Harak Công văn di mintri Pato Megru brei thau, kayua jit praong COVID-19 haong dom mbang bala meng lagik tasik, ribuk ia sua di rilo tỉnh ban, piah daong klah rabha, trun meneing naong trak jien padai ka amaik ame, anek saih, sinh viên, Mintri Pato Megru ieu khik tani tanat yaom jien bac dalam thun bac 2021-2022 piah trun meneing naong trak jien padai bo urang bac daok ndoa naong. Gam haong nan, Mintri Pato Megru hu pok tagok Rajaei pasang iek, patabiak sarak bahrau piah salih ka sarak 86 - thun 2015 ka bruk mek, khik ramik jien bac ngan haong dom labik dalam gah pato pakai di bhap bini dalam taneh ia haong sarak miễn, giảm jien bac, daong jien bac da-a meng thun bac 2015-2016 tal thun bac 2020-2021. Tui kuhria, sarak ini hu tabiak dalam bilan 8 thun 2021, saong hu ba tame pandar dalam thun bac tal. Dalam nan meda patabiak yaom jien bac di dom labik pato pakai di karja tui jalan khik tani tanat.

Min tukvak tapa, tui panuac khan di bhap bini, jeng daok hu dom tỉnh, ban, labik pato pakai tagok yaom jien bac, mek dom janih jien lingiu quy định dalam tuk raidiuk bhap bini gaok kan kandah. Mintri Pato Megru daok hu panuac ieu dom mintri, dom gah, dom tỉnh ban haong dom labik pato pakai peih ngak chip dom bruk di anak meta. Tui nan, ieu dom mintri, dom gah, dom tỉnh ban, dom labik pato pakai samar pasang iek, peih bruk pato bac ka nyu lagaih, khik kajap chất lượng saong cakak trun dom janih jien piah patrun bruk mek dom janih jien daong ka bruk pato, megru saong khik tani tanat yaom jien bac di thun bac 2021-2022 yau yaom jien bac di thun bac 2020-2021 hu patabiak blaoh.

Daok bruk peih pato bac online, Mintri ieu dom tỉnh, ban haong labik pato pakai, njauk iek tui dom văn bản pháp lý hu tabiak blaoh piah kuhri kuhria, ba tabiak yaom jien mek tame ka nyu lagaih, tui jalan klah rabha kan kandah di labik pato bac haong amaik ame anek saih dalam tuk jit ruak saong brei tantu, cambaih laih.

Lingiu dom sarak miễn, giảm jien bac, daong jien bac da-a tui sarak di Karja, dom tỉnh, ban daok hu tacei pato dom labik pato bac, hu panuac ieu pataom, jak ba dom prein khang dalam rahra piah hu dom sarak daong pabak yau: miễn, giảm, dui atah tukvak đóng jien bac saong dom janih jien daong bruk pato – megru ka dom anek saih, sinh viên haong sang kan kandah dalam thun bac 2021-2022./.

Urang lang: M.Phuong -21/08/2021