pataom mek hareik, phế liệu; cakaong pandap, urang peih radaih xe ôm – xích lô; sang eng drei ngak atau ngak bruk di dom labik pablei salih pandap mbang menyum, sangka prein yava, du lịch… tui sarak 42 thun 2020 di rajaei piah daong klah rabha kan kandah dalam dom mbang jit Covid-19 dalam tukvak tapa. Bruk klah rabha, daong prein ni meda daong ka dom urang gaok kan kandah, urang ngak bruk tự do yam tapa dom kan kandah, yam tagok dalam raidiuk./.

Urang lang: Thu Thảo – 16/06