Meng umo 6, 7 thun, ông Nguyễn Thanh Liêm hu tui ame, tui sa-ai di drei nao pang đờn ca tài tử meng puk ini tapa puk diah, gaok mai njauk ndih gah langiu kayua mai sang lavik melam lo. Mboh kamuan takre tài tử, cei Út Lương pato kamuan Thanh Liêm dom panuac đờn camereip. Tuk oh hu cei daok di sang, Thanh Liêm raoh dhar li-u ngak đờn cò piah paik, cambuai daoh tui đờn dom baoh birau bac hu. Lavik lavik nao Thanh Liêm đờn hu dom kadha meng đờn măngdôlin saong đờn meng tuk halei jeng oh thau. Urang bo Thanh Liêm biak takre dalam hatai saong daok la yaok mong anak meriang daoh piah mblah daoh tui nan lac gru Năm Cơ saong gru Bảy Bá. Nan ye, tal umo 13, 14 thun, Thanh Liêm bac hu rilo janih đờn saong kadha dalam Bản Tổ di Cổ Nhạc Tài Tử Viet Nam yau klau Nam, 6 Bắc…Tuk nan, ong tame kapul daoh tamia dalam palei. Mbiah tal umo 20 thun, ong jeng urang nghe si – chiến sĩ di kapul Văn công kháng chiến tỉnh Cần Thơ dahlau diah. Ong gam daoh, gam đờn, gam pambuak tame daoh saong urang dalam dom kadah cải lương piah brei ka bol lin, bhap bini daok dalam tỉnh Cần Thơ, Sóc Trăng, Hậu Giang mai iek. “Dahalau dom thun 70, kol khamang tame Cần Thơ rilo, nan ye mban tuyên huấn tacei pato gah nghệ thuật parabha jeng klau kapul sit nao parang me-in duh ka bộ đội, bhap bini, tame dalam ấp chiến lược piah daoh pamơrơ dalam dom thun nan. Mbiah tal bilan 3, bilan 4 thun 74 khol dahlak hu tame jeng sa kapul labaih 40 urang. Dalam tuk nan, dom huyện hu peih paha, daok Phụng Hiệp, Bà Bái, Xẻo Sành ye 75 tiểu đoàn saong radaih tăng daok ngak bruk, ô-buýt daok cuh rầm rầm angok langik. Khol dahlak bai gauk brei kham merat. Dom huyện peih paha aval yau nan ye mikva jak gauk mai maong biak rilo, daoh biak bui, thei jeng mboh bui sambai.”

Hadei di harei peih paha gah Meraong, yasa taneh ia, đoàn Văn công Cần Thơ tame khik gah nghệ thuật saong salih jeng đoàn cải lương Sông Hậu hu sa tukvak danei angan. Nghệ sĩ Thanh Liêm tuk nan ngak pho Kapul saong camereip tame sân khấu cải lương chuyên nghiệp. Hadei di nan, ong hu nao bac đạo diễn sân khấu di sang bac Nghệ thuật sân khấu II, ban raya Ho Chi Minh, pan akaok kapul cải lương Sông Hậu II saong mek hu huy chương pariak chuyên nghiệp pakat negar camereip tapa kadha “Trong cơn giông”. Thun 1994, sang bac Trung cấp Văn hóa Nghệ thuật Cần Thơ hu padang tagok,  nghệ sĩ Thanh Liêm hu ba tame pato nghệ thuật Đờn ca tài tử saong sân khấu cải lương ka dam dara. Yaok pluh khóa bac ngan saong yaok rituh diễn viên cải lương saong nhạc công bac tamat meng sang bac ini.  Dom urang nan ngak jeng  bruk praong, nghệ sĩ naih ghieh, nhạc công joi nao daoh ka dom palei gah meraong negar, thei thei jeng hadar tal prein yawa, abih hatai tacei pato di gru Nguyễn Thanh Liêm. Dalam nan, hu dom nghệ sĩ hu angan je chuyên nghiệp yau: Chuong ameh vọng cổ - tài năng trẻ Võ Minh Lâm; nghệ sĩ triển vọng trẻ giải Trần Hữu Trang Lê Duy; nghệ sĩ tài năng trẻ Trần Thị Thu Vân; NSƯT Thảo Vân; giải triển vọng Hồng Thủy.v.v…Nghệ sĩ ưu tú Trúc Linh – urang dalam hội đồng ban Cần Thơ lac: “Sa-ai Thanh Liêm hu tukvak ngak gah cải lương chuyên nghiệp biak suia lavik, jaik luac rai. Sa-ai dang akok khoa cổ nhạc di sang bac saong pato ka saih bac dalam sang bac. Takik abih labaih 30 thun paje, sa-ai Thanh Liêm ngak gru pato, thau cambac laic kadha tài tử saong cải lương”.

Kreim birau praong gilac sangka tabung birau proh tagok, dom harei ini, nghệ sĩ, nghệ nhân, gru Nguyễn Thanh Liêm daok pato nghệ thuật đờn ca tài tử saong sân khấu cải lương ka anek saih trung học cơ sở dalam danak dak sân khấu dalam sang bac kayua Cục nghệ thuật biểu diễn Mintri Ilamu the thao du lịch peih ngak. Bruk pato ka anek saih phổ thông kan rilo mbang jang dut saong dom tài tử phong trào saong tal năng khiếu chuyên nghiệp. Min, ông biak takre ba abih hatai ka bruk pato ini kayua ong mboh hu makna praong, kayua ong hu rilo mbang pok panuac caong hu labik pato Đờn ca tài tử oh brei saoh  ka yaok xã, phường. Meyai saong  khol dahlak, ong Nguyễn Thanh Liêm lac: “kayua bruk sa rituh thun pala manuac”, njauk pato ka dom dam dara thau, iek praong, takre, anit ranam ilamu siam gheih di nghệ thuật meng kan, ong muk kei caik rai. Dalam bruk ngak nan, ong halan hatian ba abih prein yawa di drei ka bruk ini tal tuk halei taha nao oh daok ngak hu./.