Wa Hồ mbak hatai song uranaih Nga 

Tuk Cách mạng Bilan 10 patuh tabiak, urang likei dam anit taneh ia angan Nguyễn Ái Quốc daok nao duah jalan daong taneh ia. Yaom lac oh ka thau taneh ia Nga daok pak halei, Vơlađimia Ilich Lê-nin lac thei, min sa-ai hu mehit lac di taneh ia Nga, Vơlađimia Ilich Lê-nin hu pan akaok bhap bini taong pateok kol po bóc lột saong bol bhap rahra daok eng drei khik iek taneh ia; lac Cách mạng Bilan 10, hadei di tuk peih paha bangsa drei, daok hu peih paha ka taong abih dom bangsa karei oh kuhria lac klik mbong patih, klik jhuk atau kanjik. Dom bruk nan nyu mbang khang tame Nguyễn Ái Quốc saong meng hatai sahneng hadah krah, Nguyễn Ái Quốc pachreih tui Cách mạng Bilan 10. Yau hadei di nan Chủ tịch Hồ Chí Minh hu khan veik: “Tuk nan dahlak pachreih tui Cách mạng Bilan 10 tok lac tui hatai sahneng mboh. Dahlak oh ka thau hu abih yaom glaong di nyu”; “Tuk Cách mạng Bilan 10 patuh tabiak di taneh ia Nga, dahlak daok di negar Prang… Dom urang vô sản Prang hu daong ka dahlak thau cambaih makna praong glaong di dom bruk sajarah rah tabiak di Nga”.

Meng hatai sahneng hadah krah saong hatung hatian di sa urang daok nao duah jalan peih paha ka bhap bini Việt Nam, Nguyễn Ái Quốc thau hu yaom glaong camereip di Cách mạng Bilan 10 Nga. Nan lac bruk “peih paha”. Gait vak: “Lê-nin lac sa urang anit ranam taneh ia praong glaong hu peih paha ka bhap bini drei”.

Puac thun 1918, gam haong 13 taneh ia đế quốc karei, Rajaei Prang brei salih meng bruk pathau khan ngak brei pamaoh tapa hu mbaok tapak tame bruk mesruh cagar veik taneh ia Nga cách mạng daok meda. Dalam tuk yau nan, piah brei mboh bruk jum pataom haong Cách mạng Nga, bilan 5/1919, đảng Xã hội Prang bo Nguyễn Ái Quốc lac 1 urang dalam nan hu padang Ủy ban hu mbaok tame Quốc tế III meng Ủy ban quốc tế di Đảng. Bruk ngak di Ủy ban ini, lac jak ba Đảng tame Quốc tế III saong khik caga Cách mạng Nga daok njauk dom rajaei tư sản taong tame. Nguyễn Ái Quốc hu mbaok abih drei tame bruk ngak di kapul ini, gam haong dom urang đảng di đảng Xã hội Prang nao rik pataom jien padai dalam dom khu phố di Pa-ri daong ka bhap bini Nga yam tapa eik lipa mai meng bruk Rajaei Prang saong Rajaei dom taneh ia đồng minh pacang cakak taneh ia Nga Xô-viết. Gam haong bruk pathau khan, Nguyễn Ái Quốc hu mbaok tame bruk ba parai truyền đơn di đảng Xã hội Prang lên án bruk Rajaei Prang pandar phao ndao taong tame taneh ia Nga, pok meyaom Cách mạng Nga. Dom bruk ngak di Nguyễn Ái Quốc pachreih tui Cách mạng Bilan 10 hu Trung ương Đảng Cộng sản Prang biak caik hatai sangka saong Đảng Cộng sản Prang hu peih bruk brei ka Nguyễn Ái Quốc nao tal taneh ia Nga. Jang urang halei karei, urang likei dam anit taneh ia Nguyễn Ái Quốc jia tame sa harei oh atah, angaok taneh ia anit ranam di drei, bhap bini jeng hu padang raidiuk bahrau. Hatai jia nan hu jeng bruk pachreih ba praong piah ka Nguyễn Ái Quốc nao tui jalan mesruh veik piah ba Cách mạng Việt Nam tal ja yah./.

Urang lang: Jasi -7/11