Urang lin nao pasang iek tapen jalan krong dalam tỉnh 

Tui Công an tỉnh An Giang,  meng panuac khan di bhap bini ieu tal jalan talei pandiak  di  Công an tỉnh, mban Yam ndoc  công an tỉnh hu tacei pato kapul pacang caga pablei salih  suan hukum di  tỉnh chap hu rilo mbang pajeng ba pandap panda oh thau asar di nyu hu yaom jien biak praong .Harei 19/11 meng bloh, Kapul pacang buôn lậu rilo gah di tỉnh An Giang chap hu sa sruh gaiy kayau  pajeng biak rilo hóa chất song tapung  patau hu asar meng negar langiu oh thau cambaih meng halei mai, abih pandap nan yaom labaih  2,6 tỷ đồng. Dahlau di nan sa harei, Kapul ngak bruk pambuak song Đồn biên phòng jalan tapen negar  Long Bình nao pasang iek di  huyện tapen negar An Phú, mboh gaiy kayau pajeng labaih 60 tấn pandap oh thua asar di nyu , oh hu harak gar hagait. Đại tá Đinh Văn Nơi, Yam ndoc Công an tỉnh An Giang brei thau:

“Urak ni, jalan tapen negar tani tanat jang dalam tỉnh, kayua dahlau di nan , drei tok pataom tame jalan tapen negar , padang dom chuyên án, mesruh pacang kol đầu nậu. Dom urang pal akaok, đầu nậu  hu chap khik abih paje, urak ni drei pataom tame pasang iek meng jalan tapen negar tal dalam tỉnh; dom labik mek pandap pablei salih suan hukum mai pablei jeng njauk ba tabiak kaoh tui hukum taong abih ”.

Ong Huỳnh Ngọc Hồ, Phó akaok Cục iek gah Cục khik ramik drak pasa tỉnh brei thau, bruk pambuak gauk catang, samu gauk di dom gah hu patagok pren khang song siam lagaih dalam bruk mesruh pacang buôn lậu, blei saleik dalam  pablei salih song pandap ja, abih di nyu nan lac di dom labik prong , labik tapen jalan negar. Tapa nan, bruk buôn  lậu di tapen negar song dalam tỉnh sa binah halei hu pacang veik. Meng akaok thun  2021 tal ni, hu mboh saong chap mek jiak  4.500 mbang pablei salih suan hukum, pajeng ba pandap pakauk, bleik saleik dalam pablei salih, pambuak tal jiak  170 urang ; abih tih yaom pandap jiak 11 tỷ đồng.

  Tui mban tacei jalan  389 tỉnh An Giang, bruk buôn lậu saradang, pakao hala… tapa jalan negar  yaom lac trun rilo, min kayua laba, jeng daok hu menuac dok duah jalan pajeng tame Việt Nam. Abih di nyu nan lac, tuk vak jiak di ni tamuh tabiak jalan blei saleik bahrau , kol buôn lậu pandar harak gar hải quan di doanh nghiệp hu ngak salah adat blei saradang di Campuchia piah caong tapa mbaok gah  chức năng pasang iek, chap mek. Di dom puk palei, labik tapen negar, dom công ty, doanh nghiệp tư nhân, sang pablei salih… pandar saradang lậu nan piah ngak saradang lahun, saradang  thốt nốt...ngak kan kandah ka gah chức năng dalam bruk duah thau, chap mek. Đại tá, Lý Kế Tùng, Phó chỉ huy trưởng Bộ đội Biên phòng An Giang brei thau.

“Saradang lakhun oh lac saradang lậu, nan ye dom urang ni pandar saradang lậu piah riak  tabiak saradang lakhun, bo riak  di Campuchia. Kreih krong lac jalan tapen negar, kol nyu pajeng di tuk melam. Tuk mboh min suai hasit, saradang hu ba tame  gilang khik piah  lac hu harak  gar, oh mek hu kayua hóa đơn xoay vòng”.

Tui mban tacei jalan  389 tỉnh An Giang, bruk pablei salih lậu saradang, pakao hala… tapa jalan tapen negar trun rilo min kayua  laba, kol nyu dok duah jalan pajeng mai  Việt Nam. Abih di nyu nan lac , tuk vak jiak di ni tamuh tabiak rilo bruk bleik saleik bahrau, kol buôn lậu pandar harak gar hải quan di doanh nghiệp hu ngak salah adat brei blei saradang di  Campuchia piah pacang mbaok tuk dom gah chức năng pasang iek chap mek.

Tui kuhria mboh di gah  chức năng, bruk pandap lậu, pandap oh siam, pandap mblah tui, oh khik hu hacih saat pandap mbang … meda tagok rilo di tuk puac thun. Kayua yau nan ye gah chức năng song dom puk palei dalam tỉnh brei khik iek labik di drei, khang hatai langyah bruk ngak suan, oh caik brei tamuh tabiak dom jalan talei, labik pandiak ka bruk buôn lậu, bleik saleik dalam pablei salih song pandap ja./.

Urang lang: Hanipha -3/12