Prong tagok meng boh sang urang nong kan kathaot, Nguyễn Đăng Chiến (ndih tapui thun 1985) palei di xã  Quang Thành, huyện Yên Thành, tỉnh Nghệ An kham merat yam tapa kan kandah, patagok bruk ngak mbang hu kein laba pak di angaok bhum palei di drei. Urang vak Nguyễn Hiền hu kadha vak ndom tal kreih camin urang likei ni.

Bac tamat THPT, Nguyễn Đăng Chiến padeih bac, nao ngak bruk di negar lingiu song hatai cong hu rai duik siam mekre jang. Hadei di 2 thun gleih glar ngak bruk di negar langiu min jien duah hu oh yau hatai khin, Nguyễn Đăng Chiến mai veik palei padang mbang ngui. Quang Thành lac xã gam hu taneh samu gam hu ceik glaong, lagaih piah patagok bruk ngak glai hu saai Chiến palih ruah piah padang mbang ngui. Thun 2003, Chiến taduan khik iek 38 ha glai tạp, rong palao 3 yau limo. Hadei di nan, Nguyễn Đăng Chiến mboh lac ngak yau nan oh patagok hu kein laba di taneh, piah ngak hu siam jang, saai tame tal pasram ilamu pala glai, kham merat duah dom labik daong, duah mesraiy jien piah peih prong taneh. Hu bruk pachreih ba, tacei pato di kapul dam dara xã, huyện, Chiến padang dự án mesraiy jien di gilang pariak sarak karja song meng Dự án “Kadung jien negar ba brei bruk ngak”, blei gac 5 yau limo menek, 12 drei pabe, padang ngak val ro song peih prong taneh pala glai. Dalam 3 thun (2011 - 2014) buh tabiak labaih 1 tỷ đồng padang val ro, blei phun pajaih, pah urang pala glai, saai buh gac jiak 1 tỷ đồng peih jalan tame trang trại atah 2km. Meng taneh glai thu lagu, hu bruk tari taring, kham merat di sa-ai, urak ni saai padang hu trang trại prong song taneh pala glai ngak ba-ar hu 38 ha, rong 25 drei limo menek, 37 drei pabe, 42 sruh darko mek ia hani, jiak 2 ribau menuk raong palao, yaok thun Nguyễn Đăng Chiến liba hu meng 500 tal 700 triệu đồng, ba bruk ngak ka 5 urang ngak gam gam, 15 urang ngak thời vụ, saong yaom jien bilan 5 triệu đồng sa urang sa bilan. 3 thun gam (2010-2013) saai Chiến hu UB bhap bini huyện Yên Thành pok brei angan lac urang nong ngak mbang naih joi. Ndom ka ilamu ngak kaya meda di drei, Nguyễn Đăng Chiến lac:  Tuk camereip ngak trang trại kan kandah lo, menuac takik glai rilo, phun jien oh hu, drei rilo meng ngak eng. Drei sahaneng lac bruk bac daa tal ni oh hu glaong jang nan ye drei patagok KT sang. Ngak glai tuk halei jeng gleih glar, tuk nan drei biak kham merat, sahneng dalam hatai lac “khin patagok KT brei kham ngak piah hu samu ayhut sahabah. Tuk halei drei jeng sahneng lac rong anek hagait, pala phun hagait piah lagaih song puk palei. Biak patuah lac drei hu bruk dong ba meng boh sang song kapul dam dara xã.

Ngak mbang hu kein liba, mô hình trang trại di saai hu rilo mik va dalam xã mai mong iek, bac megru ilamu. Langiu di nan, saai dok hu dong ka dom boh sang kan kathaot, boh sang sarak karja, dong ka dom bruk ngak pahla kayua dom kapul peih tabiak song yaom jien meng 3 tal 4 triệu đồng yaok thun. Oh lac ngak mbang naih joi, Nguyễn Đăng Chiến dok hu thau tal lac urang jakar đoàn sami samar, abih hatung hatain. Lac Bí thư Chi đoàn palei Hồng Nam, xã Quang Thành, Chiến tuk halei jeng hu mbaok tame bruk ngak di đoàn, đội dalam palei. Bruk bo Chiến dut hatai nan lac urang đoàn dok veik palei biak takik, hu dom chi đoàn hu 2 tal 3 urang đoàn. Dalam angan bí thư chi đoàn, saai bhian duah thau, padang dom bruk ngak di đoàn, ieu pataom dam dara tame pala phun kayau, taduan ngak dom danak dak di xã piah gam ba bruk ngak ka dam dara urang đoàn, gam padang kadung jien  ka đoàn. Lingiu di nan, peih bruk brei ka dam dara nao rivang iek dom labik sajarah dak rai, dom mô hình KT hu kein lagaih. Meng nan, Chiến hu ba bruk ngak di chi đoàn dak harei dak patagok, khik hu angan Chi đoàn khang kajap 5 thun gam. Ta-eng Nguyễn Đăng Chiến hu huyện đoàn Yên Thành brei harak meyaom lac urang naih gheih dalam 4 thun peih bruk “5 xung kích, 4 đồng hành”. Ndom ka bruk kham merat yam tagok ngak kaya meda di Nguyễn Đăng Chiến, saai Lê Văn Hồng, Bí thư huyện đoàn Yên Thành, Nghệ An lac:Di Quang Thành, Yên Thành, Nghệ An rilo meng nao xuất khẩu lao động, min tukvak jiak di ni, abih di nyu nan lac hadei di tuk Nguyễn Đăng Chiến padang ngak mô hình “klaak hamu oh klaak palei” ngak jeng pren khang ka anek kamuan xã Quang Thành song Yên Thành dok veik palei padang mbang ngui. Ni lac sa mô hình hu kein lagaih kayua Quang Thành nan lac sa bhum palei hu meteh ceik glaong, meteh taneh samu, tapa nan patagok hu abih pren khang di bhum palei. Mô hình jeng lac sa dalam dom bruk rik dong patagok palei pala bahrau. Tuk vak anak tal, huyện Yên Thành brei peih prong mô hình ni.

Meng dom bruk ngak hu, Nguyễn Đăng Chiến bahrau hu Trung ương Kapul dam dara Cộng sản Hồ Chí Minh pok brei Giải thưởng Lương Định Của thun 2014. Nguyễn Đăng Chiến khan lac; cong khin prong abih di saai lac tuk vak anak tal peih prong hu val ro, tapa nan ba bruk ngak saong pachreih ba dam dara xã Quang Thành song tỉnh Nghệ An meda ngak kaya meda pak di angaok bhum palei di drei./.