Sinh vien, urang ngak, rahra hu klauk jru piah nao ngak bruk 

Lac sinh viên thun ka 2 khoa Sư phạm – Sang bac ĐH Phú Yên, kayua jit ruak COVID-19  nan ye adei Pi Năng Thị Thủy daok di xã Phước Bình, huyện Bác Ái jeng daok hu bac online. Bahrau ini, Thủy bui sambai lo tuk hu palei ieu nao klauk vaccine caga COVID-19:

“Hu klauk vaccine saong janih vaccine nan hu Karja lac siam mekre, salamat, adei mboh sahanang hatai lo kayua tuk drei nao bac ye taom gaok rilo menuac.”

Huyện Bác Ái hu 130 sinh viên hu klauk blaoh mbang 1 vaccine caga COVID-19. Daok xã Phước Bình, taong abih 26 sinh viên urang bangsa Raglai dalam xã jeng hu klauk vắcxin bloh. Daok huyện Ninh Phước, huyện jeng hu caik tabiak 2.400 mbang vaccine dalam abih tih 4.000 mabng hu parabha brei piah klauk dahlau ka dom sinh viên. Adei Đổng Thành Đạo, palei Hữu Đức, xã Phước Hữu, huyện Ninh Phước, t.Ninh Thuận lac:

Piah jhul samar saong khik hu salamat dalam bruk klauk vaccine caga COVID-19 ka dom sinh viên, Pasak Y tế dom huyện dalam tỉnh Ninh Thuận brei klauk tui yaok xã, ban sit piah plaih pataom rilo menuac. Bác sỹ Quảng Đại Hương, Yam ndok Pasak Y tế huyện Ninh Phước brei thau:

Dom vaccine siam di abih lac vaccine hu klauk samar di abih, daong pacang caga COVID-19 ka dom adei tame bac tuk tame TP.HCM haong dom tỉnh karei. Kayua yau nan ye, kol drei njauk samar peih bruk klauk vaccine caga ka dom adei)

Tukvak tapa, kayua jit ruak dui atah, rilo sinh viên mai palei saong urak ini dom adei jeng daok caga nao bac veik tuk jit ruak pasang iek hu. Meng dom vaccine hu pabak brei, rilo palei brei klauk dahlau ka sinh viên piah dom adei sahanang hatai nao tal sang bac tuk dom sang bac Đại học, cao đẳng di dom tỉnh, thành ieu tame bac.

Ong Đàng Chí Quyết, akaok mBan khik iek Khu phố Bàu Trúc, ban sit Phước Dân, huyện Ninh Phước, t.Ninh Thuận brei thau, ong haong mikva pak ini hu karja daong palagaih piah klauk hu ginup 2 mbang vaccine nan ye mboh biak sahanang hatai:

Băng tiếng Chăm Đàng Chí Quyết:

Tuk hu klauk vaccine caga Covid-19 bloh, menuac hu klauk meda oh njauk COVID-19 min jeng meda hu virus dalam rup saong pambak ruak ka urang karei. Kayua yau nan ye, dom menuac hu klauk bloh vaccine caga COVID-19 jeng daok brei ngak catang bruk cuk pataih pacang mbaok, brei daok atah di gauk saong ngak njauk tui dom panuac kakei karei karei di gah y tế piah pacang caga jit ruak ka rup drei, khik caga prein yava ka gauk gar dalam sang saong ka puk paga./.

Urang lang: Mousaphuong - 2/10