Pathau mikva saong taong abih gauk! Hu meng labaih 400 thun, palei ngak havay pak Phú Vinh, xã Phú Nghĩa, huyện Chương Mỹ, ban HN  hu oh thau hadom  tuk trun tuk tagok min meng hu dom nghệ nhân naih gheih, kham merat yau ong Nguyễn Văn Trung bo palei ngak duah hu jalan nao barau. Pandap di palei ngak Phu Vinh pabak hu hatai takre di darak pasar, yaih khan hu angan pandap havay pak di VN tabiak dunya. Urang vak Nguyễn Hiền hu kadha vak yaih khan:

 Meng 25 urang camereip dalam kapul kỹ thuật di HTX havay pak Phú Vinh, ong Nguyễn Văn Trung hu padang tổ hợp havay pak Phú Vinh. Tal thun 2005, ong padang công ty TNHH mỹ nghệ Hoa Sơn, ruah duah salih barau mẫu mã pandap, ngak tabiak dom pandap panda mỹ nghệ gheih mekre pabak hatai di urang blei pandar. Ong ba jamriak tame ngak pandap piah patrun harei ngak bruk, daong palei ngak dang khang kajap anak bruk merak gauk di drak pasar. Urak ini, oh lac pablei dalam taneh ia, dom pandap havay pak di công ty daok hu pablei nao dom darak kan tame hu yau Nhật Bản, Prang, Tây Ban Nha, Đức… Harak pambuak bruk blei pandap dak harei dak ralo, yaok thun ba mai ka công ty jien mek tame labaih 3 tỷ đồng, ba bruk ngak gam gam ka 25 urang ngak saong jaik 300 urang ngak tui bilan. Ong Nguyễn Văn Trung, giám đốc công ty mỹ nghệ Hoa Sơn, xã Phú Nghĩa, huyện Chương Mỹ brei thau:

 “Meng bruk caong pandar di dunya yau nan ye kol dahlak sahneng lac ngak yau habar khik hu angan di palei ngak meng patagok hu. Meng bruk ngak tabiak dom mẫu barau lagaih saong bruk pandar di saman bahrau, saong brei khik hu ilamu di yaok bhum palei, di havay krem Phú Vinh meng khik hu khang kajap”.

Piah patagok khang kajap, jalan patagok di công ty anak tal nan lac pamaong tal dom pandap thủ công mỹ nghệ mekre, siam, chất lượng glaong. Meng harei pambuak saong bruk ngak, nghệ nhân Nguyễn Văn trung tuk halei jeng tui jalan ngak karei, ngak tabiak dom pandap chân dung lãnh tụ. Meng labaih 40 thun dalam bruk ngak, ong ngak tabiak hu jaik 300 blah chân dung dom lãnh tụ hu angan dalam saong langiu taneh ia, dalam nan hu labaih 200 blah chân dung Wa Hồ. Ong lac urang duy nhất brei mboh biak mekre rup binguk vị lãnh tụ angaok havay pak. Ong Nguyễn Văn Trung daok brei thau lac:

 “Tuk drei pak hu rup binguk ka Wa ye drei mboh biak haniem phon. Drei saneng lac sa urang jang ye drei ba abih hatai jai di drei piah pok meyaom lãnh tụ di drei, taneh ia drei, piah meng nan dunya thau tal taneh ia drei ralo jang gac tapa rup binguk havay pak, tapa rup binguk Wa”.

Ngak havay pak, ngan saong dom pandap mbuan, tari taring ye ngak hu, min piah ngak tabiak pandap thủ công mỹ nghệ kan ngak, brei hu dom jang hu plak tangin gheih ngak, hu akaok sahneng hadah krah, abih hatai ka bruk ngak meng ngak hu. Nan lac makna bo ong padang tabiak pasak pato bruk ngak tư thục havay pak Phú Vinh piah pato pakai dom urang jang hu tangin gheih piah khik ramik saong patagok palei ngak. Meng tuk padang tagok di thun 2007 tal urak ini, pasak hu pato saoh ka jaik 5000 urang ngak di HN saong dom tỉnh karei, dalam nan hu labaih 1000 urang joh jo thau bruk ngak, ba bruk ngak saong duah hu jien mek tame tani tanat. Adei Nguyễn Long Nhật, anek saih pasak pato bruk ngak tư thục havay pak Phú Vinh, xã Phú Nghĩa, huyện Chương Mỹ brei thau:

 “Tuk barau ba tangin tame ngak ye adei oh ka thau hagait, min kayua hu bruk daong ba di gru Trung adei jeng hu ralo ilamu saong ngak tabiak hu ralo pandap. Yaom lac oh mekre min meda pablei hu. Hadei di ini tuk bac bloh oh hu bruk ngak jeng meda pambuak saong bruk ngak, patagok palei ngak meng kan di drei. Bruk ngak ini kayua ong muk drei caik veik nan ye adei jeng khin pambuak piah khik ramik saong patagok”.

Meng dom rik daong ka XH, ong Nguyễn Văn trung hu 3 mbang hu UB bhap bini ban HN alin Harak meyaom, 5 mbang hu alin angan “Urang siam, bruk siam” hadah krah di ban ine./.