3500 tấn brah di Rajaei song yaok ribau tấn brah di dom kapul nyaom, menuac urang dok dalam song langiu tỉnh hu ba tal tangin bhap bini. 40 tỷ đồng dong pandap mbang ka tapon menuk ada song pajeng ia pandar brei ka jiak 6000 boh sang dok di bhum njauk pandiak bhang trak. Ni lac dom bruk hu đảng bộ, karja tỉnh NT samar peih ngak dalam tuk vak pandiak bhang trak, tapa nan pachreih ba bhap bini bhum bhang pandiak yam tapa kan kandah, duah jalan piah tani tanat rai duik. Ong Đàng Văn Hộ, daok di ban sit Phước Dân-huyện Ninh Phước- Ninh Thuận, brei thau:

 “langik NT kan kanda, thu lagu,  sang biak caik hatai sangka pala piah hu pandap mbang. Pala hareik piah pabak pandap mbang dalam bilan pandiak.

Ninh Thuận urak ni hu 4 dalam 7 huyện njauk pandiak bhang trak. Tỉnh hu buh tabiak 38 tỷ đồng peih bruk padang ngak dom danak dak  pabak ia pandar, jhul pakhang bruk peih ngak dom danak dak ni.        

Di huyện Bác Ái, kuhria tal tuk vak ni hu 400 tấn brah hu brei ka mik va, pabak pandap mbang daok kurang kayua oh pala drak hu dalam tuk vak tapa. Taphia di nan, sang mac ia di Phước Trung dok caga ba ia mai ka bhap bini, dom sang mac ia dok veik jeng hu dong ka mik va khik hu ia pandar. Ong Mẫu Thái Phương- Chủ tịch Ủy ban bhap bini huyện Bác Ái brei thau:

Anak tal khol hulin tacei oh brei pala drak dalam bilan hè thu ni. TƯ meda dong 2000 tấn brah. Khol hulin buh jien ngak jalan ia, ba ia mai tal sang bhap bini piah ngak habar khik hu ia pandar, brei kuac raok bingun, danao ia piah hu ia ka tapon athur menyum, ngak habar piah ka bhap bini oh iek lipa, oh kurang ia pandar song oh caik ka jit ruak rah tabiak.

          Urak ni, gam song bruk duah jalan khik caga ia pabak ka bruk mbang menyum, pala drak, gah ngak nong tỉnh NT dok kham merat jak ba bhap bini salih janih phun pala tamuh hu dalam lingik pandiak bhang. Ong Phan Quang Thựu, Phó Giám đốc Sở ngak nong song patagok palei pala tỉnh Ninh Thuận brei thau

 “Jalan ngak nan lac kol drei tok pala drak labik hu ia di sang mac thủy điện Đa Nhim. Yau nan tong abih labik pruh ia di dom bingun brei padeih ngak ngan song taneh prong 10.200ha song brei ia dahlau piah pandar song ia menyum ka tapon athur. Ngan song bruk pala jeng brei patak patom song trun takik taneh ngak padai, salih tapa dom janih phun pala karei pandar takik ia song meda pabak ka tapon menuk daa

          Dalam kan kandah di pandiak bhang, bhap bini Ninh Thuận daok kham merat yam tapa kan kandah meng pren yava song hatai jia tame bruk dong ba, iek glang di karja dom pakat./.