Tui bruk iek ruak ngak pahla song iek glang pren yava ka bhap bini thun 2014 di mintri y tế, dalam 2 harei, harei 20 saong harei 21/12,  sang iek ruak C Đà Nẵng hu brei 40 urang jakar, nhân viên, dalam nan hu 16 bác sỹ chuyên khoa ba tui dom jamriak bahrau mai siêu âm, điện tim hu mai tal dom puk palei bhum ceik 2 huyện Sơn Hà song Trà Bồng, tỉnh Quảng Ngãi iek ruak song brei jru saoh ka mik va. Kadha vak di urang vak Hoài Nam dok di gah kreih negar.  

Barak liar di bhum ceik tỉnh Quảng Ngãi oh pacang hu menuac urang nao tal dom labik iek ruak, brei jru saoh. Saai Đinh Thị Thê, bangsa H’rê dok di palei Ghè, xã Sơn Linh, huyện Sơn Hà tangin pok anek drei nao iek ruak. Anek prong 4 thun njauk ruak baoh hatai bẩm sinh, anek sit 20 bilan ruak viêm phổi. Sang kan kathaot oh hu jien ba anek nao sang iek ruak nan harei halei Thê jeng pok anek tabiak bilai Y tế xã likau jru mai menyum. Hu thau kapul bác sỹ sang iek ruak C Đà Nẵng mai tal palei iek ruak song brei jru saoh, Saai Đinh Thị Thê biak uan tabuan:

Dom harei ni mehit kapul mai dok cang miat, sabuh medeih pok anek tabiak bilai y tế xã cang piah hu iek ruak dahlau bloh mai sang nao ngak.

Atah di ni meteh bilan, bhap bini H’rê, Cor di dom puk palei bhum ceik di 2 huyện Sơn Hà song Trà Bồng taduan hu harak daa lac hu kapul bác sỹ sang iek ruak C Đà Nẵng mai iek ruak, brei jru saoh. Rilo urang daok cang mong. Ong Hồ Chí Thanh daok di xã Trà Sơn, huyện Trà Bồng brei thau, dom harei ni barak liar ngak pandik cambaoh rup pabhap. Urak ni kapul BS iek bloh meng thau lac ruak thoái hóa khớp.

Bác sỹ  kakei jru ni brei menyum njauk tui tacei pato, meyah oh cadu ye mai  iek ruak veik. Mboh đảng song karja biak sangka tal khol hulin.

Bilan ni, mik va di dom huyện bhum ceik tỉnh Quảng Ngãi bhian njauk ruak cúm, viêm jalan suak yava, viêm dhung, viêm xoang. Dua huyện Sơn Hà song Trà Bồng, boh sang kan kathaot hu labaih 70% . Dom bilai y tế xã dok kurang cơ sở vật chất, jamriak, pandap panda nan ye nan ye bruk iek ruak ka bhap bini gaok rilo kan kandah.

Bruk iek ruak ngak pahla song iek glang pren yava ka bhap bini thun 2014 di mintri y tế hu angan ieu lac “Jak gauk ba pren tame ngak kayua pren yava di bhap bini” hu peih ngak dalam 2 bilan 11 song 12/2014 di 69 huyện kan kathaot dalam taneh ia. Tui nan yaok huyện hu 1000 urang hu iek ruak, tacei jalan iek glang pren yava, brei saoh jru. Sang iek ruak C Đà Nẵng lac sa dalam dom labik vị hu mintri y tế brei bruk iek ruak, brei jru ka bhap bini daok di 2 huyện bhum ceik tỉnh Quảng Ngãi. Amuk Nguyễn Tường Vân, Akaok sang iek ruak C Đà Nẵng brei thau:

Mbang ni abih gauk dalam sang iek ruak hu ba tangin tame. Khol hulin hu caga biak rilo janih jru tavao piah iek ruak ka bhap bini. Urang jarka y tế oh cang dom urang ruak kik mai tal labik drei bo drei njauk nao tal bhap bini. Adei saai biak chreih chrai halan hatian hu mbaok tame. Mong mboh mbaok meta bui sambai di bhap bini tuk  tangin pan bọc jru, kol dahlak mboh biak  haniem phol).       

Thaot binguk dom blah aow blouse patih di dom y, bác sỹ sang iek ruak C Đà Nẵng pablak dalam rilo menuac urang dalam lingik barak liar jhung thun hu caik veik dom thaot binguk biak mekre dalam hatung hatai di bhap bini dom bangsa takik daok di bhum ceik glong tỉnh Quảng Ngãi./.