Pak Mường Và, pajaih “ndiuk tan” hu mikva urang Thái pala meng dom rai ini mai , sang halei jeng hu. Abih di nyu nan lac, dalam rija Khẩu Hó saong Xên Mường lac dua rija praong di bhap bini labik ini oh kurang hu salao ndiuk tahaneh meng brah “ndiuk tan” nan. Sa-ai Lò Văn Chiến urang daok di palei Mường Và, xã Mường Và  lac:

“ Ndiuk tan di palei drei hu meng lavik mai, praong tagok dahlak mboh dom ong ong muk muk caik veik pajaih ini ye. Tuk palih ruah phun pajaih brei palih ruah phun praong, siam hala siam dhar  piah veik. Palih ruah phun praong,  siam dhar ngak pajaih yau nan mbuan tamuh khang kajap, brei rilo ndiuk”

Ndiuk tan Mường Và hu mikva iew lac tan Hin, tan Nhe, tan Lo. Dom pajaih ini asar praong, atah. Tuh tahaneh ndiuk tathak pahe, caik dua klau harei bo ndiuk oh khang, daok laman pahe bingi. Ndiuk tan Mường Và brei drak di bilan 6, bilan 7 yaok thun, yuak mek di bilan 10, bilan 11. Bruk pala ndiuk tan brei ngak tani tanat, li-ua kakaik hamu, tram pambu hamu meng 1 tal 2 bilan meng drak. Tuk tam brei tam lapih kayua phun ndiuk tamuh biak siam, hu rilo dhar. Sa-ai Lò Văn Chiến daok brei thau lac:

“Tam oh tapak talei bo tam yau Yuan lac so le. So le phun ini haong phun deih, bhian di nyu atah meng 20 tal 25cm yaok mbu

Bhian di nyu 1 hecta mek hu 5 tấn ndiuk Mường Và, ngan saong 3,5 tấn brah ndiuk. Yaom lac ndiuk tan Mường Và chất lượng glaong, pahe bingi yau nan, min mikva tok pala piah mbang dalam sang saong piah alin ka gauk gar adei sa-ai, sahabat. Meng thun 1989-1990, asar ndiuk tan di palei ini oh daok tamo siam kayua mikva jak gauk pala pajaih ndiuk 87 hu năng suất 8-9 tấn sa hecta, glaong jang jaik dua mbang dut saong ndiuk tan di palei.

Anak bruk nan, meng thun 2014, Sở Ilamu công nghệ tỉnh Sơn La, huyện Sốp Cộp saong xã Mường Và hu peih ngak danak dak “ Khik ramik saong cak rok patagok padai đặc sản ndiuk tan Hin, tan Nhe”. Bruk ngak piah pala veik pajaih ndiuk tan đặc sản Mường Và, ba ndiuk tan jeng pandap pablei salih saong urang ngak nong duah hu jien tame. Bruk peih praong darak pablei pandap hu pambuak bruk blei tame di dom doanh nghiep, HTX ngak nong. Thun 2014, danak dak hu peih ngak di 70 hecta dalam palei Mường Và, thun 2015 hu 70 hecta tra di 5 palei karei , kham merat meng 1 tal 2 thun tra pala hu 200 hecta di xã. Ong Quàng Văn Bạt, Bí thư Đảng ủy xã Mường Và brei thau:

Băng:.

“ Piah ndiuk tan jeng pandap pablei salih, Đảng ủy hu sarak tacei pato dom puk palei pala rilo janih ndiuk tan ini,  tal vụ mùa brei pala ndiuk tan abih.  Bloh tacei pato mikva jalan pala piah mek hu ralo ndiuk siam, njauk angan lac ndiuk tan xã Mường Và”

Nền nhạc Thái.......................

          Danak dak “ Khik ramik saong cak rok patagok pajaih ndiuk tan Hin, tan Nhe’ Mường Và hu jak jeng meda daong urang ngak nong duah jien tame, patruh eik patrun kathaot  angaok mblang hamu di drei. Yau nan, ndiuk tan Mường Và di palei hu jalan piah jeng sa dalam dom pandap bingi pahe takik labik halei hu yau nan piah yaih khan tal ayut sahabat tah jiak tuk mai tal bhum taneh daok taphia negar ini./.