Urang ruak F0 daok karei, taong ruak di sang brei hu sang daok karei, ngak njauk tui bruk ba tabiak ka tukvak taong ruak di sang

Di huyện Ninh Phước, bruk peih ngak iek taong ruak, iek ruak ka urang ruak F0 di sang hu peih tabiak di xã Phước Thuận saong ban sit Phước Dân. Dom menuac njaom Covid-19 min oh hu triệu chứng lâm sàng, oh hu hagait lac viêm phổi atau kurang ôxy, suak yava takik jang 20 mbang sa minit ye hu iek ruak, taong ruak di sang. Amuk Võ Thị Thu Hương, Bilai y tế xã Phước Thuận, huyện Ninh Phước, tỉnh Ninh Thuận lac: “Bilai y tế Phước Thuận hu pilih ruah brei taong ruak F0 di sang. Tapa peih bruk pato pasram ye kol dahlak taduan mek saong peih bruk taong ruak F0 di sang.”

Urang ruak F0 daok karei, taong ruak di sang brei hu sang daok karei, ngak njauk tui bruk ba tabiak ka tukvak taong ruak di sang, hu sanya haong karja palei, oh tabiak truh duk bilik dalam luac tukvak taong ruak, oh taom gaok haong menuac dalam sang, jeng yau menuac urang karei dalam luac tukvak njauk ruak.

Tui Bác sỹ Nguyễn Hiếu, Phaok Yam ndok Pasak Y tế huyện Ninh Phước, tỉnh Ninh Thuận, dalam luac tukvak daok karei di sang, F0 hu urang y tế ravang iek gam gam: “Bruk njom mbak jit ruak urak ini biak rilo…”

Bruk taong ruak F0 di sang hu peih ngak tapa “Kadung prein yava iek ruak F0 di sang”. Dom urang ruak njaom Covid-19 oh triệu chứng hu tacei pato eng drei menyum jru, iek ruak tapa pasang iek di urang y tế. Daok pandap panda saong menuac urang piah taong ruak F0 di sang, gah y tế hu caga radaih cấp cứu luac harei melam dalam bán kính 10 km piah caga daong, samar pajeng ba urang ruak tagok labik iek ruak praong. Di xã, phường, ban sit ngak iek bruk taong ruak F0 di sang, brei hu takik abih 1 kapul iek glang urang njaom COVID-19 dalam bhap bini. Bác sỹ Lê Huy Thạch, Phaok Yam ndok Sang iek ruak đa khoa tỉnh Ninh Thuận lac: “Di pasak y tế brei padang kapul y tế lưu động, kapul ini tui iek prein yava taong abih rahra njauk F0, oh hu  triệu chúng. Kapul ini hu pato, pasram ilamu taom gaok, ndom puac, pasang iek nhiệt độ, triệu chứng, taong yaom urang ruak dahlau di tuk ba tagok labik iek ruak praong saong dahlau di tuk taong ruak”.

Piah pacang, plaih njaom mbak ruak ka menuac daok dalam sang haong gauk, dom urang ruak Covid-19 daok hu iek ruak, taong ruak di sang hu kakei lac, tuk halei jeng khik atah di gauk takik di abih lac 2m saong oh mbang menyum haong gauk. Anak pabah mbang sang F0 brei hu tual ba-ar atau khan bai samo bhong meriah, akhar haroh katam, vak lac: “labik taong ruak urang ruak Covid -19”, hu thùng sambo katam piah caik pandap nerak hu tauk akhar haroh lac “nerak mbuan hu SARS-CoV-2”. Oh brei pandar jamriak la-an, caik bàn anak pabah mbang duk bilik taong ruak piah pabak pandap mbang karei, ia menyum haong dom janih pandap karei ka urang ruak F0. Piah peih ngak hu siam bruk iek ruak, taong ruak F0 di sang, tỉnh Ninh Thuận daok samar kuhria padang Bilai y tế lưu động saong ba tabiak bruk dom Bilai y tế lưu động di yaok xã, yaok ban sit piah iek ruak, taong ruak F0 di sang./.

Urang lang: M. Phuong – 14/11