Di dom labik hu rilo urang bangsa daok, karja ban raya Hồ Chí Minh hu dom danak dak sangka iek glang abih janih ka bhap bini dom bangsa. Yau ye mikva Cam daok di phường 17, quận Bình Thạnh. Karja ban raya hu daong ka labaih 30 baoh sang Cam gam haong labaih 270 urang daok di Chung cư 86/1 Phan Văn Hưng saong caik tabiak 2 baoh sang di Chung cư ngak Surao ka mikva Sambahyang tui agama Islam di drei. Taphia nan, daok ba anek kamuan urang Cam tame ngak bruk di dom labik sản xuất công nghiệp, tiểu thủ công nghiệp dalam ban raya, ba dom sang kan kandah tame danak dak “Patruh eik patrun kathaot” di puk palei, daong ka mikva yam tagok tani tanat raidiuk. Ong Za Kớp, daok di Chung cư 86/1 Phan Văn Hưng, phường 17, quận Bình Thạnh lac:

Dreih yau bhap bini urang Cam, mikva urang Khmer jeng hu mbaok meng livik saman di ban raya. Mikva urang Khmer rilo meng tui agama Phật giáo Nam tông saong bhian pataom gauk ngak adat di dua baoh baha nan lac: baha Chandarangsay daok di Quận 3 saong baha Podhivong daok di Quận Tân Bình. Yaok thun, mikva Khmer hu peih ngak dom rija roya meng kan di drei yau: Chôl Chnăm Thmây saong Sen Đôn-ta… Tukvak tapa, karja ban raya biak caik hatai sangka tal raidiuk mikva, abih di nyu nan lac iek glang gah bac da-a, paglaong akaok sahneng ka bhap bini bangsa. Ta-eng thun bac 2013-2014, hu labaih 700 anek saih Cam, anek saih Khmer hu miễn jien bac abih tih labaih 534 triệu đồng. Ndom ka bruk sangka di karja ban raya brei ka anek bhik di drei, sa-ai Hứa Sa Ni, bangsa Khmer daok di Quận 2, ban raya Hồ Chí Minh chreih chrai lac: Labik dahlak daok, karja biak sangka, harei rija roya di urang Khmer ye karja hu mai rivang, tadhau ayuh saong brei pandap. Yaom lac pandap oh rilo min tapa nan nyu pachreih ba biak rilo ngan saong kol dahlak.)

Bhap bini urang Hoa hu rilo menuac di abih dalam dom bangsa takik daok dalam ban raya. Urang pambuak haong gauk tapa dom Hội quán. Urak ini dalam ban raya hu 14 Hội quán. Tapa dom bruk ngak di mban Quản trị Hội quán, yaok thun jak ba hu yaok tỉ đồng brei ka dom bruk ngak pahla, daong ka dom bruk ilamu, pato megru di urang Hoa. Ong Huỳnh Hải – urang bangsa  Hoa daok di Quận Thủ Đức brei thau: Ban raya biak sangka tal bruk jum pataom bangsa, hu sarak brei ka bangsa takik. Tukvak tapa, bruk kinh tế - chính trị - xã hội di ban raya hu patagok mboh di anak meta.)

Ban raya Hồ Chí Minh lac labik hu 51 bangsa takik, hu labaih 437ribau menuac, samu 6,10% menuac sia ban raya, dalam nan 3 bangsa Cam, Hoa, Khmer hu rilo di abih. Tukvak tapa, bhap bini dom bangsa daok dalam ban raya hu mesraiy phun jien, hu pato bruk ngak, ba brei bruk ngak, miễn giảm jien bac, bảo hiểm y tế. Tal puac thun 2013, ban raya hu labaih 7 ribau 900 sang urang bangsa takik tabiak truh kan kathaot tui tanut bahrau; labaih 1 ribau 700 urang hu brei bruk ngak tani tanat. 5 thun tapa, dom pakat karja ban raya hu daong ka dom sang kan kandah, sang sarak karja lac bhap bini bangsa takik dalam dom harei rija, roya saong yaom jien abih tih labaih 6 tỷ 600 triệu đồng.

Piah daong ka bhap bini dom bangsa takik hu patagok khang kajap jang, anak tal, ban raya Hồ Chí Minh brei jhul pakhang jang bruk patrun kathaot, patagok baoh sang mbiah ginup tui tanut bahrau. Patagok bruk pato bruk ngak ka mikva , abih di nyu nan lac ka urang kumei. Ndom ka bruk ini, ong Ngô Văn Triển – akaok mban Bangsa ban raya Hồ Chí Minh lac:Anak tal ban raya HCM pataom tame ngak dom bruk yau ini: Ka sa lacc paglaong raidiuk di bhap bini tui jalan duah brei bruk ngak, khik kajap an sinh xã hội. Ka dua lac khik ramik saong patagok ilamu meng kan di yaok bangsa. Ka klau lac patagok pren khang dalam bhap bini bangsa takik. Ka pak lac pasiam saong padang ngak dom cơ sở tín ngưỡng tôn giáo jeng yau dom cơ sở cách mạng dahlau deih piah daong pato pakai ilamu meng kan ka dam dara bangsa takik)

Meng kham merat di drei gam saong bruk daong brei di karja palei, raidiuk di urang bangsa takik di ban raya HCM dak harei dak patagok. Meng dom bruk ngak hu di yaok gah, mikva urang bangsa takik di ban  raya HCM khang takai yam tame thun bahrau, rik pren haong pakat Đảng, Karja dak padang ban raya HCM dak harei dak cakrok, patagok, hiện đại, văn minh, ndung bak hatai anit ranam./.