Bein nho di urang xã Xuân Hải hu dong bruk ngak ka rilo urang ngak pak ni 

Hu padang tagok di thun 2016, akaok mereip tok hu 13 urang ngan haong yaom phun jien labaih 100 triệu đồng min tal harei ini, jien mek tame meng pablei pandap di HTX Dịch vụ tổng hợp Tuấn Tú, xã An Hải, huyện Ninh Phước, tỉnh Ninh Thuận tagok tal labaih 3 tỷ đồng sa thun. HTX hu ba bruk ngak ka jaik 250 urang ngak, dalam nan rilo meng lac urang Cam, jien mek tame kuhria rah tapa meng 6-8 triệu đồng yaok bilan. Jak jeng ini mai meng bruk HTX hu jak ba urang dalam HTX ba 53 ha njam patam tapa pala rabung hijao saong pandar jalan pruh aia patak pataom.

Ong Lộ Trung Tài lac sa dalam 64 urang di HTX Dịch vụ tổng hợp Tuấn Tú, xã An Hải, huyện Ninh Phước, tỉnh Ninh Thuận, ong hu HTX  tacei pato jalan pala rabung hijao tui chuẩn VietGAP nan ye oh pandar jru khik caga phun pala, khik kajap siam mekre, hacih sa-at pandap panda kaya mbang piah ba rabung hijao tame dalam dom siêu thị. Tok pala 5 sào rabung hijao min yaok harei, sang ong Tài paik hu 50 kg rabung hijao, ngan haong yaom 50 ribau đồng sa kg, ong laba hu jaik 50 triệu đồng yaok bilan.

"Urang di grauk labik mai rivang main..."  

Thun 2020, HTX Dịch vụ tổng hợp Tuấn Tú paik hu 50 tấn rabung hijao. Phun rabung hijao di HTX hu doanh nghiệp mboh tangin pambuak bruk blei veik abih haong yaom 50.000 đồng/kg. Dom baoh sang pala rabung hijao yau amuk Kiều Thị Thuyền di xã An Hải, huyện Ninh Phước urak ini oh daok duh hatai ka bruk pablei tabiak bo tok pataom tame bruk ngak tabiak.

"Mik va di labik ni duah hu bruk ngak tani tanat..."

Daok Hợp tác xã pala ngak saong pablei salih kaya nong An Xuân, xã Xuân Hải, huyện Ninh Hải, tỉnh Ninh Thuận ye ngak padai pajaih, rabung hijao, madar, nho, raong glaong, pablei salih menuk ada, athur... HTX pachreih hu 20 urang dalam nan hu rilo urang Cam; ba bruk ngak ka labaih 120 urang ngak; jien mek tame kuhria rah tapa yaok baoh sang hu labaih 10 triệu đồng/bilan. Ong Thái Bá Trung, Akaok HTX pala, ngak saong Pablei salih kaya nong An Xuân, xã Xuân Hải, Ninh Hải, tỉnh Ninh Thuận brei thau:

" ông Trung: Taong abih bruk ngak jeng hu daong ka urang nong ba mai kein laba biak rilo. Urak ini, yaom saong pajaih phun rabung hijao yaom biak glaong. Karja daong 40%,  mikva hu taneh min pala rabung hijao ye jien buh tame takik abih 40 triệu/sào. Nan ye biak kan kandah, hu bruk daong di Karja daong ka mikva hu phun pajaih, vật tư ba mai kein laba biak glaong. Dut haong dom janih phun pala karei ye oh hu phun halei tapa phun rabung hijao. Meng phun rabung hijao ye hu jien tame yaok harei".

Angaok nan lac dua dalam 57 hợp tác xã bhum urang bangsa takik saong bhum ceik, meblah 67% dom HTX dalam tỉnh Ninh Thuận.  Ninh Phước lac huyện hu rilo urang Cam di tỉnh Ninh Thuận. Tal harei ini, huyện hu 19 HTX ngak nong salih tapa jalan ngak tui Hukum HTX kiểu bahrau. Dom HTX hu pasiam veik piah ngak mbang, patagok rilo gah, daong paglaong jien mek tame ka urang nong saong ramik veik bruk ngak nong di huyện. Ong Châu Tấn Đạt, Phaok jabat Kế hoạch Tài Chính huyện Ninh Phước, tỉnh Ninh Thuận taong yaom glaong jalan ngak di HTX dalam bruk padang ngak palei pala bahrau urak ini:

Ong Châu Tấn Đạt: Huyện Ninh Phước lac huyện akaok mereip di tỉnh mek hu chuẩn palei pala bahrau, dalam nan hu rik daong di dom HTX, patagok jien mek tame ka dom urang dalam HTX, bhap bani dalam palei. Tapa nan, daong ngak hu salah blaoh tanut ka 13 dalam dom tanut padang ngak palei pala bahrau. 

Dom HTX hu rik daong biak siam dalam bruk salih jalan ngak, bruk ngak, paglaong rai diuk ka urang nong, palaghaih ka dom xã hu rilo urang Cam di tỉnh Ninh Thuận yam tal padang xã palei pala bahrau kiểu mẫu. HTX hu daong ka mikva xã viên dak harei dak salih jalan saneng, jalan ngak, daong ka mikva gul pataom, daong ba gauk dalam bruk ngak mbang pala drak, ba pandar siam dom ilamu kỹ thuật dalam bruk pala drak saong ngak kaya meda angaok bhum taneh kurang hajan, labaih pandiak./.

Urang lang: Jasi -21/3