NGUYEN VAN LINH – SA ANGAN JE PRONG

Dalam jaik 70 thun ngak bruk cach mang saong buh pren yava ka bruk salih barau taneh ia, aruah Tổng Bí thư Nguyen Van Linh hu caik veik dalam hatai bhapbini dom kadha oh var hu. Ông brei mboh hatung htaian di sa urang dang akaok “mek baphbini ngak got”, ndom pambuak pagam saong ngak”, “hu hatai siam saong sahneng kuhria mboh atah. Akaok sahneng biak hakuak, oh pahdeih salih barau gam saong jalan diukrai gheih mekre di Nguyen Van Linh hu jeng kreih camin hadah ka dom rai urang dang akaok di VN. My Dung - urang vak di rayo sap ndom VN daok di ban raya HCM hu kadha vak “Nguyen Van Linh – sa angan je praong”, da a mikva saong grauk yut tui pang :

Ndih tapui di gah Brak, min jaik abih rai di drei, aruah Tong bi thu Nguyen Van Linh diuk rai saong ngak bruk cach mang di gah meraong. Ong hu bhapbini, urang gam ngak bruk saong gauk ieu meng angan biak anit ranam ye “ saai Mười”, “cei Mười” atau “ Cei Út”. Tui cach mang meng umo 14 thun, rilo mbang tame guc tabiak khám, njauk kol khamnag kateik greik, ông thau cambaih bruk rambah rambep di bhapbini. Yau nan ye, meng tuk mesruh taong Prang, taong Mỹ mbiah tal tuk hoa binh mai, dak padang taneh ia, ong tuk halei jeng daok jaik bhapbini, jia tame bhapbini, mek bhapbini ngak got. Meng bruk tuk halei jeng pambuak pagam cơ sở, caik hatai pang bhapbini, ông saong urang dang akaok Đảng, karja ba tabiak dom jalan ngak, sarak hadah, jhul khang bruk patagok saong abih di nyu nan lac njauk hatai bhapbini. Amuk Truong My Hoa, dahlau thiah ngak phaok akaok taneh ia khan veik : thun 1986, tuk amuk meng ban raya HCM tabiak Ha Noi taduan bruk ngak barau, amuk biak duh hatai. Min blaoh abih bruk jeng hu langyah hadei di sa mbang amuk hu ndom biai saong ong Nguyen Van Linh :“Ong ndom saong dahlak, taneh ia drei atah lo nan ye urang dang akaok di Đảng njauk thau cambaih bruk di dom bhum, palei. Kamuan urak ini daok di ban raya, gah meraong kamuan thau paje, kamuan njauk tabiak gah Brak piah thau mikva jeng ye adat cambat, thau bruk di gah Brak, gah kreih negar. Saong kamuan jeng ngak ka dom urang jakar karei thau hu gah meraong yau habal. Njauk hu rilo sap ndom piah ngak ka Đảng drei dak harei dak tani tanat, dak dalam jang”

Tapa aruah Tổng Bí thư Nguyen Van Linh, rilo urang jakar dang akaok saong bhapbini bac hu jalan diukrai jum pataom, anit ranam gauk saong khang hatai salih barau. Thau lac salih barau nan jalan siam yau ameh, lac jalan praong piah patagok, hadei harei gah meraong peih paha, tuk ngak praong dang akaok Thành Ủy ban raya HCM, ong Nguyen Van Linh khang hatai ba tabiak saong peih ngak iek bruk salih bharau cơ chế, sarak khik ramik kinh te… Dom sarak salih barau nan dak khang jang tuk ong hu pok ngak Tổng Bí thư di Đảng dalam Nyom roya Đảng pakat negar mbang yaka 6 di bilan 12/1986. Dalam angan urang dang akaok glaong abih di Đảng Cộng sản Việt Nam tuk nan, ong hu ba tabiak dom jalan sahneng, jalan ngak barau, rik daong salih karei bruk ngak, peih jalan ka bruk salih barau taneh ia. Salih barau dalam akaok sahaneng di aruah Tổng bí thư lac salih barau ha-mbang ha-sit min khang kadang, salih bahrau tal labik tal dhua. Ông Tô Bửu Giám, dahlau thiah ngak Trợ lý di ong Nguyễn Văn Linh khan lac :“Ông bhian ndom, salih barau lac njauk peih bambang. Tuk peih bambang drei taduan hu ngin barau, min taphia nan jeng hu dhul mur. Min, oh njauk lac yau nan bo kareik bambang. Dhul mur ye drei njauk langyah. Yau nan ye, ngak hagait jeng njauk kuhria tal 2 gah”

          Tui jalan sahneng salih barau lac urang dang akaok ngak habal piah “bhapbini thau, bhapbini ginum, bhapbini ngak, bhapbini pasang iek”, dalam tuk dang akaok Đảng, ong bhian nao pasang iek, duah thau bruk ngak di rilo puk palei dalam taneh ia. Meng dom mbang nao ini, tapa taom gaok saong pang bhapbini ndom, ong thau hu rilo bruk oh siam di dom urang jakar ngak praong dang akaok nan ye ong khang hatai brei sap pacang tiêu cực, tham nhung.

Khang hatai dalam mesruh metak, nghiêm túc dalam bruk ngak, hadah krah dalam salih barau – nan lac dom hagait hu mboh dalam luac rai ngak bruk cach mạng di ong Nguyen Van Linh. Bruk njuak biai di abih nan lac, kol drei daok bac hu meng ong – urang anek saih naih gheih di Chủ tịch Hồ Chí Minh, đức tính giản dị, tapak hatai. Giáo sư, Tiến sĩ Trần Hồng Quân, dahlau thiah ngak akaok mintri pato megru khan veik : yaom lac hu adei saai daong bruk vil taom dhar, min tuk halei ong Nguyen Van Linh jeng eng drei ngak abih bruk, gam bruk papah akhan ao. Giáo sư, Tiến sĩ Trần Hồng Quân hadar veik :“Hu sa mbang nao taneh ia langiu mai, dahlak nao ravang ong. Dahlak hu ba alin ong sa thaong harum laiy. Ong ndom “oh, drei daok hu”. Dahlak mboh thaong harum laiy ong daok cuk nyu druh abih tuyết paje, maong mboh gam kalik. Dahlak tanhi : “ ong cuk harum laiy ini meng habil mai”. Ong ndom cuk nyu meng tuk Trung ương Cục daok dalam glai di Campuchia tal urak ini. Tok sa bruk sit  nan jeng thau ong lac urang biak giản dị, bình dân.

Jalan sahneng nan, hatung hatian nan ngak jeng sa angan je praong dalam bruk mesruh metak peih paha bangsa saong patagok taneh ia VN : Tổng Bí thư Nguyễn Văn Linh./.

Thúy Linh