Mai rivang mikva Chăm palei 3, ban ist Ma Lâm, huyện Hàm Thuận Bắc, tỉnh Bình Thuận dalam dom harei ini, kol drei yau hu daok dalam chreih chrai di harei kate kayua sap gi năng lai tame sap Saranai, sap Baranưng tuk biar tuk glaong. Tui nan, lac dom ragu tamia di dom kumei dara, likei dam Cam. Bruk pasram megru di kapul doah tamia palei Chăm ini hu meng labaih sa adit ini mai, yaom lac jar var saong bruk hamu puh, bac daa, min dom likei dam, kamei dara chăm ini jeng caik hasit tukvak piah hu mbaok tame pasram megru. Ong Thông Khói – akaok palei 3, ban sit Ma Lâm, huyện Hàm Thuận Bắc, tỉnh Bình Thuận brei thau, jaik 10 thun ini mai, thun halei jeng yau nan, jaik tal  kate ye mikva dalam palei chreih chrai tagok. Kayua mikva chăm labik ini hu peih ngak kate di bimaong Po Sah Ine, daok di phường Phú Hài, ban Phan Thiết. Ong Khói daok brei thau lac: 

Sap Chăm:

Langiu bimaong Po Sah Ine, Katê daok rah tabiak di ralo labik dalam tỉnh Bình Thuận yau bimaong Po Nít di palei Bình Hiếu, xã Phan Hiệp, bimaong Po Klong Mơnai di palei Lương Bình, ban sit Lương Sơn, huyện Bắc Bình saong abih di nyu nan lac di pasak parang iek ilamu Chăm Bình tHuận.

Piah ba chreih chrai bui sambai, pamơrơ tuai damuai mai maong iek saong bhap bini dalam palei mai me-in sambai tuk kate, pasak parang iek ilamu chăm Bình Thuận hu peih ngak iek bruk menyim saong ngak lan am; pakacah ngak har naong laya saong trang trí pandap paling yang harei kate; pakacah hòa tấu alat ragam chăm. Lingiu di nan, pasak daok hu pambuak bruk saong Hội văn học nghệ thuật tỉnh Bình Thuận peih parang iek jaik 60 blah rup cih, rup thaot, rup patau ka ilamu chăm ngan saong kadha “hội tụ sắc màu chăm”. Pamơrơ bhap bini mai maong iek di tuk kate dalam 10 harei (meng harei 12/10 tal harei 21/10/2015). Ong Lâm tấn Bình – Giám đốc pasak parang iek ilamu chăm Bình Thuận brei thau:

Sap Chăm:

Bruk chreih chrai uan raok kate di Bình Thuận oh lac di labik bimaong, pasak parang iek ilamu chăm bo daok mboh tal yaok puk palei, yaok baoh sang mikva chăm. Amuk Đơn Thị Tang – sa urang chăm praong thun daok di palei lan am Bình Đức, xã Phan Hiệp, huyện Bắc Bình, tỉnh Bình Thuận daok jar var saong bruk kuhria caga dom pandap piah ngak har ka harei kate. Amuk brei thau, dalam harei kate, sang oh kurang hu dom pandap yau: drei manuk, talam lisei, ia bai, sara lange, pei nung saong baoh kayau. Langiu di nan daok hu alak, baoh menuk, hala paneng, xôi, bu.

Sap Chăm:

Daok sang saai Lâm Lư Bảo Trâm daok di palei Lạc Trị, xã Phú lạc, huyện Tuy Phong, tỉnh Bình Thuận jeng daok jar var kuhria caga yaok janih piah raok kate. Saai Trâm chreih chrai lac:

sap Chăm:

Oh sambai habar jeng tuk bo rai diuk di bhap bini chăm dak harei dak kaya meda, mbaok meta palei chăm dak harei dak hadah hadai. Hu yau ini meng hu bruk sangka di Đảng saong karja gam saong bruk kham merat yam tagok di bhap bini Chăm.

Kate oh lac tuk piah ka urang chăm mai pataom gauk di sang, di palei bo ini daok lac tuk piah ka yaok ribau tuai du lịch dalam saong langiu taneh ia mai duah thau dom ilamu hadah krah dalam harei ka te di urang chăm. Kate thun ini dak hu makna jang tuk nyu rah tabiak dalam tuk pahadar 20 thun harei du lịch Bình Thuận (24/10/1995 – 24/10/2015) saong salam uan nyaom roya đảng bộ tỉnh Bình Thuận mbang ka XIII tukvak 2015 – 2020./.