Sa jalan ngak praong hu urang tong ikan dalam taneh ia caik hatai sangka rilo dalam thun sak saih nan lac Nghị định 67 di rajaei “ka dom sarak patagok kaya ikan”. Meng tuk hu patabiak tal harei ni, dom mintri, dom gah di TƯ song puk palei kham merat peih ngak sarak ni. Di tỉnh BT, urang tong ikan jeng kham ngak ka nyu salah dom harak gar saong hatai caong mesraiy hu phun jien 67, ngak kapan prong tabiak tasik dalam thun bahrau. Hadei di ni lac kadha vak di Việt Quốc, urang vak di rayo sap ndom VN dok di ban raya HCM.

Hu takai tasik atah 192 km, Bình Thuận lac sa dalam 3 labik taong ikan praong di taneh ia. Meng dom saman ini mai, rai duik di urang taong ikan daok di tapen tasik Bình Thuận saong pulao Phú Quý pagam pambak tame bruk ngak ikan. Nan ye Nghị định 67 di Rajaei “ka dom sarak patagok kaya ikan” tabiak rai hu makna biak praong ngan saong urang taong ikan daok pak ini. Urang taong ikan angan Nguyễn Thanh Vinh daok di phường Phú Hài, ban sit Phan Thiết lac:

Karja ba tabiak sarak ini biak siam ngan saong mikva drei tabiak tasik, duah kaya ikan hu kein laba jang.

 Ngan saong urang taong ikan huyện pulao Phú Quý, sarak ini daok hu makna biak praong. Sa-ai Trần Minh Thuận – Phó giám đốc Doanh nghiệp tư nhân kaya ikan Phú Thạnh, huyện Phú Quý, urang bahrau dang angan mesraiy 10 tỷ đồng ngak kapan kanduh pasei công suất 1.000 CV ngak bruk vah ikan di tasik, khan lac:

Pulao Phú Quý hu labaih 80% menuac diukrai meng bruk nao tasik. Daok dom adei sa-ai oh ka hu bruk ngak, urak ini hu Nghị định 67, tui nan adei sa-ai hu jalan piah tabiak tasik di pulao Trường Sa.

Yaom jien mesraiy piah ngak kapan công suất praong oh lac takik. Kayua yau nan ye, urang taong ikan brei kuhri kuhria biak tantu dahlau di tuk brei ngak kapan tabiak tasik. Bruk taong ikan di pô kapan hu kein laba meng bayar hu sraiy ka gilang pariak. Tukvak tapa, karja huyện Phú Quý hu daong biak rilo piah ka urang ngak ikan di pulao samar hu mesraiy jien daong tui  Nghị định 67. Lingiu bruk khan brei thau ka sarak, karja daok ba mbuan lagaih ka bruk ngak harak tut angan mesraiy jien. Ong Tạ Minh Nhựt – Phó chủ tịch Ủy ban bhap bini huyện Phú Quý brei thau:

Tal urak ini urang taong ikan tut angan hu 71 urang. Gah huyện, kol dahlak hu ngak bloh dom adat hukum

Tal urak ini, dalam tỉnh Bình Thuận hu 82 urang hu Ủy ban bhap bini tỉnh mbaoh tangin brei ngak bahrau saong ngak pasiam kapan taong ikan lingiu tasik atah tui Nghị định 67 saong yaom jien labaih 600 tỷ đồng. Huyện pulao Phú Quý hu rilo di abih, patui di nan, lac La Gi saong Phan Thiết… Yaom lac dalam dom harak hồ sơ nan, oh ka urang halei hu peih brei jien mesraiy dahlau harei Tết Nguyên Đán, min urang taong ikan jeng mboh uan tabuan kayua dahlau hadei hagait, jien mewsreaioy jeng hu mai tal tangin di drei.

Yau nan, meng bruk kuhria caga di dom gilang pariak daok dalam tỉnh, phun jien 67 daok mai jaik urang taong ikan Bình Thuận. Dalam thun bahrau sak pabe, tuk hu phun jien praong piah ngak kapan praong, urang meda tabiak tasik atah, gam khik caga chủ quyền tasik, pulao, gam ngak kaya meda ka baoh sang saong ka puk paga, palei negar./.