Meng bruk ngak hu kein laba di dom Nghiep đoan ngak ikan, birau ini tỉnh Bình Thuận hu padang gilac sa nghiep đoan ngak ikan phương Binh Tan, ban sit La Gi, patagok hu 5 nghiep doan ngak ikan dalam tỉnh gam saong 69 gilai taong chap ikan di tasik atah saong 750 urang. Bruk padang gilac nghiep doan ngak ikan yau brei mboh bruk jum pataom gauk di urang ngak ikan dalam tuk tabiak tasik taong ikan saong khik caga quyền ngak po tasik pulao di taneh ia. 

        Dom harei ini, bến ikan phương Binh Tan, ban sit La Gi, tinh Binh Thuan mboh chreih chrai jang. Dom urang nao tasik angui cuk khan ao nghiep doan taong chap ikan Binh Tan kayua urak ini dom urang nan lac menuac di to chuc cong doan. Nghiep doan taong chap kaya ikan Binh Tan, ban sit La Gi hu 150 urang ngak bruk di 15 gilai hu prein khang 90 ma luc. Tổ chức cong doan nan, lac labik daong ka urang nao tasik meng pandap panda tal jalan sahaneng brei ka urang ngak ikan tabiak tasik. Urang dalam nghiep doan hu daong ka gauk tuk gaok kan kandah jeng yau klak rabha bruk taong chap ikan di tasik. Ong Nguyễn Thanh Bình, urang di Nghiệp đoàn taong chap kaya ikan  Bình Tân khan lac: “Đảng saong Karja sangka tal urang nao tasik khol dahlak jeng urang đoan dalam sa to chuc chính trị, xa hoi. Ini lac sa prein khang daong ka khol dahlak dalam tukvak urak ini. Biak sahanang hatai.”

         Ong Phan Văn Ba jeng mboh chreih chrai tuk ong saong dom anek di ong jeng urang doan di Nghiep doan taong chap kaya ikan Binh Tan, ban sit La Gi: "Dahlau diah bhan thei thei ngak, min tame nghiep doan ini khol drei khang hatai tabiak ngak mbang di tasik. Dahlak hu 8 urang anek, 6 likei, 2 kumei. Tuk taneh ia iew 7 anek ame dahlak halan hatian tabiak tasik khik caga tasik pulao di taneh ia". 

Binh Thuan nan lac sa dalam 3 labik tasik taong chap ikan praong dalam taneh ia, hu biak rilo ikan, dalam nan hu rilo janih ikan hu yaom glaong. Urak ini, dalm tinh hu 7.500 gilai hu prein khang abih tih  jaik 800.000 ma luc saong labaih 5 pluh ribau urang nao tasik taong ikan, ngak dich vụ angaok tasik. Kaya ikan chap mek hu kuhria rah tapa yaok thun labaih 180.000 tấn, ba bruk ngak ka yaok pluh ribau urang. Bruk padang nghiep doan taong ikan nan lac bruk tui hatai caong di urang ngak ikan piah pambuak gauk tuk taong chap ikan langiu tasik saong hu mbaok khik caga bruk ngak po tasik pulao di taneh ia. Amuk Lê Thị Bạch Phượng – Chủ tịch Liên đoàn lao động tỉnh Bình Thuận brei thau:

 “Urang ngak ikan urak ini hu salih bahrau meng akaok sahaneng tal jalan ngak, bo mboh cambaih di abih nan lac bruk anit ranam taneh ia dalam tukvak tapa. Bruk ngak di anak tal, cong đoan njauk sangka rilo jang, brei pambuak bruk saong karja palei tui iek bruk daong ka urang ngak ikan, gam saong urang ngak ikan tui iek, daong ka bruk tapong ikan di tasik atah, brei ka urang ngak ikan hu mesraiy phun jien piah patagok bruk ngak mbang, sahnang hatai tabiak tasik.”

           Dom thun tapa, dom nghiep doan ngak ikan di tỉnh Binh Thuan  patui gauk tabiak rai nan lac: :  Bình Hưng 3 di ban Phan Thiết, Tam Thanh di huyện pulao Phú Quý, Phan Rí Cửa di huyện Tuy Phong, Phước Hội  di ban sit La Gi saong urak ini hu Nghiệp đoàn taong ikan Bình Tân di La Gi. Yau nan mbiah tal tuk ini, Binh Thuan hu 5 nghiep doan ngak ikan hu padang tagok ngan saong 69 gilai gam saong 750 urang. Dom nghiep doan hu ngak brei tagok jang pren khang jum patio di urang taong ikan, rik daong paglaong bruk taong chap ikan, abih di nyu nan lac taong chap ikan labik tasik atah, khik caga bruk ngak po tasik pulao. Yau nan min, bruk ngak ikan di tỉnh Binh Thuan daok dang anak rilo kan kandah. Yua nan ye, bruk daong ka urang ngak ikan, dom pakat, dom gah di tỉnh Binh Thuan sangka iek glang, samar thau, samar langyah dom tavak tavaiy, ba mbuan lagaih di abih piah ka dom nghiep doan ngak iakn di tỉnh ngak bruk, meng nan, ngak jeng prein khang praong  piah peih bruk bruk taong chap iakn di labik tasik atah ba mai rilo kein laba saong daong khik caga quyền ngak po tasik pulao di taneh ia./.