Ninh Thuận lac bhum taneh po brei hu rilo siam lagaih piah cak rok patagok du lịch, yau: hu tasik, hu glai saong rilo kaya nong danei angan dalam negar yau ye nho, lasun, toi, pabe, pabo…Taphia di nan, daok hu ilamu lavik rai di urang bangsa Cam saong Raglai  hu khik ramik saong patagok. Kayua yau nan ye, bo dalam dom thun jiak di ini, rilo tuai damuai palih ruah Ninh Thuận ngak labik piah duah thau, rivang main. Sa-ai Đinh Xuân Thành daok di Đồng Nai mai rivang main pak tỉnh Ninh Thuận brei thau:

"Drei mboh dulich labik ini daok tamo lô, lagaih ka urang takre roh duah dom bruk daok birau birang, dom hagait daok tamo."

Ong Lê Văn Phú, tuai mai meng ban raya Ho Chi Minh mboh lac:

"Biak takre langik tasik Ninh Thuận hu rilo gheih mekre, khol dahlak var glai anak dom siam gheih di tasik Vĩnh Hy. Dahlak sahaneng ini lac labik main dulich sinh thai, dahlak sahaneng Ninh Thuan njauk yaih khan tal bhap bini dalam taneh ia jeng yau urang negar langiu."

Dalam bruk rami ramik patagok kinh tế, xa hoi di tỉnh Ninh Thuận tal thun 2020, pamaong tal thun 2030, du lịch hu maong lac bruk praong dalam 4 nhóm ngành praong, hadei di năng lượng. Kayua yau nan ye, meng thun 2010 mbiah tal ini, tỉnh Ninh Thuận hu buh brei dahlau labaih 6.000 tỷ đồng meng dom phun jien piah patagok hạ tầng dulich. Bruk praong nan  lac ngak jalan tapen tasik Bình Tiên – Cà Ná atah labaih 116 km, tui yaom jien labaih 4.551 tỷ đồng, mbiah tal ini, hu ngak salah blaoh saong ba tame pandar, peih tabiak jalan ngak mbang birau ka gah dulich jeng yau ka dom urang hu buh jien tame ngak mbang di Ninh Thuan.

Kadha praong di abih nan lac akaok sahaneng ka makna praong di gah dulich ini di dom pakat karja palei hu daong ngak brei hadah hadai ka du lich Ninh Thuan. Meyah thun 2010, tỉnh hu 47 labik daok padeih padei tal urak ini tagok tal 97 ngan saong 2.200 duk bilik, dalam nan, labaih 30% dom bilik hu tanut chuan 3 patuk tagok. Tuai damuai mai du lich kuhria rah tapa yaok thun hu 16%, ta-eng thun 2015, tui kuhria dahlau  hu meng 1,4 tal 1,5 triệu tuai damuai, dalam nan tuai mai meng negar langiu jaik 10%. Ong Hồ Sỹ Sơn, Pho  Giám đốc Sở Ilamu, Thể thao saong Du lịch Ninh Thuận brei thau:

"Dom gah dom pakat,  karja dom palei jeng biak sangka tal bruk cak rok patagok  dulich. Akaok sahaneng hu salih karei tuk mboh kein laba di dulcih, jak gauk rik prein yawa tame ngak piah salih birau mbaok meta đô thị jeng yau padang thaot binguk dulcih Ninh Thuan siam mekre saong salamat”

Meng bruk patagok siam lagaih piah cak rok patagok dulich tui jaln sinh thái tasik – glai, pambuak saong bruk khik ramik, patagok dom drap ar ilamu saong dakrai sajarah, gam saong bruk rap ar tuai damuai di bhap bini labik ini, caong khin lac anak tal, Ninh Thuan hu jeng labik pachreih tuai damuai mai rivang main./.